22/07/2026
"ليه اللون اللي اخترته من الكارتلة بيطلع مختلف تماماً على حيطة شقتك؟" 🤔💭
كتير من عملائنا بيسألونا السؤال ده.. تختار درجة "بيج" أو "رمادي" هادية وجميلة جداً في المعرض، ولما تدهنها عندك تلاقيها قلبت على صفار، أو بقت كئيبة ومظلمة!
السر مش في جودة الدهان.. السر في (الإضاءة)! 💡
اللون اللي عينك بتشوفه على الحيطة هو مجرد "انعكاس الضوء" الساقط عليه.
🔍 إزاي الإضاءة بتغير لون الحوائط؟
1️⃣ الإضاءة الدافئة (Warm / WARM WHITE):
بتزود دفء الألوان، فتخلي البيج يقلب على صفار، والأحمر والبرتقالي يبانوا أسطع.
تأثيرها: بتدي إحساس بالدفء، بس بتغير معالم الألوان الباردة.
2️⃣ الإضاءة الباردة (Cool / WHITE):
بتخلي الألوان الفاتحة والرماديات تظهر بنقاء عالي جداً.
تأثيرها: بتدي إحساس بالنظافة والمساحة، بس لو زادت عن حدها بتخلي المكان يحسسك بالبرودة.
3️⃣ إضاءة النهار الطبيعية (Natural Light):
ودي اللي بتوريك "حقيقة اللون"..
وخلي بالك في عوامل تانيه كتير بتأثر علي درجة لون الحوائط ولازم مهندس التشطيب ياخد باله منها:
🖌️ درجة اللمعان (Finish): الدهان المط (Matte) بيمتص الضوء فبيبين اللون أغمق، بينما النص لمعة بيعكس الضوء فبيبين اللون أفتح.
🛋️ انعكاس ألوان العفش والأرضيات: لون السيراميك أو السجادة بيعكس درجته على الحيطة من غير ما تحس!
📐 مساحة الأوضة: المساحات الضيقة بتخلي الألوان تبان أتقل وأغمق من حقيقتها.
🛡️ قاعدة "تشطيبات" الذهبية اللي بنطبقها مع عملائنا:
"مفيش لون بيتحدد من الكارتلة جوة المعرض!"
لازم نعمل عينة اختبار (Sample) على الحيطة في الشقة نفسها.
