05/04/2024
علابالي كامل راكم تخممو ليمن رايحين تمدو زكاة الفطر!!! وتان راكم تشوفو فالاخبار وقلبكم يتقطع على اطفال فلسطين💔💔💔بصح معلابالكمش بلي كاين عدة طرق باش نقدمولهم زكاة الفطر ليهم من باب نساعدوهم وهوما مرهمش لاقيين واش ياكلو؟؟الطريقة الاولى: 1️⃣هي تشوف أي قريب ليك عندو بطاقة فيزا في اي بنك محلي مثل cpa ولا bna او غيرهم من البنوك 2️⃣تبحث في ڤوقل عن الجمعيات الناشطة في قطاع غزة ومثال برك كاين الهلال الاحمر الفلسطيني وتجبد رقم الحساب لي تلقاه فالموقع تاعو،واذا متعرفش شوف واحد مصغر يفهم شويا فالانترنت يجبدهولك ويقلك على اسم العملة للي يقبلوها فالتبرعات وتكون غالبا دولار3️⃣تروح عند اللي قريب ليك لي هدرنا عليه ولا صاحبك وتعطيلو دراهم الزكاة مثلا 1000دج(مياتالف) وتقلو ابعثلي حقها بالدولار لهذا رقم الحساب(الرقم لي عطاهولك المصغر) وتكون حوالي 4.3دولار(1دولار =230دينار)وهكذا تكون مديت زكاة الفطر لاهالي فلسطين.وكاين طريقة اخرى ومتسحقش فيها فاميلتك لي هدرنا عليه وهي تفتح انت بطاقة فيزا وتستقاملك حوالي 10 دولار وتشارجيها انت من عند ناس راهم يشارجيوهم تلقاهم فالفايسبوك.بهاذ البطاقة تقدر تتبرع ولا تشري بيها من المواقع العالمية ولا دبر راسك.ملاحظة فقط:: الناس للي تقلي الاقربون هم الاولى بزكاة الفطر.نقلكم مرنيش امام.روح سقسي الامام يقلك.والناس اللي عجبتها الفكرة تان نقلكم سقسو الامام قبل.وربي يتقبل منا ومنكم صالح الاعمال.واخيرا للي عجباتو الفكرة يدير بارطاج وجام وركزو على البرطاج.
