10/12/2025
من فترة طويلة وانا باخد قرارات كبيرة في حياتي بهدوء ومن غير كلام كتير
واحد من اهم القرارات دي هو اني عملت
Shift Career
وبشتغل في مجالي الجديد بقالي سنة كاملة
يعني اعتزلت المجال الفني والتغير ده مش قرار مفاجئ ولا رد فعل بالعكس هو خطوة محسوبة واخدتها من بدري وكنت مستنية الوقت المناسب اعلنها
المشوار الفني بالنسبة لي كان رحلة ليها بداية وليها نهاية
والنهاية كانت مشرفة جدا لما ختمت مشواري بخطة
The Power Plan 5
الخطة دي كانت تتويج حقيقي لتعب سنين ونقطة وقوف على قمة انا فخورة بيها جدا
وفكرة
Artist Club
من البداية كانت 3 سنين بس
وفعلا الرحلة اكتملت للنهاية وحققت الهدف اللي اتعملت علشانه بكل تفاصيله
وبرغم اعتزالي للمجال الفني
لسه بستقبل عضويات جديدة في النادي ولسه متابعة كل عضوة جديدة بنفسي
ويمكن دي الصلة الوحيدة اللي لسه بتربطني بالمجال وبحتفظ بيها لانها جزء جميل من رحلتي
انا فخورة بكل خطوة مشيتها في الطريق ده
وفخورة اكتر اني عرفت امتى اغير الاتجاه وامتى ابدأ فصل جديد بإرادتي وبثقة ثابتة ما بتتهزش
واللي يعرفني كويس عارف ان كل نهاية عندي بتفتح باب اقوى بعدها
شكرًا لكل حد كان جزء من المشوار
واللي جاي بإذن الله اهدي وانضج واقرب للي انا عايزاه فعلا
