29/10/2021
مساء الورد 🌷
بقالنا مدة كبيرة مش بنحط حاجه علي البيدج النهارده قررنا ندخل نتكلم معاكم شوية علي نوعيات ال bride boutiques و ايه اللي بينفع و ايه اللي مش بينفع و ايه الاشكال اللي ممكن تستخدميها as a bouquet ليكي يوم فرحك
اولا بتاعنا المتعارف عليه
و ده بيكون بأشكال و الوأن لا حصر لها و علي حسب ذوق و اختيار العروسة لنوعية الورد المحطوط في البوكيه و الوانه سواء ابيض او الوان مختلفة او ممكن تختار الوان معينه و تنسيق الزهور بيبقي من اختيار المنسق
كمان ممكن تكون العروسة بتفضل نوع معين من الزهور عايزه في البوكيه بتاعها يوم زفافها زي التيوليب او الكالا مثلا و باقي التنسيق بيكون برضه من اختيار المنسق مع مراعاه الحفاظ علي الالوان و الشكل النهائي لذوق العروسة 😍
هتلاقوا في الصور اشكال كتير اووووي لنوعية البوكيه ده
في نوع تاني من البوكيهات اللي برضه بتكون بورد عادي و لكن متتداخل معاها حاجات تانيه بتدي effect غير طبيعي الي حد ما زي الهيش او الريش و بيبقي شكلهم حلو جدا و لكني شخصيا مش بفضلهم مع ان النوع ده منتشر جدا اليومين دول و ترند
تاني نوع
و ده بيكون عبارة عن بوكيه مش من الورد خالص بيبقي من وردات من الستان او القماش و كريستالات او تزيين زخرفي شويه و ممكن يبقي كله كده بدون تداخل ورد
و ده كمان نوع بيكون حلو و بيليق جدا مع بعض الفساتين و لكني برضه شخصيا مش بميل ليه اوي او لاني بحب العروسة يبقي معاها bouquet من ورد عادي بيخليها اكتر اشراق و رقه حاجه كده من الطبيعة الملائكية ☺️😇
ما علينا هتلاقوا برضه صور و اشكال لنوعيه البوكيه ده موجوده تحت
تالت نوع بقي و اللي بحبه اووووووي و مش منتشر عندنا اوي هو
و ده بيبقي عبارة عن حلقة من الزهور باحجام و اشكال مختلفة
بجد بيبقي شكلها يجنن و مفيش كلام تاني يتقال عنها ممكن تشوفوا الصور اللي تحت و انتم تعرفوا 🥰
النوع الاخير بقي هو مش bride bouquet و لا حاجه و لكني للاسف بشوف عرايس مسكاه هو
النوع ده من البوكيهات لا يصلح نهائيا انه يكون للفرح او للزفاف ده بوكيه للمناسبات فقط
يعني هدية لحد عادي او في الفلانتين مثلا 😉 ، عريس رايح يتقدم فيدخل ببوكيه كده اخر جمال او هتروح زيارة لحد مريض او اول مرة تدخل البيت عنده بيكون البوكيه ده من الهدايا المثاليه جدا
انما عروسة … لا يجوز يا جماعة 😂
هتلاقوا صور لنوعية البوكيه ده كمان مع الصور تحت
طولنا عليكم بس قوللنا رأيكم هنحب نسمعه و لو في أسئلة او اراء ياااااااريت ♥️
هنبقي نعمل بوست عن بوكيهات ال bridesmaids قريب و كمان عن الديكور للفرح نفسه