يوميات دودي

يوميات دودي Contact information, map and directions, contact form, opening hours, services, ratings, photos, videos and announcements from يوميات دودي, Kitchen/Cooking, Cairo.
(27)

مرحبا بكم في صفحتي المتواضعة اتشرف بمتابعتي ودعمي بقدم محتوي طبخ. #حكايات #قصص #واقعيه تابعوني عشان اقدر أفيدكم واكون عند حسن ظنكم بحبكم في الله 😍♥️يوميات وحكايات ستات من الواقع ❤️
جواز | وجع | فضفضة
مش لوحدك ✨

17/06/2026

مشكله عضوه
اختي كانت بتحب شاب سمعته زي الزفت وكمان أهله مش كويسين وكان محبوس واحنا اقنعنها بكل الطرق أنها متتجوزش متماسكه بيه جدا وهو عميها شايفه كل. حاجه فيه وحشه حلوه وخيارنها بينه وبينا اختارته هو حتي امها قالتها لو اتجوزتيه متعرفناش قالت ماشي واتخطبت ليه بعد إلحاح وضغط في فتره الخطوبه راحت فرح صحبتها شتمها أقذر الشتائم وضربها والأهل ادخلوا وامها شتمته والشارع كله اتفرج عليه دلوقتي هي بردو عاوزه ترجعله وقطعه الاكل والشرب واهلها عملوا كل حاجه عشان بيظواوالجوازه وهي مصممه لدرجه ان اخواتها قالولها.مش.هنحضرلك.حاجه ولاهنديكي.عفش.اخرجي بشنطه هدومك.هل ده قرار صح ولاغلط واي الحل احنا حاسين أن ممكن يموتها لو اتجوزته في نفس الوقت ابوها وامها غلابه مش قد الناس دي قالولي رايكم تصرفنا صح ولااي الحل بدون تجريح❓❓❓❓❓❓

16/06/2026

اي اخبار الجوازات العره والنسب العار اللي اختارتوا لنفسكوا كل واحده وواحد تقول تجاربها مع الجواز❓❓❓❓❓سؤال للنقاش

07/06/2026

انا كنت منفصله مرتين بسبب الخلفه وتزوجت الثالث اكبر سنا لان ابويا اتوفي واحتجت ان يكون في احد جنبي اخدت واحد ما طلبت منه شي كنت عاوزه الستر بس لان الحمد الله أنا ماديا كنت مرتاحه كنت بدفع الايجار وبساعد كثير وما طلبت منه ولا شي ورغم ذلك كان بيحاربني بشغلي ان مش اتاخر في شغلي واقلل شغلي بالرغم ان ماكنت بقصر اطلقنا بسبب الشغل وهو ما كان راضي يدفع معايا بالإيجار عشان اقلل شغلي بحجه انه مش معاه فلوس المهم حصلت مشاكل واطلقت بسبب الشغل هو راح خطب ما كان موفرلي شقه ولا اي شي لما خطب اشتري شقه وبيفرشها امال ليه كان معايا بيدعي انه مش معاه وجاب دهب أنا زعلانه علي نفسي ان ضحيت كثير وفي الاخر ضحي بيا وبيعمل معاها حاجات مش عملها معايا بجد مقهوره ليه الانسان لما تكون الست كويسه معاه بيستغل ده أنا حزينه قوي علي نفسي ونفسي اطلع من اللي أنا فيه حتي حقي مش عطهولي لما اطلقنا

06/06/2026

فشىكلت خطوبتي لسبب كل الناس شايفه انه سبب تافه وشايفة اني غلطان خطيبتي قالتلي انها هتطلع مصيف مع اهلها قولتلها مين طالع معاكي قالتلي انا وبابا وماما واخويا واختي وجوزها وجوز اختي جايب لنا شقة تبعه في مكان حلو قولتلها وانتي هتباتي في نفس الشقة اللي هيبات فيها جوز اختك قالتلي ما كل واحد ليه اوضة لوحده انت ايه مشكلتك قلتلها وابوكي موافق علي كدة قالتلي ايوة ما بابا طالع معانا
ساعتها ادركت ان الناس دي مش شبهي وطريقة تربيتهم لبنتهم غلط انا حاولت افهمها ان ده غلط وقولتلها ماينفعش يبات في نفس الشقة لانك لما تقعدي مع جوز اختك فى نفس المكان طبيعى انه هيشوفك فى حالات مينفعش يشوفك فيها لأن الطبيعى انكم هتبقوا فى مكان واحد فهتبقوا زى أسرة واحده يعنى زى أخوها وهو مش أخوها وحقي إني اغير على الست اللى هتبقي أم أولادي
وهي ماقتنعتش قولتلها تمام بعد ما طلعت المصيف قولتلها كل شئ قسمة ونصيب ولما ترجعو هكلم والدك هنهي معاه كل حاجة واخد حاجتي
هل كدة انا ظلمتها في اي حاجة وده فعلا سبب تافه زي ما الناس بتقول

05/06/2026

يجماعه ممكن تفيدوني دلوقتي اخو جوزي اتوفي من مده ومخلف من مراته ولدين تؤام ٣ سنين و حماتي النهارده جاتلنا وقالتلنا انها عايزه جوزي يتجوز سلفتي بس انا رفضت وقلتلها لو هيعمل كدا يطلقني ببص لقيت جوزي بيقنعني معاها يعني هم متفقين من قبل كدا انا اتصدمت و انا حامل في الخامس ولولا كدا والله كنت طلبت الطلاق في وقتها انا دلوقتي اتصرف ازاي ولا اعمل ايه

02/06/2026

السلام عليكم ورحمه الله وبركاته
اخوكم ف مشكله وكنت محتاج مساعده منكم ، انا شاب متجوز من اربع شهور اتجوزت بنت اصغر مني عشر سنوات
اول مشكله كانت بترفض تنزل تساعد امي ف شغل البيت
عل رغم من الاتفاق اني عايش مع اهلي ولو محتاجه اي شي
هيكون موجود ف شقتك فوق مع الوقت كانت بتزل وكانت
كويسه جدا ف شغل البيت ، من فتره اكتشفت انها بتكلم
امها عن كل شي عن حياتنا وكلمتها ان كدا غلط ، كلمت ابوها يخدها يفهمها شويه وتفضل معا يومين ، وبعد كدا جبتا ومشيت الامور تمام بعد المره دي ...
الحمد لله ربنا كرمنا بحمل ، وروحنا للدكتوره قالت لها راحه شويه ، جت من عند الدكتورة. وبعد كدا بتزل وكل حاجه
بس عل خفيف عشان الحمل ، بعد كدا مره رفضت تنزل
بحجة الحمل والترجيع قالت اسيبها شويه برضو عشان الحمل ، سبتها عشرين يوم ، بعد كدا كل يوم اقول لها انزلي
ساعدي امي عل قدك واطلعي تاني ، كانت بترفض ، زعلت منها يوم وكنت برجع من الشغل واكل بره عشان زعلان منها
كلمت ابوها الصبح وعمها يجو يعقدو معايا شويه واحكي ليهم الموضوع ، بعدها بساعتين وانا ف الشغل امي بتكلمني
بتقولي مرتك رايحه فين ، استغربت ورنيت عليها مش ردت عليه ، كلمت ابوها قالي اه جايه ترتاح انتم مش عايزها تترتاح شويه ، قلت له خليها عندك بقي ، فضلت 15يوم
مش فكرت حته ترن عليا ولا اي حاجه بنسباله انا استغربت منها اوي بعدها يوم الوقفه بترن عليا عايزه اجي اخدها
قولت ليها ژي مامشيتي تعالي ، قلت مش هجي الا لما تجي
وانا قولت لاء مش هاجي ، بعدها بومين حصل معانا تجاوزت
وعتاب ، لقيت رد غريب الوصف ، انا فعلا الي بدات بالشتيمه
بس هيا كانت اصعب مني ف الرد ، بتقولي هو كان حد رضي بيك ، وبتقولي انتا كنت تحلم تتجوزني ، وبتقولي الحب حرام ، وبتقولي مش كل الناس اللي تتحب .... اخر البلوك بتقولي لو كان معايا رصيد لكنت شوفت الوش التاني ...
انا تاني يوم كنت ناوي أطلقها بس امي زعلت مني وتعبت بسبب الموضوع.... افيدوني بالله عليكم اخوكم ف الله تعبان ومخنوق بالله عليكم

الكلمه دي دبحتني انا شخصيا ،

01/06/2026

دلوقتي انا بإذن الله هولد في شهر 8
وهقعد عند اهلي لحد اما اتعافى من الولادة ع حسب هولد قيصري ولا طبيعي
المهم هو مش عايز يهتم بفترة النفاس وانا في بيت اهلي
بيقولي اما ترجعي البيت هتلاقي الفراخ واللحمه والفواكه وكل حاجه
بقوله طيب هات جزء منهم و ابعتلي وانا عند اهلي
عشان حرام يشيلوا هما الليله وانا كده كده ملزمه منك انت ماليا حتى وانا عند اهلي بيقولي لا
لو انتي في بيتك كل حاجه هتيجي لكن هناك عند اهلك هما يتكفلوا بيكي
مع العلم ان اه ظروفه ع قده بس الفتره بعد الولاده احتمال يجيله مبلغ كويس من الشغل
اعمل اي انا اتكلمت معاه بس هو مصمم بجد
وانا متضايقه اهلي ظروفهم ع قدهم وانا مش عايزه اتقل عليهم خالص والله
مع العلم اننا اما اتكلمنا من فترة انا وهو في نفس الموضوع
كان بيقولي ان اهلي يشيلوا اكلي ويبعتولوا اكل وهو هنا في البيت بتاعنا قال في الارياف والبلد عنده بيعملوا كده
قولتله وقتها يابني انا اصلا مسؤله منك ماليا وانا هناك ولو انت مش راضي تدفع ع الاقل اهلي يشيلوني وأهلك يشيلوك
المهم انه قالي امبارح انه هيجيب اكل من برة كل يوم وانا عند اهلي عشان يا حرام مش عايز يشيل اهله حاجه
لكن انا اتقل ع اهلي عادي
بجد الموضوع مضايقني ومش عارفه اعمل اي
مع العلم بقوله اكيد مامتك وهي جايه تزورني في بيت اهلي بعد الولاده هتدخل بفراخ وكده قالي لا اكيد هتدخل بفواكه
قولتله فواكه اي عيب جدا المفروض تدخل بفراخ عشان هبقى لسه والده
كل ما في الموضوع اني مش عايزه اتقل على اهلي عشان ظروفهم لكن بجد محتارة معاه ومش لأقيه معاه حل رايكم اعمل ايه

31/05/2026

السلام عليكم
عندي مشكلة مع اختي ومحتاجة اعرف رايكم ايه ومين غلطان
أنا دكتورة والحمد لله ربنا كارمني أنا وجوزي وعندي بنتين وولذ
قبل العيد كنت محتاجة حد يساعدني في تنظيف الشقة لأن عندي شغلي في ضغط كبير وواخد كل وقتي وطبعا زي اي بيت في تنضيف وغسيل قبل العيد كلمت الست اللي بتجيلي لفيت عندها حالة وفا.ة وسافرت بلدهم كلمت اكتر من حد كله مشغول او مواعيدهم مش مناسبة معايا
وعندي أختي ظروفها المادية على قدها ومش شغالة وعايشة على معاش جوزها الله يرحمه ومعاها ٣ اولاد بتربيهم
ففكرت اني أساعدها وفي نفس الوقت أخلص من اللي ورايا في الشقة
فكلمتها وقلتلها تيجي انتي تمسكي تنظيف الشقة وتظبطيها عشان العيد ولو عشان ولادك وديهم عند جدتهم مامت باباهم يوم ولا ٢ لحد ما تخلصي براحتك لان شقتي كبيرة وكنت ناوية والله أديها مبلغ كويس مقابل تعبها غير مصاريف المواصلات ونيتي كانت خير وقولت هديها زيادة عن أي حد ومهما كان هي اولى وكمان بتربي ايتام وكده
بس اتفاجأت انها زعلت جدا من طلبي ده واعتبرت إن طلبي إهانة ليها وقالتلي إني كده شايفاها خدامة عندي عشان ظروفي أحسن منها وقالت خلي بناتك يعملوها مهما كبار وكلام كتير ملوش لازمه
حاولت أفهمها إن الموضوع مش كده خالص وإن لو كنت جبت أي ست تساعدني كنت هدفع لها مبلغ وان انتي اولى وكنت هديكي أكتر وإن نيتي كانت أساعدها بمبلغ هي تستفيد منه بدل ما يروح لحد غريب.
لكن هي رفضت الكلام تمامًا ومن ساعتها وهي متضايقة مني ومش بتكلمني زي الأول وحتى لما دخل علينا العيد بعتلها رسائل واتصلت عليها عشان تاخد اللحمه واقولها كل سنة وانتي طيبة مردتش عليا واحنا بابا وماما متوفين ومعندييش غيرها من اهلي اللي بكلمها بس ومعرفش كبرت الموضوع بشكل فاجأني بصراحه ومش عارفه ايه الغلط اللي عملته لكل ده هل فعلا يا جماعة أنا غلطت لما عرضت عليها الموضوع بالشكل ده
ولا هي فهمت قصدي غلط ولا ايه
بصراحة أنا زعلانة جدًا لأن نيتي كانت خير ومساعدة ومكنتش متخيلة إن الموضوع يوصل بينا للزعل ده كله.

31/05/2026

السلام عليكم
عندى.مشكله كبيرة وتقريبا مبقاش ليها حل
متزوج من ١٧ سنه وعندى اربع اولاد بعطى زوجتى
١٠ الاف اكل وشرب فقط
وانا بدفع الايجار والدروس والعلاج والكشوفات وهى مبتحطش جنيه من ١٠ الاف لو جنيه حتى في الحاجات ديه
وصلت مصاريفى شهر ٣ ٢٣ الف جنيه بكل شئ
وشهر ٤ اقسم بالله ٢٤ الف جنيه
بقالها ٣ شهور واخده جنب ومش بتكلمنى عشان عاوزه ازود ال ١٠ الاف جنيه او اديها كل الفلوس وانا ابقا منظر فالبيت يعنى الاولاد تطلب منها كل شئ
وطبعا انا رافض كل ده الولد لازم. يحس ان ابوه هو القوام وهو اللى بيصرف مش منظر فالبيت هى بقا يعتبر هاجرانى من ٣ شهور او بالاخص بتأدبنى
حتى يوم الوقفه رجعت من الشغل راحت لامها لحد الفجر كلنا ساكنين جنب بعض مرضيتش انكد عشان الاولاد تانى يوم اللى هو اول يوم العيد وتسيبنى وتنزل لامها ومترجعش الا الساعه ٣ الفجر وكأن مفيش حد .فالبيت او انا مش موجود اصلا
طبعا اى راجل هيضايق وهيقلب الدنيا
تانى يوم قولتلها مفيش نزول
طبعا الدنيا قامت وانت هتسعبدنى والاسطوانه دى وانت مش مكفى بيتك ومش بتكفى الاكل والشرب وانا اصلا بقالى شهرين مش باكل فالبيت بسبب كلامها الس.م انا عندى اهل ومش مقطوعه من شجرة ورنت على اخوها جه قاللى معلش نزلها احنا فعيد قولتله وفين حق زوجها وحلفت لو هتعتب باب الشقه لا
كسر ر.جلها طبعا قعدت تسخن فأخوها ينفع اللى بيعمله ده وانا الصراحه اتعصبت جامد ولو كانت نزلت كانت هتحصل مصيبه فعلا
اخوها لما لاقنى كده مشى وقاللى بكره هجيب حد كبير من عندهم. امبارح فعلا جه هو وكبيرة ده وكبيرة ده صاحبى وعارف اخلاقى وعارف انى مكفى بيتى وجبت الكراسه اللى مسجل فيها المصاريف
قالت لأه الفلوس مش.بتكفى يدينى هو ال ٢٤ الف وانا اصرف يمكن اوفر او اعمل جمعيه وانا كنت عارف انها عاوزه توصل لكده
للعلم عندها ١٠٠ جرام دهب معرفش عنهم.حاجه بس للحقيقه.هما بتوعها وعمرى ما فكرت اخد.منها شئ ولا عاوز اعرف هما فين
قولتله لو انت ترضاها على نفسك يبقا تمام انا مش هرضاها وقولت ليها على كل اللى عملتها وقال الفلوس فعلا كتير واكتر من بيوت كتير
طيب قال انتى عاوزه ايه
قالت عاوزه ١٥ الف اكل وشرب بس رد قالها ومين هيقدر على كل ده طبعا اتعصبت جدا وقولت والله لو فيها طلاقك ودى هتبقا الطلقه الثالثه مش هوافق ومش هزود جنيه
قالى وايه الحل قولتله الحل عندك عشان هى هتأدبنى وهى اللى هتهجرنى اللى المفروض الراجل هو اللى يهجر يبقا الدنيا اتشقلبت واخوها نفسه قالها تمشى على قد جوزك قالتله والسمنه البلدى ومش عارف ايه قالها اطبخى بهولندى ردت قالت معرفش اكل بالكلام ده ك كبيرها قاللى طيب حاول تمشى الدنيا عشان العيال قولتلها انا ضحيت كتير عشان العيال وده حصل فعلا والله بقينا فزمن نقول للراجل عيش عشان عيالك الكلمه دى كانت بتتقال لامهاتنا قولتله والله لو هى اخر طلقه ولو هى اخر ست مش هوافق ومش كل حاجه العيال وفين انا من كل ده
ردت قالت خلاص همشى بال ١٠ الاف بس نرجع زى ما احنا يعنى تأدبنى وتجهرنى قولتله يبقا هنوصل لنقطه ملهاش رجوع هى هتعمل كده وانا هعند. معاها مش هنزلها ومش هخليها تبيع
هى بتبيع ملابس اطفال اون لاين طبعا نفس الرد انت هتسعبدنى والكلام ده
اخر حل وصلت ليه لانه فاض بيا فعلا وبكيت لوحدى بدون اى شعور عشان بعد.العمر دا كل وكل المصاريف دى اظهر قدام الناس انى مش قادر اصرف وانا مكفى بيتى بزياده
ووصلت انى قولتلهم خلاص بكره نطلق
اخوها قاللى خلاص هاخد اختى تغضب عند امها لحد ما تطلق قولتله والله لو نزلت لمو..تها قبل ما تنزل عشان انت متعرفش فالاصول ومينفعش تنزل زوجه من بيت زوجها يعتبر غصب عنه وصوتنا على جدا قاللى خلاص هى تخرج برا الباب وارمى اليمين عليها ومتمدش ايدك عليها قولتله يلا ورينى هتعملها ازاى دخلت اوضتى لميت لبسى عشان فعلا كنت هرمى اليمين وانزل انا عشان اسيبلهم الشقه كلهم ساعتها دخلوا ورايا الاوضه وعاوزين ياخدوا منى اللبس وقالولى تعالى ننزل عالقهوة كبيرها قاللى انت عندك.حق ومعلش ادينى فرصه تانى لو منفعتش اعمل اللى انت عاوزه طلع فوق وابويا واخواتى البنات وزى ما انا قولتله ان بنت عمتك مش هتكبر لحد ولا هتسمع كلامك قاللى ساعتها اعمل اللى انت عاوزه قعدوا وبعدها رنوا عليا اطلع
طلعت قاللى احنا حلينا الموضوع واختك هتمسك المصاريف قولتله ليه هو انا مش راجل وقريبتك برضو زى ما قولتلك مش هتنفذ كلام اى حد وفعلا اتفقت عالطلاق بكره وطبعا مقدرتش تنزل من الشقه مع اخوها او مع كبيرها وانا نزلت الشارع
ومش عارف اعمل ايه ومش هينفع تنازل تانى حتى لو هخسر حياتى وتعبى العمر دا كله
واسف على الاطاله
واقسم بالله ما بكذب فى كلمه بس حاسس انى اتظلمت العمر دا كله وخسرت عيالى اللى بيحبونى جدا وحنين اووى معاهم

31/05/2026

جماعه ردوا بالله عشان زع.لانه اوي انا اطلقت م شهر اول ما اطلقت جوز اختي الاكبر مني جابلي حقي م طليقي و وقف معايا جامد وكان بيديني فلوس كمان بيبعتها مع اختي ليااا واختي كانت بتقولي اي المشكله خدي منه لحد ما تقفي ع رجلك بس شويه بقي بيحاول طول الوقت يهزر ويضحك معايا ويقل م اختي قدامي ويشكر فياااا وكان مبيرضاش يدي لأختي فلوس تصرف ع البيت ويتحايل عليا اخد منه فلوس او اطلب منه اي حاجة ومواقف كتير م كدا انا لما لاقيته بيعمل الق قرف دا قطعت معامله معاه خالص بس المشكله ان اختي بقيت كرههاني خالص وطول الوقت بتنتقضني وتحسسني اني وححشه وانها احلي مني وتفضل تقول عليا اني بحسسد وكلام غريب وكتير تقولي انتي طلليقك احسن منك بس انتي فااشله انا كدا كدا مبردش عليها بس ازاي اخليها ترجع زي الاول ومتبقاش كرهاااني كدا هوه جوزها السبب انا حتي جربت اكلمها براحه واقولها احنا اخوات بره عنه كدا كدا وانا قطعت معاه وربنا يهديه لعياله ترد عليا تقولي ليه ولا انتي ولا هوه فارقيين معايا اصلا خليه يشبع انا تعبت من الققرف دا اعمل ايه عشان اخللص من تفكيرها دا

Address

Cairo
3753450

Website

Alerts

Be the first to know and let us send you an email when يوميات دودي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category