05/10/2026
توضيح – ٧
في التصميم الداخلي
السجادة مش مجرد حاجة حلوة تتحط تحت الترابيزة.. 😏
عارفة لما تلاقي سجادة تعجبك جدا وتقولِي: "هي دي"
وبعدين تحطيها في البيت… وتكتشفي إن إحساسها موش زي الصورة اللي في دماغك؟ 😂
الموضوع موش مقاس وبس.
دا
المقاس/ اللون/ النقش/ الخامة.. وحتى مكان السجادة
لازم يكونوا متفاهمين مع بعض ومع الأثاث.
السجادة الصغيرة ممكن تبعد الأثاث عن بعضه،
واللون الغلط ممكن يعمل خناقة مع الكنبة والستائر
ونقشة قوية وسط أثاث مليان تفاصيل؟
"ممكن المكان كله يبدأ يتكلم مرة واحدة!" 😄
السجادة الصح هي اللي: "تجمع عناصر المكان وتديه إحساس بالانسجام"
من غير ما تشاور على نفسها
وعشان كده.. قبل ما تختاري سجادة لمجرد إن شكلها عجبك…
اسألي نفسك:
"هي حلوة لوحدها… ولا حلوة مع بيتي؟"
لأن أحيانا أجمل اختيار مش هو اللي يخطف عينك أول ما تشوفيه…
"هو اللي يخلي كل حاجة حواليه تبان أحلى." 🤍
#ديكور #توضيح
