ZA art Design, Cairo (2026)

02/08/2026

08/07/2026

قالك حسام حسن معملش حاجة تستحق..

حسام قلب الدنيا في المؤتمر الصحافي في قلب أمريكا، اللي كانت بتقفل أكبر جامعاتها وتدخل الشرطة تطارد كل شخص يرفع العلم، ولو كان أستاذ جامعة، كانوا بيجروه جرّ كالخراف..حسام رفع العلم في بلد صرفت على العدو 50 مليار $ معدات عسكرية، في ألف رحلة جويّة كاملة، عشان بس تضمن محو أهالينا من على وش الدنيا..حسام قال خطبة سياسية رجّت الكون، في وقت ما حتى العرب والمسلمين قبل الأجانب اتعودوا على إن مكان أهالينا إما في القبر أو المعتقل أو الخيمة، ومحدش بقى بيهتم أصلًا..

حسام شاف بعينه إن رئيس الفيفا بيترعب من ترامب لدرجة منع حكم صومالي، ولدرجة إلغاء قرار طرد لاعب أمريكي بعد مكالمة من البرتقالي المريض، وهو لم يخش في الحق لومة لائم..مع إنه عادي ممكن يتحط بلاك ليست ويتمنع هو كمان من الجنة الأمريكية..حسام حوّل مونديال كورة ولعب وهزار وفرفشة لذكرى سوف تطارد الأمريكيين من قلب أراضيهم..إنه في يوم من الأيام..خرج مدرب مصري، رفع العلم، وقف قصاد الكاميرات..وقالها في وش الدنيا..من لا يشعر بمعاناة أهالينا..لا يستحق أن يكون إنسانًا..وإن القضية اللي صرفوا على محوها، اتخلدت في قلوب الناس..من جوه بلادهم..

ولأ..مش كل واحد يقدر يعمل كده..مش كل واحد يقدر يبقى حسام حسن..الاسم اللي دخل المونديال مجرد مدرب كورة من بين 48 مدرب..وشاء الله أن يتحوّل لرمز في قلب 400 مليون عربي..ولا يخذل الله يومًا من نصر عباده !