31/07/2026
وانت بتشتري مشترك بص علي حاجه مهمه
الامبير بتاعه وده هتلاقي رمزه بحرف ال A
لو هتشغل عليه تلاجه وفريزر مع بعض
عشره امبير كافي
لان التلاجة هتسحب مابين 1.2 امبير والفريزر زيها
فالاتنين مع بعض مش هيسحبوا حتي اربعه امبير
أما لو هتوصل مكواه أو كاتيل
أو فرن كهربا فدول الواحد لوحده
بيسحب فحدود 7 امبير يعني لو هتوصله
علي مشترك ضعيف مش هيتحمله
أما اللي افضلهولك
انك تشتري المشترك 16 امبير تلف المشترك ونشوف
المكتوب عليه وتشتري ماركه محترمه
ونصيحه لله
الحاجات اللي بتحول الكهربا للحراره
زي الدافايه المكواه الفرن وغيرهم
متوصلش حاجتين منهم علي مشترك واحد ويشتغلوا
فنفس الوقت
لان المشترك هيسخن وفيشته هتسخن
انا بسطتلك الموضوع عشان بحبك فالله
