كوكب ماما لولي

17/02/2026

منيو كامل لسفرة شهر رمضان الكريم
كل عام وانتم بخير 🌙🌴❤

12/12/2025

🫰🏻🫰🏻

احلي شوربه تمدنا بالدفيء والحراره

01/10/2025

مكرونة اسباجيتي بالكريمة والمشروم والبيكون 🍝🍄

المكونات:
200 جرام مكرونة سباجيتي.
2 ملعقة كبيرة زبدة. 🧈
200 جرام بيكون مقطّع صغير.
250 جرام مشروم مقطّع شرايح. 🍄
2 فص ثوم مفروم. 🧄
1 بصلة صغيرة مفرومة ناعم. 🧅
1 كوب كريمة طهي.
1/2 كوب جبنة رومي مبشورة. 🧀
ملح وفلفل أسود حسب الذوق.
شوية بقدونس مفروم للتزيين. 🌿

الطريقة:
اسلقي المكرونة في مياه متملحة لحد ما تكون نصف سوا صفيها وحطيها على جنب. 🍝
تحمير البيكون: سخّني الزيت أو الزبدة في طاسة كبيرة على نار متوسطة، وقلّبي البيكون لحد ما يبقى مقرمش. شليه من الطاسة وسيبيه على جنب، لكن سيبي الدهون في الطاسة علشان تضيف طعم للصوص. 🥓
في نفس الطاسة، ضيفي الثوم والبصل وقلّبيهم لمدة 2-3 دقايق لحد ما ريحتهم تطلع والبصل يبقى شفاف.
تضيفي المشروم للطاسة، وقلّبي لمدة 5-7 دقايق لحد ما ياخد لون دهبي ويبقى طري. 🍄
تحضير الصوص الكريمي: صبي الكريمة على المكونات وسيبيها تغلي غلوة خفيفة على نار هادية لمدة 3-4 دقايق لحد ما تتقل. بعد كده ضيفي الجبنة وقلّبيها لحد ما تذوب في الصوص. تبّلي بالملح والفلفل حسب ذوقك.
رجّعي المكرونة والبيكون المقرمش للطاسة، وقلّبيهم كويس مع الصوص علشان المكرونة تتغلف تمامًا. 🥢
التقديم: قدّمي الطبق سخن وزينيه بالبقدونس المفروم لإضافة لون وطعم منعش.
اقتراح التقديم:
قدّمي الطبق مع سلطة خفيفة أو عيش بالثوم علشان تكون الوجبة كاملة ومشبعة.

بالهنا والشفا علي قلبكم

01/09/2025

تطبيقي للمجبوس الأماراتي💛
بجد الطعم تحفه ولذيذ جدااا عقبال كل شهر ☺️🫰



#المجبوس





المچبوس طبق تقليدي تراثي يعد من اقدم الوصفات التي قامت عليها ثقافة الطعام الخليجي .
وبقدر ماتأثر المطبخ الخليجي من الحضارتين و الاقتصاد في بلاد فارس والهند الا انه تميز واختص في إنفراده بطبخ وصفاته الخاصة ' فمع استيراده للزعفران والبهارات الصحيحة وباقي المواد الغذائية أنشأ المطبخ الخليجي لنفسه وصفات منفردة
محافظا على أصالة النكهة .
المقادير:
لكل دجاجة واحدة
بصلتان مفرومتان
4 فصوص ثوم مفروم
حبة فلفل رومي مقطعة
حبة طماطم مقطعة
2 فلفل حار
كوب شبت وكزبرة مفرومة
كوب زيت
البهارات الصحيحة:
عود قرفة وورقة غار وحبتين هيل.
البهارات :
م ك ملح
م ك بهار بحريني
م ص كركم
م ص فلفل اسود
م ص فلفل احمر
م ص زنجبيل مبشور
كوبين رز بسمتي.

للتقديم حسب الرغبة:
ربع كوب صنوبر محمص
طماطم مشوية
فلفل حار مشوي
الطريقة :
- في قدر على النار نقوم بتحمير البصل حتى يصل الى من اللون الذهبي الى البني الغامق .
- نضيف عليه البهارات الصحيحة ونقلبها حتى تأخذ النكهة العربية.
- نضيف الثوم والفلفل الاخضر و نحرك .
- نضيف الطماطم والزنجبيل و نحرك حتى تذبل الطماطم مع الفلفل .
و كذلك الشبت والكزبرة ونقلبها و نقوم بوضع الدجاج فوقها.
- نضيف البهارات و الماء المغلي ليصبح فوق مستوى الدجاج بمقدار اصبعين تقريبا و نغلق القدر و نتركه ليطبخ على نار هادئة مدة 30_40 دقيقة حتى ينضج الدجاج وبعدها نرفعه على جنب.
- ننزل الرز المغسول والمنقوع في ماء الدجاج وعلى نفس النار الهادئة تقريبا 30 دقيقة حتى يجهز .
- ممكن اثناء مايجهز الرز نشوي الطماطم والفلفل ونحمص الصنوبر .
وقت التقديم نضع الرز وعليه الدجاج والمقليات ورشة بقدونس .

ملاحظة:
ممكن قلي بطاطا او باذنجان حسب الذوق والف هنا🫰

30/08/2025

🧅✨ أحلى تتبيلة بصل للمشاوي ✨🧅
لو عايزة البصل يبقى طعمه رهيب مع الكباب والشيش طاووق والساندوتشات تعالي اقولك 🫰

قطعي البصل الأحمر جوانح رفيعة

رشة ملح وادعكيه بإيدك شوية

زودي عصير ليمون + رشة سماق أساسي+ رشه فلفل اسمر

رشة سكر + شوية زيت زيتون + بقدونس مفروم

قلبي كله وسيبيه 5 دقايق يتشرب من التتبيله 👍

والف هنا علي قلوبكم 👌

#مشاوي

30/08/2025

فاطمه وعبد الغفور قصة حب بدءت بطبق كشري ♡♡
مين هنا بقي بيحب الكشري؟؟؟

19/08/2025

تصويري المتواضع 🫰🫰

18/08/2025

طريقه دجاج توسكان مع البطاطس 🍗🥔

المكونات:
• 4 صدور دجاج (أو أفخاذ مخلية)
• 3 حبات بطاطس متوسطة مقطعة مكعبات صغيرة
• 2 ملعقة كبيرة زيت زيتون
• 3 فصوص ثوم مفروم
• 1 كوب كريمة طبخ
• ½ كوب جبنة بارميزان مبشورة
• ½ كوب طماطم مجففة
• 1 كوب سبانخ طازة
• 1 ملعقة صغيرة ريحان مجفف (أو زعتر/أوريجانو)
• ملح وفلفل أسود حسب الرغبة
⸻

👩‍🍳 طريقة التحضير:

1. تجهيز البطاطس:
• اسلقي البطاطس نصف سلقة (10 دقايق في ماء مغلي بملح).
• صفيها، تبليها بملح، فلفل، وزيت زيتون.
• ضعيها في صينية فرن وادخليها على حرارة عالية 200°م لحد ما تبقى مقرمشة وذهبية.
2. تحضير الدجاج:
• تبّلي صدور الدجاج بملح، فلفل، ورشة ريحان.
• سخني طاسة على النار مع ملعقة زيت زيتون.
• شوّحي الدجاج لحد ما ياخد لون ذهبي من الجانبين (لكن لسه مش مستوي 100%).
3. عمل الصوص التوسكاني:
• في نفس الطاسة، ضيفي الثوم المفروم وشوحيه ثواني.
• ضيفي الطماطم المجففة + الكريمة + جبنة البارميزان وحركي لحد ما الصوص يتقل شوية.
• ضيفي السبانخ في الآخر وخليها تذبل.
4. الدمج:
• رجّعي الدجاج في الصوص وخليه يكمل تسوية 10 دقايق عالنار هادية.
• قدميه في طبق مع البطاطس المقرمشة على الجنب.

⸻

🌟 نصائح:
• تقدري تزودي فلفل ألوان أو مشروم للصوص لو بتحبي.
• لو عايزة نسخة أخف: استبدلي نصف كمية الكريمة بلبن قليل الدسم.
• البطاطس ممكن تتعمل في Air Fryer لو عايزة تقللي زيت والف هنا 🫰