25/08/2025
🥙 شاورما فراخ في تورتيلا
أكلة سريعة ولفّة ونص بجد 🔥❤️
المقادير:
نص كيلو صدور فراخ مقطعة شرايح رفيعة
2 معلقة زبادي
معلقة خل
عصير نص ليمونة
2 معلقة زيت
2 فص توم مفروم
ملح + فلفل + بابريكا + رشة قرفة + بهارات شاورما
عيش تورتيلا
سلطة (طماطم، خيار، خس)
طحينة أو ثومية
الطريقة:
1. تبّلي الفراخ بالزبادي والخل والليمون والزيت والتوابل، وسيبيها ساعة على الأقل.
2. سخّني طاسة على نار عالية وحمّري الفراخ لحد ما تاخد لون دهبي.
3. جهّزي عيش التورتيلا، حطي الفراخ، شوية سلطة، ومعاهم معلقة طحينة أو ثومية.
4. لفّيها رول وسخّنيها دقيقة على الجريل عشان تبقى مقرمشة من برّه.
هتطلعي ساندوتش شاورما يديكي إحساس المطاعم وأحلى 😍👌
---
