15/06/2026
#مقرمشات
#بسكوت
مقرمشات سهلة و اقتصادية 💯
لزوم النقنقة 🧑🍳
❤️ نبدأ بسم الله ❤️
⚡المكونات ⚡
٢ كوب دقيق
ربع معلقة صغيرة ملح
معلقة كبيرة حبة البركة
( ممكن نضيف سمسم أو شمر أو يانسون حسب الرغبه)
كوب إلا ربع ماء دافئ
معلقة كبيرة ممسوحة خميرة
معلقة كبيرة سكر
معلقتين كبار زيت
معلقة صغيرة صلصة
⚡الطريقة ⚡
⚡في طبق نضيف الدقيق و الملح و حبة البركة و نقلب المواد الجافة
⚡في طبق عميق نضيف الماية و الخميرة و السكر و نقلبها و نسبها حوالى ٥ دقائق الخميرة تتفاعل و نضيف الزيت و الصلصة و نقلب المكونات كويس
و بعدين نضيف الدقيق بالتدريج ( كميه الدقيق بتقل أو بتزيد شوية على حسب نوعه )
و نعجن و نلم العجينة و نغطيها تخمر حوالى نصف ساعة
و بعدين نقسم العجينة نصفين
⚡ نضيف رشة دقيق بسيطة على السطح اللى هنفرد عليه العجينه و نفرد العجينة يكون سمكها وسط و نقطعها بقطاعة اى شكل و نرصها في صينية مدهونة بسيط زيت
و نكمل باقي الكمية و نغرزها بالشوكة أو عود خشبي
ندخلها الفرن على درجه حراره ١٦٠ أو ١٧٠ حوالى من ١٠ ل ١٥ دقيقة لحد ما يستوى و تاخد لون ذهبى 🫰
طعمها خطيييير و سهلة جدا 👌
معيار الماية و الدقيق بنفس الكوب
مقرمشة من بره و هشة جدا من جوه 💯💯
الف هنا 🧑🍳
