22/09/2026
🧶 سلسلة تعليم الكروشيه | Part 2
الخيوط والإبر 🪡🧶
بعد ما عرفنا في الـ Part 1 نبدأ الكروشيه إزاي، تعالوا نعرف من أهم الأساسيات:
الخيط المناسب + الإبرة المناسبة.
🪡 أولًا: الإبر
إبر الكروشيه ليها مقاسات مختلفة،
في مقاسات صغيرة ومقاسات كبيرة، وكل مقاس بيكون مناسب لخيوط وشغل معين.
🧶 ثانيًا: الخيوط
الخيوط أنواع كتير، لكن بشكل بسيط نقدر نقسمها إلى:
☀️ خيوط صيفي:
زي الخيوط القطن، وبتكون مناسبة للشغل الصيفي والقطع الخفيفة.
❄️ خيوط شتوي:
زي الخيوط الصوف، ودي بنستخدمها في الهدوم والقطع الشتوية.
✨ طيب إيه المقاس المناسب؟
من المقاسات اللي بنستخدمها كتير جدًا في شغل الكروشيه:
إبرة 3.5 و 4 مم، وخصوصًا في أنواع كتير من الشغل الشتوي.
⚠️ لكن أهم قاعدة لازم نعرفها:
مش أي إبرة تنفع مع أي خيط!
لازم كل خيط يكون ليه الإبرة المناسبة.
مينفعش مثلًا أستخدم خيط صوف سميك جدًا مع إبرة صغيرة جدًا، لأن ده ممكن يخلي الغرز ضيقة والقطعة تطلع مش بالشكل المطلوب.
🧶 ومع الوقت والتدريب والممارسة، هنعرف كل خيط أنسب له إيه، وهتبدأ عيننا تفرق بين المقاسات والخامات بسهولة جدًا.
💗 والأهم… متقلقوش من البداية!
كل حاجة في الكروشيه بتتعلم بالممارسة،
ُطــف
