مطبخ روزي التركي

مطبخ روزي التركي ربه منزل 😍 بمرتبه أم اعشق المطبخ والوصفات الغير مكلفه 👌
اشكركم جدا علي متابعتكم ❤️ اللهم اجعله في ميزان حسناتي و شفيعا لي يوم مماتي
(3)

07/08/2026

الناس كلها نزلت التطبيق ودخلت تتأكد من الخطوط اللي باسمها وما تعرفش عنها حاجه الا انا 🫪

مفيش حد يبلغ عن الراجل ويوصل صوته للمصالح الحكوميه وزارة التضامن أو رجال الأعمال يقفوا جنبه ويساعده ويقدموا له يد العون ...
01/08/2026

مفيش حد يبلغ عن الراجل ويوصل صوته للمصالح الحكوميه وزارة التضامن أو رجال الأعمال يقفوا جنبه ويساعده ويقدموا له يد العون في الخير اللي بيعملوا أو حتي يكرموا وده اضعف الايمان وزير الانسانيه يوسف الدندراوي ابو انس حبا في الله ورسوله الراجل ده محتاج دعم

ناشز وبستغرب من الناس اللي بتشجعها وبتقول عليها ست بمية راجل، لاء هي ست مش بربع راجل حتى، دي ست ناشز.ده مش رأيي، ده بوست...
31/07/2026

ناشز وبستغرب من الناس اللي بتشجعها وبتقول عليها ست بمية راجل، لاء هي ست مش بربع راجل حتى، دي ست ناشز.

ده مش رأيي، ده بوست لقيت حد منزله امبارح والحقيقة استغربت جدًا لأنه كان من راجل 😏 (المفروض) راجل أعطى لنفسه الحق أنه ينزل صورتها وهي في عز فرحتها وقال عليها إنها ناشز وتكلم عنها بالسوء وبما لا يليق.

لما راجل يتكلم على ست وينزل عنها بوست طويل عريض ومش لاقي محتوى غير أنه يجيب سيرة واحدة شقيانة وتعبانة يبقى هي شخصيًا أرجل منه.

ولاحظت حاليًا أن أي ست بتنفصل عن زوجها الرجالة بقت تطلق عليها لفظ ناشز اللي هما أصلًا مش فاهمين معناه وإنما أصبح لفظ بيستخدموه وخلاص للتقليل والتجريح.

طيب مين هي الناشز؟ 👇

الناشز هي التي ترفعت عن زوجها وتكبرت عليه ولم تطعه،
مثلًا:
• قال لها ما تنزليش وقامت ضربت بكلامه عرض الحائط ونزلت
• قال لها مفيش بيات برا ونزلت وسهرت وباتت

• مش راضية بعيشتها ومش طايقة تعيش في منزل الزوجية

• أو التي تنفر من زوجها دون أي أسباب منطقية أو صحية

باختصار، الناشز في الشرع هي التي تتعمد هدم الحياة الزوجية بالخروج عن واجباتها الأساسية، وليست كل زوجة غاضبة أو مختلفة مع زوجها أو انفصلت عنه.

هي دي الناشز اللي بقيتوا واخدينها لبانة وعمالين ترددوها دون فهم أو وعي.
• مش أي ست طالبت بحقها تبقى ناشز
• مش أي ست اعترضت أو اختلفت مع زوجها تبقى ناشز
• مش أي ست انفصلت عن زوجها لضرر وقع عليها تبقى ناشز

وعلى فكرة الرجل كمان تم وصفه بهذه الكلمة في القرآن لقوله تعالى في سورة النساء:
"وَإِنِ امْرَأَةٌ خَافَتْ مِن بَعْلِهَا نُشُوزًا أَوْ إِعْرَاضًا" [النساء: 128]

يعني النشوز ليس للمرأة فقط في الإسلام.
• الرجل الذي يتنصل عن مسؤولياته ناشز
• الراجل اللي مش بيصرف على بيته ناشز
• الراجل الذي لا يعامل زوجته بما يرضي الله ناشز
• الراجل اللي بيكسر زوجته ويهينها ومش قادر يحميها
وبخيل عليها معنويا وماديا ناشز
يبقى النشوز في الشرع مش للست بس وإنما كمان للرجل.

ولذلك بطلوا تتفوهوا بالكلمة دي عمال على بطال دون فهم لما تعني.

ربنا سبحانه وتعالى شرع الطلاق في حالة استحالة العشرة بين الزوجين وهذا لا يعتبر نشوزًا.

والناشز الحقيقي هو اللي يخلي واحدة ست تصرف على أولاده وكأن اللي كان بيربطهم به ورقة الطلاق اللي بينه وبين الست اللي خلفتهم له.

اتقوا الله وبلاش تجيبوا سيرة الناس وخصوصًا الولايا وتتهموهم بما ليس فيهم.

وبالنسبة لي الست دي بمليون راجل مش مية بس، شالت حمل يعجز الرجال عن حمله، سيبوها تفرح بمجهودها وتعبها واستثمارها في أولادها وربنا يجبرها فيهم ويعوضها خير.
والف مليون مبروك 👏 لبنتها ام الدكتوره والمهندسه

#بقلمي

ريم في كل الامتحانات وكل الأسئلة عملت عليها علامتين صح 🙄😏
30/07/2026

ريم في كل الامتحانات وكل الأسئلة عملت عليها علامتين صح 🙄😏

سيدة بتحكي اللي حصل معاها وبتستغيث بالناس، وبتقول عايزة ابنها سواء كان حي أو متوفي.على حسب رواية الأم اللي ظهرت في فيديو...
30/07/2026

سيدة بتحكي اللي حصل معاها وبتستغيث بالناس، وبتقول عايزة ابنها سواء كان حي أو متوفي.

على حسب رواية الأم اللي ظهرت في فيديو:

"أنا دخلت مستشفى الزقازيق الجامعي علشان أولد، وبالفعل ولدت يوم السبت اللي فات، وقالولي الطفل محتاج يتحط في الحضانة وفعلا أخدوه وأنا خرجت من المستشفى.

جوزي راح علشان يشوف الولد في الحضانة قالوله هو كويس بس روح خلص لنا الأوراق المطلوبة حاليا لأنك ماينفعش تشوفه دلوقتي وأدوله رقم يطمن عليه منه.

جوزي اداني الرقم ونزل راح شغله، فأنا اتصلت أطمن على ابني فلقيتهم بيحولوني لبعض وفي الآخر واحد منهم قالي ابنك توفى من الفجر.

اتصلت بجوزي وقلتله، فجوزي راح علشان يستلم ابنه فبيدوروا على الطفل مش لاقينه، ومش لاقين ورق الطفل.

أنا عايزة ابني سواء كان عايش أو حتى متوفي.. هاتوهولي أطمن عليه. أنا معايا ما يثبت إني ولدت في المستشفى ومعايا شهادة ميلاد ابني الحمد لله إن جوزي لحق يطلعها.

أرجوكم وصلوا صوتي، أنا زي بنتكم وزي أختكم وعايزة أطمن على ابني."

نرجو من الجهات المختصة في مستشفى الزقازيق الجامعي ووزارة الصحة التحقيق في الواقعة وطمأنة الأم.


#الزقازيق

ريم طالبه في الثانويه العامه وكانت منتظره النتيجه بفارغ الصبر زيها زي زمايلها واول ما الموقع فتح دخلت شافتها لقتها 92 حا...
29/07/2026

ريم طالبه في الثانويه العامه وكانت منتظره النتيجه بفارغ الصبر زيها زي زمايلها واول ما الموقع فتح دخلت شافتها لقتها 92 حاولت تاخدها اسكرين الموقع هنج قالت يبقي في ضغط عليه أصحابها دخلوا يدوروا علي النتيجه يتاعتها لقوها جايبه 15 من 320 بما يعادل 4 %..
ريم بتقول أنها طول عمرها متفوقه و كانت بتحل كويس وعايزه تشوف ورقها وتراجعه

29/07/2026

حاسه بكل قلب ام اتكسر ونفسي اطبطب عليكم كلكم واحضنكم واخفف عنكم ربنا يجبركم ومنه لله اللي كسر فرحتكم

28/07/2026

بعد اعتمادها خلال اليوم طرح نتيجة الثانوية العامة مع تمنياتنا بالنجاح

وأنا بقلب لقيت موقف يفرح القلب وسط بطولة إسكندرية الصيفية للسباحة 2025/2026 اللي بتتلعب في حمام السباحة الأولمبي بنادي س...
28/07/2026

وأنا بقلب لقيت موقف يفرح القلب وسط بطولة إسكندرية الصيفية للسباحة 2025/2026 اللي بتتلعب في حمام السباحة الأولمبي بنادي سموحة.

السباح الصغير آدم محمد رفعت (نادي الراية - الحارة 6) كان بيصارع في تصفيات 100م حرة وخلاص فاضل 5 متر ويتأهل، جنبه في الحارة 5 صاحبه عدي أحمد صالح اللي فجأة فقد الوعي وغرق تحت المية.

الكارثة إن الحكام وفريق الإنقاذ مخدوش بالهم في الأول، لكن آدم هو اللي خد باله.. بص وراه، ساب السباق والميدالية والتأهل، ورجع بأقصى سرعة شال صاحبه وفضل رافعه على الحبل لحد ما لحقوه.

ولما سألوه قال جملة تدرس: "عدي أخويا.. ماترددتش لحظة، ده واجبي"

الحمد لله عدي بخير واتلحق.

الجديد بقى إن إدارة نادي سموحة نزلت من شوية بيان هام جداً قالت فيه إنها أحالت الواقعة كلها للتحقيق الفوري وأوقفت كل المتسببين عن العمل لحين انتهاء التحقيقات، وأكدت إنها مش هتتهاون مع أي إهمال يهدد سلامة أولادنا، وهتطبق القانون على الكل بدون استثناء.

خطوة محترمة وتحترم، ونتمنى تتنفذ بجد عشان منكررش وجعنا على يوسف عبد الملك الله يرحمه.

آدم خسر سباق النهاردة، بس كسب قلوب ملايين وهيبقى مثال للرجولة والجدعنة لكل الأجيال.

تم التصالح
27/07/2026

تم التصالح

Address

البيطاش
Alexandria
21928

Website

Alerts

Be the first to know and let us send you an email when مطبخ روزي التركي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category