16/08/2026
جربيها و متتردديش 🥘💯
❤️ نبدأ بسم الله ❤️
💥 نصف كيلو لحمه مفرومه و نضيف عليها ٢ بصله متوسطه مبشوره أو بصله كبيره مبشوره و نصفي منها المايه
💥 و بعدين نضيف معلقه صغيره فلفل اسود و بهارات لحمه ( و معلقه صغيره ملح اوحسب الرغبه)
💥 نخلط المكونات كويس قوى مع بعض و ندخلها الثلاجه نصف ساعة
💥 و بعدين نشكلها صوابع ،،،، ندهن ايدينا زيت عشان متلزقش
💥 في طاسه عالنار نضيف ٣ معالق كبار زيت و بعد ما الزيت يسخن ننزل بالكفته ( لازم الزيت يكون ساخن عشان الكفته تاخد صدمه )
💥 مش هنقلب غير لما تاخد لون من تحت عشان متفكش
💥 بعد ما تاخد لون نقلبها لحد ما تتحمر من كل الجوانب
💥 و ننقلها في طبق
💥 في نفس الطاسه نزود معلقه زيت و ننزل عليها ببصله كبيره متقطعه شرائح
💥 نشوح البصله و بعدين نضيف فلفل ألوان متقطع شرائح و نقلب و بعدين نضيف رشه فلفل اسود و رشه ملح ( و رشه شطه اختيارى)
💥 نقلب المكونات مع بعض دقيقتين و نضيف الكفته عليهم و بعدين نقلب بحرص عشان الكفته متتكسرش
💥 و بعدين نضيف عليها معلقه كبيره صويا صوص و نقلب ،،،، دقيقه و نطفي عليها
قدمتها مع رز بسمتي 👌💯
ممكن تعمليها سندوتشات 🥖 🥖 مع سلطه طحينه
طعمها خطيييير و البصل مكرمل و الصوص طعمه حلو قوى 👍
الف هنا 🧑🍳
