Architectural Engineering Group

25/02/2018

افكار تصميمية مختلفة لشقة بمدينة بدر

29/09/2017

17/09/2017

خطوات استلام الحلوق الخشبية :-
1- يتم تركيب الحلوق بمساواة للبؤج الخاصة بالبياض من جانب واحد فقط ومعنى ذلك انه في حالة تركيب حلق بعرض الجدار يراعى تنفيذ بؤج أسمنتية للجدار من جانب واحد فقط أما الجانب الثاني فيتم بياضه بالاستعانة بقائمي الحلق كأوتار (دليل) لبياض الجانب الثاني من الحائط
2- اخذ شيرب بمنسوب واحد لظهر جميع حلوق الأبواب والشبابيك بميزان الخرطوم كما يتم شد خيط على البؤج الاسمنتيه وتثبيت الخيط جيدا بالبؤج .
3- وزن رأسية القائمين للحلق باستخدام ميزان ماء او ميزان خيط ( الجهة الخارجية للحلق).
4- وزن راسية القائمين للحلق باستخدام ميزان الخيط وذلك للجهة الداخلية العريضة للقائمين.
5- وزن أفقية راس الحلق إما باستخدام ميزان ماء واما باستخدام زاوية حديد كما.
6- استلام طرفي قائمي الحلق من اسفل لضمان عدم حدوث التواء لأي من القائمين.
7- عدم وجود فتحات فارغه مكان عقد أو كسور

14/09/2017

نتكلم عن مرحلة تاسيس السباكة و المرحلة دي بتتقسم لاتنين :
أ- مرحلة العزل
*العزل يجب وضعه مباشرة علي الخرسانة و اليكم الخطوات اللتي يجب اتباعها في العزل :
1- يجب تنضيف الارض جيدا من اي بروزات في الخرسانة حتي لا تؤثر علي العزل فتقوم بقطعه (في بعض الاوقات يتطلب عمل طبقة من اللياسة لتسوية الارضية قبل عملية العزل )
2- يتم عمل رقبة زجاجة ( بيجي الصنايعي علي اطراف الحيطة مع الارض و يعمل كيرف علشان يخلي الفرق بين الارض و الحيطة مش حاد بقدر الامكان علشان العزل ميقطمش بعد كده
3 - يتم الدهان بعد ذلك بالبيتومين طبقتين من الداخل للخارج كل وجه في اتجاه عكس الاخر (يعني لو هيدهن واحد بالطول يدهن التاني بالعرض )
4 - لا يتم تعلية الدهان علي الحائط اكثر من 20 سم لانها مادة ناعمة ستعوق تثبيت السيراميك
5 - يتم وضع الانسومات ( لفات بتتباع للعزل عرضها 1متر و طولها 10 متر اللفة و يفضل الا يقل سمكها عن 3 مم ) علي الارض و يتم عمل overlapping من الاطراف عند التفصيل متقلش عن 10 سم )
6 - يقوم الصنايعي باستخدام بشبوري ( زي سخان بيطلع نار ) لتسييح العزل لربط الطبقات اللي عندها overlapping
7- بيتم الصعود 20 سم علي الحائط و تسييحه و لزقه علي الحائط حتي نضمن عدم تسرب الي شئ خلفة
8 - يتم دهان وش بيتومين مرة اخري
9- بعد متستلم منه كل اللي فات و تتاكد ان كل العزل متقفل مظبوط و مفيش فيه اي مشكلة بنعمل طبقة من اللياسة الاسمنتية فوق العزل و الهدف منها حماية العزل لان السباك هيدخل يشتغل دلوقتي و هيكسر و هيركب فلازم احمي العزل علشان ميتقطعش
ب- مرحلة تاسيس السباكة :
هيطلب منك السباك شوية بضاعة محترمين من مواسري ووصلات للتغذية و الصرف هتجبهمله
1 - لازم تاخد بالك ان الصرف بيعتمد علي الميول يعني لازم السباك و هوا شغال يكون مميل المواسير علشان تروح علي الصرف الخارجي علطول
2 - التغذية مفيهاش ميول كده كده بتعتمد علي قوة دفع المية من المتور بتاع المياة
3-احسن طريقة في مصر للحفاظ علي ضغط المياة انك يكون عندك خزانات في السطح المواتير ترفع المياة ليها و بعدين هيا تنزل المياة للشقق
4- مواسير الصرف كلها بتكون 3 بوصة ماعدا مواسير العمل ( مواسير القاعدة ) بتكون 4 بوصة
5 - يستحسن قبل عملية الشغل في السباكة انك تشتري كل البضاعة بتاعتها من خلاطات و اجهزة علشان السباك يعمل التاسيس مظبوط من الاول منحتجش اي لخبطة في مرحلة التشطيب النهائي
6-بعد مبيخلص شغله في التاسيس حسب ما انت محددله اماكن الاجهزة اللي في الحمامات زي الحوض و البانيو و القاعدة بياسس لكل حاجة تغذية و صرف بتطلب من شركة المواسير تيجي تعمل عملية ضغط للمواسير هواء و ومياة و ده علشان تتاكد ان كل الوصلات بتاعتك مظبوطة و مفيهاش اي تسريب و الخطوة دي مهمة لانها بتاكدلك انا البضاعة مفيهاش عيوب و الصنايعي كمان معملش مشكلة في التركيب
7- الصنايعي طبعا بيتحاسب بالوحدة يعني بالحمام او بالمطبخ
كده المرحلة دي خلصت و السباك هياخد جزء من فلوسه و مش هيكمل الا بعد مخلص بند السيراميك

13/09/2017

الخطوة ديه ناس كتير بتستهون بيها مع انها من اهم الخطوات اللي بتظبط شغلك
اعمال الكهرباء :
و لما نبدء نتكلم عن الكهرباء فاحنا بنتكلم عن جزئين مهمين جدا
1-التيار الخفيف و بيسموه light currant
الكهرباء اللي مبتكهربش ده زي التليفون و الدش و النت و الانظمة الصوتية
2-تيار تقيل electric currant
اكيد ده بقي هيكهرب
ده الاضاءات بقي و الفيش و الضغط العالي
ـــــــــــــــــــــــــــــــــــــ
مهم انك تكون عارف الكلام ده علشان هيكون ليه اساس في شغلنا بعد كده في توصيل الاسلاك و اساس في اتفاقك مع الصنايعي اللي هيجي يظبطلك الشقة و يشد الاسلاك في المراحل الجاية
خطوة كمان مهم انك تعملها قبل مرحلة تاسيس الكهربباء انك تفرش الشقة و تشوف اماكن الفرش كويس لانك هتحدد علي اساسها كل اللي جاي و مهم اوي انك تكون عارف اماكنة بالمقاس
1- لازم تبقي عارف اماكن الاضاءة هتكون فين و انواع الاضاءة اللي انت هتستخدمها و هل هتعمل بيت نور و اسبوتات و لا نجف و لا اباليك في الحيطة و لا عايز تنور في الارض و لا تخلي الكنبة تنور لازم تحدد بالظبط انت عايز ايه
2- حدد اماكن الفيش
3- حدد مكان لوحة المفاتيح
4- شكل المفاتيح و دي مهم تكون ماشية مع التصميم و الالوان اللي انتو هتعملوها (الاهتمام بالتفاصيل دي مهمة في الشكل النهائي )
5-مكان الجرس و يفضل يكون في مكان وسط في الشقة علشان يتسمع من كل مكان في الشقة علشان منلطعش اللي واقف علي الباب
ـــــــــــــــــــــــــــــــــــــــــــــــ
طيب بتحاسب الصنايعى ازاى؟
الاتفاق بيكون بالنقطة
يعني الفيشة نقطة و مفتاح النور نقطة و مفتاح اللوحة نقطة و مفتاح الضغط العالي نقطتين
ـــــــــــــــــــــــــــــــــــــــــــــــــ
طيب هوا الكهربائي هيبدأ شغله ازاي ؟؟؟؟
اولا هتلف معاه علي الشقة تحددله اماكن كل حاجة بالمقاس و يعلمها قدامك علي الحيطة و تديلو كمان الرسومات بتاعت الكهرباء و تعرفه كل حاجة يعني دي فيشة ده تكيف ده مفتاح لمبة و هكذا .....
كمان هتعرفه امكن كل اضاءة يعني هنا نجفة و هعمل جبسبورد هنا وو هحط اسبوتات في الحتة ديه و الكنبة اللي بتنور هتكون هنا

لازم يعرف كل ده دلوقتي لانه هيبدأ يحط خراطيم في الحوائط و السقف و الارضيات توصلك كل ده مع بعضه و توصلك كل ده بالوحة الرئيسية و بالكهرباء اللي داخلة ليك من العمارة
ـــــــــــــــــــــــــــــــــــــ
طيب بعد ميخلص استلم منه ازاي ؟؟؟؟؟
1-لازم تستلم الاماكن بتاعت كل حاجة و الابعاد بتاعتها
2-هتستلم العلب موزونة تمماما افقيا بميزان مية علبة علبة
3-هتسلم العلب و علاقتها مع البؤج و الاوتار
4-هتستلم انه ميكونش عامل تكريب في اي خرطوم (يعني ايه ده ) يعني علاقة الخرطوم بتاع الكهرباء في الحيطة مع الارض متكونش 90 درجة
5- استلم منه انه مش عامل توصيلات للخراطيم مع بعض علشان لما يجي يسلك يكون الموضوع سهل
6- اطلب منه بعد متخلص استلام يحشي كل العلب ورق
ــــــــــــــــــــــــــــ
كده احنا خلصنا المرحلة دي كمان و جاهزين للمرحلة اللي بعدها تابعونا هتعرفوا اكتر

12/09/2017

اعمال الجبسبورد :
ايه الجبسبورد ده و بيتكون من ايه و ليه بنستخدمه و ايه انواعه
ـــــــــــــــــــــــــــــــــــــــــــــــــــــــــــــــــــــــــــــ
هوا ايه الجبسبورد اصلا ؟؟؟؟
الجيبسوم بورد هي ألواح من خليط الجبس و الفايبر جلاس مغلفة بطبقة من الكرتون المعالج، و هي تكنولوجيا ألمانية الأصل و المنشأ، غير أنفي مصانع كتير قلدتها و بقي في منه انواع كتير بس كانوف الاالماني من اجود الانواع .
ــــــــــــــــــــــــــــــــــــــــــــــــــــــــــــــــــــــــــــــــ
انواع الجيسبورد :
ألواح الجيبسوم بورد الي في السوق حاليا 3 انواع
1- ألواح الجيبسوم بورد العادي
و هي ألواح جيبسوم بورد لا تحمل أي خصائص مقاومة للحرائق أو الرطوبة و هي الأرخص سعراً
2- ألواح الجيبسوم بورد المقاومة للحريق
و هي الفئة الأعلي من الجيبسوم بورد العادي و تتميز بمقاومتها للحريق و الإشتعال لمدد تتراوح ما بين ساعة إلى 4 ساعات حسب الشركة المنتجة
3- ألواح الجيبسوم بورد المقاومة للحريق و الرطوبة
و هي أعلى الفئات على الإطلاق و أغلاها سعراً و تتميز بقدرتها على مقاومة الحرائق و الإشتعال و مقاومة المياه و الرطوبة و هي أفضل الفئات على الإطلاق فى الإستخدام و أكثرها أماناً و أطولها عمراً.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طيب و انا افرق ازاي بين الانواع بتاعت الجبسبورد ؟؟؟؟؟

في كذا حاجة تخليك فرق بينهم منها اللون و الشكل و اللامة التجارية و ممكن لو جايب مقاوم للرطوبة تعمل اختبار بانك تدلق مية عليه لو شربها يبقي اضحك عليك
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
طيب ايه احسن حاجة نستخدمها من الجبسبورد في مصر ؟؟؟
بص من افضل الانواع اللي في السوق حاليا ألواح ماركو "بلاكو" الإيطالية أو ماركة "كناوف" الألمانية،
و مصر يفضل دايما الالواح المقاومة للرطوبة و بيسموها الجبس الاخضر

ــــــــــــــــــــــــــــــــــــــــــــــــــــــــــــــ
مميزات الجبسبورد و استخدمه ليه ؟؟؟؟؟
1-شغله سريع و نضيف و ديكوراته بتغير شكل المكان 180 درجة و بعديه بتدهن و يطلع تحفة
2- مبيوسخش المكان اللي بيتعمل فيه فبسهولة تقدر تشتغله و الناس ساكنة و تغير الديكورات
3- يستخدم في التجديدات
4-سهل تغيره في اي وقت و تغير ديكوراته
5- لو عايز تركب اسبوتات لازم تعمله
6- بيت النور و جماله بيكون عن طريق الجبسبورد
7- التكيفات ممكن تختفي وراه concealed
8- بيستخدم كمان لو عايز اعمل فواصل كحوائط مؤقتة و في المباني الادارية بيستخدم لعمل تقسيمات المكاتب
9-بيستخدم لعمل البانوهات و المكاتب الديكور
ــــــــــــــــــــــــــــــــــــــــــــــــــــــــــــــــــــ
طيب نستلم الجبسبورد ازاي ؟؟؟
الجبس بورد وظيفته جمالية ملوش وظيفة تانية فاستلامه سهل
1-اهم حاجة الشاسيه اللي بيركب يكون متثبت كل 60 سم
2- هتستلم الشكل و الابعاد زي منتا طلبت منه
3- اكيد هتستلم الزوايا
4- هتستلم وزنته مع الشرب بتاعك

06/09/2017

تصميم واجهة لفيلا فى أكتوبر

01/09/2017

تصميم و إشراف
كافية العزباوية بعزبة النخل