المطبخ مع زوزو, دمياط, Damiette (2026)

13/08/2026

#حصرى #فيسبوك
🔥 #افكار #وصفات #طبخات #اكلات
#توفير

10/08/2026

أسرار بسيطة بس هتفرق معاكي في الطبخ والتنضيف، وهتخلي شغلك أسهل بكتير 👌👌✨️✨️
👇👇👇
-- عشان ترجعي اللمعة للحلل الألومنيوم ادعكيها بخل وعصير ليمون مع الصابون وبعدها اشطفيها بالماء

-- لتنظيف الخلاط بسهولة بعد استخدامه في البيض أو اللبن، حطي فيه شوية مية دافية مع رشة ملح وقشر ليمون، وشغليه ثواني وبعدها اشطفيه.

-- عشان الباذنجان ميشربش زيت بعد التقطيع، انقعيه في مية وملح، وبعدها نشفيه كويس قبل القلي.

-- عشان تحافظي على العصير يفضل تحطي العصير في زجاجة أو وعاء محكم الغلق ومليان قدر الإمكان لتقليل تعرضه للهواء، وتأثره بالأكسدة.

-- لتقطيع البصل من غير دموع حطيه في الفريزر حوالي 20 دقيقة قبل التقطيع.

-- للتخلص من ريحة الثوم امضغي شوية بقدونس بعد الأكل، ولو الريحة في إيدك افركيها بقشر ليمون واشطفيها

-- عشان السمنة ما تطرطشش ضيفي رشة ملح بسيطة في السمنة قبل تحمير اللحمة ممكن تقلل الطرطشة

-- لو الشطة أو الفلفل زاد ضيفي شوية لبن دافئ هتساعد في تهدئة حدة الطعم

-- لطرد الذباب بطريقه صحيه ازرعي ريحان أو نعناع في البلكونة أو المطبخ، ريحتهم بتساعد على إبعاد الحشرات.

-- لو عندك نمل رشي خليط من خل التفاح والمية في أماكن مرور النمل بعد تنظيفها.

-- لإزالة ريحة التوابل من المطحنةبعد غسلها، اطحني فيها شوية رز أو عيش محمص، هيساعد على امتصاص الروائح.

-- لتنظيف الطاسة من الدهون امسحي الدهون الزائدة الأول، وبعدها اغسليها بماء ساخن وسائل تنظيف

-- عشان الملح ما يرطبش حطي كام حبة رز في علبة الملح، هيساعدوا على امتصاص الرطوبة.

واخيرا متنسوش تصلوا علي سيدنا محمد ❤️

09/08/2026

#زيتون

#حصرى #فيسبوك
🔥 #افكار #وصفات #طبخات #اكلات
#توفير

07/08/2026

🔥 أسرار مطبخ محدش بيقولك عليها... هتوفر عليكي وقت ومجهود وهتخلي أكلك أحلى بكتير! 😍👌

كلنا بنطبخ كل يوم، لكن فيه شوية تكات صغيرة لو عرفتيها هتفرق معاكي جدًا في النتيجة وهتحسي إنك طباخة شاطرة بجد. يلا نشوف الأسرار دي 👇

🔷 عند فك تجميد اللحوم
أوعي تسيبي اللحمة تفك لوحدها على الرخامة بالساعات، وأوعي تستخدمي المية السخنة. حطيها في كيس محكم الغلق وانزليها في طبق فيه مية باردة، وغيري المية كل 20 لـ 30 دقيقة. هتلاقيها فكت بسرعة واحتفظت بطعمها وعصارتها.

🔷 عند تحمير الفراخ
لو جلد الفراخ بيلزق منك في الطاسة وبيتقطع، حطي معلقة صغيرة ملح مع قطعة سمنة وشوية زيت قبل ما تنزلي الفراخ. هتاخدي لون ذهبي جميل وتحمر معاكي بسهولة.

🔷 عند تقطيع الكبدة
لفي لوح التقطيع بكيس بلاستيك قبل ما تقطعي الكبدة أو أي لحوم نيئة. أول ما تخلصي شيلي الكيس وارميه، وهتلاقي التنضيف أسهل بكتير ومفيش ريحة هتفضل في اللوح.

🔷 الفراخ مفيش فيها زفارة
بعد غسل الفراخ وتنظيفها كويس، سيبيها في مصفاة لحد ما تتخلص من كل المية اللي فيها. الخطوة دي بسيطة لكن بتفرق جدًا في الطعم وبتقلل أي زفارة أثناء التسوية.

🔷 كفتة الرز مش هتفك
لو كفتة الرز بتفك منك أثناء التسوية، ضيفي شوية شعرية مكسرة أثناء العجن. هتساعد على التماسك وهتطلع معاكي مظبوطة.

🔷 بامية زي المطاعم
بعد ما الطاجن يستوي، اعملي طشة توم وكزبرة ناشفة وفلفل في سمنة بلدي أو لية، ونزليها على وش البامية. ولمسة كزبرة خضرا في الآخر هتدي طعم وريحة ولا أروع.

🔷 السبانخ لونها يفضل جميل
عشان السبانخ متسودش وتحافظ على لونها، اسلقيها على البخار وسيبيها تتصفى كويس، وبعدها ضيفيها للتسبيكة آخر حاجة تاخد غلوتين بس.

🔷 العيش البلدي يقعد فترة أطول
أول ما تشتري العيش متقفليش عليه على طول. سيبيه يتهوى على فوطة نظيفة حوالي نص ساعة وبعدها خزنيه. كده هيقعد فترة أطول من غير ما يعفن.

🔷 هريسة الشطة السريعة
اسلقي الفلفل الأحمر على البخار واضربيه في الكبة مع زيت وخل وشوية سكر. هتطلعي أحلى هريسة شطة بيتي بطعم يجنن. وادهني إيدك نقطة زيت قبل التقطيع عشان الشطة متحرقش إيدك.

🔷 الفينو يرجع طازة تاني
لو عندك فينو في الفريزر، رشي عليه شوية مية بسيطة من بخاخ ودخليه الفرن دقايق. هيطلع كأنه لسه خارج من الفرن.

🔷 العسل الأسود بالليمون
خلي عندك برطمان عسل أسود عليه ليمون، وخدي منه معلقة على الريق كل يوم. بيساعد في علاج الأنيميا والكحة ويدي الجسم نشاط ونضارة بإذن الله.

🔷 لبان الدكر
خدي فص على الريق وفص قبل النوم. بيساعد على راحة المعدة وتقليل الانتفاخات وتحسين رائحة الفم، وكمان ناس كتير بتعتبره من الوصفات الطبيعية المفيدة.

😍 قوليلي بقى كام تكة من دول أول مرة تعرفيها؟

💖 متنسيش تعملي لايك وشير علشان غيرك يستفيد، وسيبي دعوة حلوة لأختك في الله.

🌷 صلوا على الحبيب المصطفى ﷺ
🧡 لو الوصفة عجبتكم
صلّوا على النبي ﷺ في التعليقات علشان تاخدوا أجر وأنا كمان 🤍
ومتنسوش تعملوا لايك وشير علشان يوصل لكم كل جديد 🔔
واكتبولي عايزين وصفة إيه الجاية 😍✨

Address

دمياط
Damiette

Website

https://www.youtube.com/@azzaa9

Alerts

Be the first to know and let us send you an email when المطبخ مع زوزو posts news and promotions. Your email address will not be used for any other purpose, and you can unsubscribe at any time.

المطبخ مع زوزو