05/05/2026
يعني اي كلمه لمعه.؟ وكلمه نص لمعه الي بنسمعها ع طول
في ناس بتفتكر إن اللمعة مجرد شكل، بس الحقيقة اللمعة هي "شخصية الحيطة".
خليني أوصفلك الموضوع بالظبط عشان تكون فاهم كويس:
1. اللمعة الكاملة
بتبقى عاملة زي المراية، بتعكس الضوء بنسبة 100%.
سهلة جداً في التنضيف..
العيوب بصراحة ان لمعتها مزعجه زياده وان لو المحارة مش متسوية بالمللي أو المعجون فيه "ريجة" بسيطة، اللمعة دي هتبرز كل العيوب.
فالو هتختار لمعه كامله يبقه تهتم بتأسيس المعجون. ونا مارشحهاش لاي حد المحاره عنده مش مظبوطه عشان مهما هتصلح فيها برضوا هتظهر عيوب
2. النص لمعة 🌓
ودي ملكة الدهانات، وهي أكتر حاجة مطلوبة.
بتدي فخامة وهدوء للحيطة، وسهلة برضه في الغسيل
.. اختيار ممتاز لاغلب الناس حاجة كدا بين البنين لا هيه لمعتها مزعجه ولا هيه مفيهاش لمعه خالص
3.الربع لمعه دي هادي جداً . لو مشغل الاضاءة هتبان لمعه خفيفه ولو طافي الاضاءة مش هتبان لمعه خالص بس
ك شكل هي الاوله والاخيره حاجة كدا كلاسك بتبين جمال الجدار من غير انزعاج
4. المط
ده بيكون مطفي خالص مفيش أي انعكاس للضوء، حيطة هادية تماماً.
ويستر العيوب".. لو الحيطة فيها "مطبات" أو السقف مش مظبوط، المط بيداري كل ده ويخلي الشكل ناعم.
العيب بقي تنضيفه صعب شوية ومش بيستحمل الغسيل الكتير.
من الآخر؟
اللمعة مش بس شكل، دي حماية وقوة للدهان.. بس شرطها الأساسي هو خدمة المعجون
، والخدمة هي اللي بتعمل اللمعة اللي بنشوفها وبنحبها
#دهانات #تشطيبات #ديكور #نقاشة
