مطبخ نيرو

مطبخ نيرو مطبخ نيرو .. بنجهز وبنعمل مأكولات شغل بيتى وهيعجبك :)

11/03/2026

غريبة العيد الناعمة 🥰🍪
لو نفسك في غريبة دايبة وناعمة زي الجاهزة بالظبط، جربي الطريقة دي وهتنجح معاكي جدًا 👌
المكونات:
كوب سمنة بدرجة حرارة الغرفة
نصف كوب سكر بودرة
2 كوب دقيق
رشة ملح
فستق أو لوز للتزيين
الطريقة:
نضرب السمنة مع السكر البودرة كويس لحد ما يبقى القوام كريمي ولونه فاتح.
نضيف رشة الملح ثم الدقيق بالتدريج ونقلب لحد ما تتكون عجينة ناعمة.
نشكل العجينة كرات صغيرة ونرصها في صينية فرن.
نضغط عليها ضغطه خفيفة ونحط فستق أو لوز في النص.
ندخلها فرن سخن على 160 درجة لمدة حوالي 15 دقيقة لحد ما تستوي وتفضل فاتحة اللون.
نطلعها ونسيبها تبرد خالص وبالهنا والشفا ❤️
مطبخ نيرو
متنسوش تعملو متابعه ولايك وكومنت
عشان يوصلكم كل جديد
وكل سنه وانتم طيبين
@أبرز المعجبين

07/03/2026

سالخير ياولاد عندي سؤال رفيع
هو اسمه كعك ولا كحك 🤔 المهم
تعالو نعمل شويه منه 😂 مش مشكله الاسم شكليات مش اكتر اهم حاجه الطعم😋👌🏼
نبدء بسم الله

الدقيق: 1 كيلو (يفضل دقيق كحك وبسكويت أو دقيق فاخر).
السمن: 500 جرام إلى 550 جرام سمن بلدي (نصف كيلو لنتيجة ناعمة، 550 جرام لنتيجة دايبة جداً).
السائل: ثلث إلى نصف كوب ماء دافئ
الخميرة: 1 ملعقة كبيرة خميرة فورية.
السكر: 2 ملعقة كبيرة سكر بودرة.
السمسم: 2 ملعقة كبيرة سمسم محمص.
إضافات: ملعقة صغيرة "ريحة كحك" (اختياري)، رشة ملح، ملعقة صغيرة بيكنج بودر (اختياري).
للتزيين: سكر بودرة.

طريقة التحضير خطوة بخطوة:
تحضير الدقيق: في طبق عميق، ضعي الدقيق المنخول مع السمسم، رشة الملح، ريحة الكحك، والبيكنج بودر.
بَس الكحك (أهم خطوة): سخني السمن (دافئ أو مغلي) وصبيه فوق الدقيق. استخدمي ملعقة خشبية في البداية، ثم ابسّي العجينة بيديكِ (فرك الدقيق بالسمن) جيداً جداً حتى يتشرب الدقيق كل السمن ويصبح الخليط ناعماً (حوالي 10 دقائق).
إضافة الخميرة: ذوبي الخميرة مع السكر في الماء الدافئ واتركيها 10 دقائق لتتفاعل. أضيفيها إلى خليط الدقيق والسمن.
العجن: اعجني برفق فقط حتى تتجمع المكونات (لا تبالغي في العجن حتى لا يصبح الكحك قاسياً).
التخمير: غطي العجينة واتركيها ترتاح لمدة 30-60 دقيقة (لا تحتاج تخميراً طويلاً).
التشكيل: شكّلي العجينة إلى كرات صغيرة واحشيها بالملبن أو العجوة (حسب الرغبة) وانقشيها بالمنقاش أو البصامة.
الخبز: رصي الكحك في صواني غير مدهونة، وادخليها فرناً مسخناً مسبقاً على درجة حرارة 160-180 مئوية (هادئة) لمدة 15-20 دقيقة حتى يكتسب لوناً ذهبياً خفيفاً من الأسفل.
التبريد: اتركي الكحك ليبرد تماماً في الصينية قبل رفعه حتى لا يتكسر.
متنسوش تعملو متابعه ولايك وكومنت
عشان يوصلكم كل جديد
كل سنه وانتم طيبين ☺️
@أبرز المعجبين

03/03/2026

🎉 ليه تشتريه من برا مع أن مقاديره سهله وبسيطه 👌
✨ مقادير بسيطة وطعم تحفة يظبط مع الشاي في العيد
🧈 المقادير:
1 كيلو دقيق
500 جم زبدة أو سمنة بدرجة حرارة الغرفة
2 كوب سكر بودرة
4 بيضات
1 ملعقة صغيرة فانيليا
1 ملعقة صغيرة بيكنج بودر
رشة ملح
2 ملعقة كبيرة لبن (لو احتاجتي)
👩‍🍳 الطريقة:
نضرب الزبدة مع السكر البودرة كويس جدًا لحد ما يبقوا كريمي وفاتح اللون.
نضيف البيض واحدة واحدة مع الفانيليا ونقلب كويس.
ننخل الدقيق مع البيكنج بودر والملح ونضيفهم بالتدريج ونقلب براحة.
لو العجينة ناشفة نحط شوية لبن بسيطة لحد ما تبقى طرية ومتماسكة.
نحط العجينة في كيس حلواني ونشكل في صواني مبطنة بورق زبدة.
يدخل فرن مسخن على 180 درجة من 10 لـ 15 دقيقة لحد ما ياخد لون خفيف من تحت بس (وشه يفضل فاتح).
❄️ نسيبه يبرد خالص قبل ما نشيله عشان ما يتكسرش.
💡 سر نعومة البسكويت:
✔️ الضرب الكويس للزبدة والسكر
✔️ ما نطولش في العجن بعد إضافة الدقيق
✔️ ما يتحمرش زيادة في الفرن
#نيرو
متنسوش تعملو متابعه ولايك وكومنت
عشان يوصلكم كل جديد ☺️
@

01/03/2026

بسم الله اللهم بارك 15وجبه افطار صائم عباره عن (الحج رز بالمكسرات +كفته +كنافه بالكستر والجيلي والموز )
اللهم أرزق كل من ساهم في الاطعام خير الدنيا والآخرة اللهم امين
@

28/02/2026

تعالو نعمل حاجه حلوه وسهله ولذيذه 👌🏼بسم الله
المكونات 📝
✔️ لفة جلاش
✔️ كوب سمنة أو زبدة مذابة
✔️ 2 كوب لبن
✔️ 3 معالق كبيرة سكر
✔️ 2 معلقة كبيرة نشا
✔️ فانيليا
✔️ فستق مجروش للتزيين
الطريقة 👩‍🍳
أولًا نعمل المهلبية 👇
في حلة نحط اللبن + السكر + النشا ونقلبهم كويس وهما باردين، بعدين نرفعهم على النار مع التقليب المستمر لحد ما تتقل معانا، وفي الآخر نحط الفانيليا ونسيبها تبرد شوية.
نجهز الجلاش 👇
ندهن صينية سمنة، ونفرد نص كمية الجلاش ورقة ورقة وندهن كل ورقة سمنة خفيفة.
نحط المهلبية ونفردها كويس.
نغطي بباقي الجلاش بنفس الطريقة.
نقطع مربعات وندهن الوش سمنة كويس 👌
تدخل فرن سخن على 180 درجة لحد ما تاخد لون دهبي جميل.
ممكن نرش سكر بودرة أو فستق مجروش على الوش 👌
تتقدم دافية وطعمها خطيررر 😋
مين هيجربها ويقولي رأيه؟ 💛
#نيرو
متنسوش تعملو متابعه ولايك وكومنت
عشان يوصلكم كل جديد ☺️
@

24/02/2026

تعالي ياقلب امك نعمل كنافه زمان بتاع امي وامك
وامه لا اله الا الله 😂 حاجه كدا تراث 😋
نبدء بسم الله

🛒 المكونات:
نص كيلو كنافة
كوب سمنه بلدي أو زبدة سايحة
نصف كوب سكر بودرة
فول سوداني مجروش للتزيين (اختياري)
🍯 الشربات:
2 كوب سكر
1 كوب مياه
عصرة ليمون
فانيليا (اختياري)
👩‍🍳 الطريقة:
أولاً: الشربات
نحط السكر والمياه على النار من غير تقليب.
أول ما يغلي نضيف عصرة الليمون.
نسيبه يغلي 8–10 دقايق.
نطفي النار ونضيف فانيليا ونسيبه يبرد خالص.
ثانياً: الكنافة
نفكك الكنافة بإيدينا كويس ونقطعها قطع صغيرة.
نضيف السكر البودرة ونقلب.
نحط السمنة السايحة وندعكها كويس لحد ما تتشرب كلها.
ندهن صينية بالسمنة.
نفرد الكنافة ونضغط عليها كويس جداً بكوباية.
ندخلها فرن سخن على 180 درجة لحد ما تاخد لون دهبي جميل.
أول ما تطلع وهي سخنة نسقيها بالشربات البارد.
نزين بالفول السوداني المجروش ونسيبها 10 دقايق وبالهنا
#نيرو
متنسوش تعملو متابعه ولايك وكومنت حلو يا وليه
عشان يوصلكم كل جديد ☺️ 🌹
@

23/02/2026

تعالي يافوزيه هخليكي تعمليها زي بتاعه المطاعم واحلي 👌🏼
طريقة عمل سلطة الكول سلو زي المطاعم 🥗
📝 المكونات:
2 كوب كرنب أبيض مبشور ناعم
¼ كوب جزر مبشور
2 ملعقة كبيرة مايونيز
2 ملعقة كبيرة زبادي (يدي طعم خفيف وكريمي)
1 ملعقه عسل ابيض كبيره
1 ملعقة كبيرة خل أبيض
رشة ملح
رشة فلفل أسود
👩‍🍳 الطريقة:
في بولة كبيرة نحط الكرنب المبشور والجزر ونقلبهم مع بعض.
في طبق تاني نعمل الصوص:
نخلط المايونيز + الزبادي + السكر + الخل + الملح + الفلفل
نقلب الصوص كويس لحد ما يبقى ناعم ومتجانس.
نضيف الصوص على الكرنب والجزر ونقلب لحد ما كل الخليط يتغلف بالصوص.
نغطي الطبق وندخله التلاجة من ساعة لـ 3 ساعات علشان الطعم يظبط ويبقى زي المطاعم بالظبط.
✅ سر نجاح الكول سلو:
الكرنب يتبشر ناعم جدًا.
لازم يتركن في التلاجة قبل التقديم.
متنسوش تعملو متابعه ولايك وكومنت
عشان يوصلكم كل جديد 🌸
@

21/02/2026

🥥🥛 سوبيا رمضان المرطّبة زي بتاعة المحلات بالظبط 😍
من مطبخ نيرو… أسهل وأسرع سوبيا هتعمليها في دقايق وطعمها خطير 👌
✨ المكونات:
1 لتر لبن ساقع
1/2 كوب سكر (أو حسب الرغبة)
2ملعقه مسحوق سوبيا كبيره
2 معلقة كبيرة كريم شانتيه خام
1 معلقة كبيرة لبن بودرة كامل الدسم
فانيليا
1 كوب ماء ساقع
تلج للتقديم
✨ الطريقة: 1️⃣ في الخلاط نحط اللبن + الماء + السكر.
2️⃣ السوبيا + اللبن البودرة + الكريم شانتيه + الفانيليا.
3️⃣ نضرب كل المكونات كويس لمدة دقيقتين لحد ما القوام يبقى كريمي.
4️⃣ نسيبها ترتاح 10 دقايق علشان الطعم يظبط.
5️⃣ نضربها ضربة سريعة تاني قبل التقديم.
6️⃣ تتصب في كوبايات فيها تلج وتتشرب ساقعة جدًا ❄️
🔥 سر الطعم زي العصيرجي: ✔️ الكريم شانتيه هو اللي بيدي القوام المظبوط.
✔️ ما تتصفّيش السوبيا علشان تفضل غنية وكريمي.
✔️ لازم تتقدم ساقعة تلج علشان تدي الإحساس المنعش.
قولولنا هتجربوها إمتى؟ ❤️
رمضان كريم عليكم جميعًا 🌙
متنسوش تعملو متابعه ولايك
عشان يوصلكم كل جديد
@

19/02/2026

🌙✨ مطبخ نيرو يقدّم لكم أحلى تحلية رمضانية… قطايف بالمهلبية الكريمي 😍
لو عايزين طعم زمان بشكل شيك وسهل في البيت، جربوا الوصفة دي وهتدمنوها 👌
📌 المكونات:
🔸 عجينة القطايف:
2 كوب دقيق
2 ملعقة كبيرة سميد ناعم
1 ملعقة كبيرة سكر
1 ملعقة صغيرة خميرة فورية
رشة ملح
2 كوب وربع ماء دافئ (حسب الحاجة)
🔸 المهلبية:
2 كوب لبن
2 ملعقة كبيرة نشا
3 ملعقة كبيرة سكر
1 ملعقة صغيرة فانيليا
2 ملعقة قشطة (اختياري لملمس كريمي غني)
🔸 للتزيين:
فستق مجروش
شربات خفيف بارد
👩‍🍳 الطريقة:
✅ نخلط الدقيق + السميد + السكر + الخميرة + الملح،
ونضيف الماء بالتدريج لحد ما يبقى الخليط ناعم زي البان كيك.
نتركه يرتاح 30 دقيقة.
✅ نسخّن طاسة غير لاصقة، ونصب دوائر صغيرة.
تستوي من جهة واحدة بس لحد ما تظهر الفقاعات وتنشف.
نطلعها على فوطة ونغطيها.
✅ نحضر المهلبية:
نذوب النشا في شوية لبن بارد،
ونرفع باقي اللبن مع السكر على النار.
نضيف النشا ونقلب لحد ما تقيل،
نضيف الفانيليا والقشطة ونسيبها تبرد.
✅ نحشي القطايف بالمهلبية ونقفلها نص قفلة.
نرش فستق وندّي لمسة شربات خفيف.

💡 تتقدم باردة… وطعمها بيكون خطير خصوصًا بعد الفطار.
قولولنا هتجربوها إمتى؟ ❤️
متنسوش تعملو متابعه ولايك وكومنت
عشان يوصلكم كل جديد ☺️
@أبرز المعجبين

كل سنه وانتم طيبين اعاده الله عليكم بالخير واليمن والبركات @أبرز المعجبين
18/02/2026

كل سنه وانتم طيبين اعاده الله عليكم بالخير واليمن والبركات
@أبرز المعجبين

Address

دمياط الجديدة
Damietta
0066552

Telephone

+201553845274

Website

Alerts

Be the first to know and let us send you an email when مطبخ نيرو posts news and promotions. Your email address will not be used for any other purpose, and you can unsubscribe at any time.

Shortcuts

Share

Category