01/10/2026
محدش عنده شغل اشتغله مع رجاله
علشان #الستات تعبتني 🙄 @أبرز المعجبين
واحده جايه تشتري طقم جرانيت ومعاها واحده كمان
المهم . اول ما شوفتها للوهله الاولي حسيت اني شوفتها قبل كده
لكن بدون اي ريأكت من طرفي
وهنا دار الحوار
👈السلام عليكم ✋️
= وعليكم السلام ورحمة الله وبركاتة
👈ازي حَضرتك
=الحمد لله تحت امرك اتفضلي
👈 حضرتك كنت محتاجه اشوف اطقم الجرانيت لاختي
= تمام وقومت فرجتها واتفقنا علي طقم وسعر ✋️
👈 بص بقي حضرتك لازم توجب معانا كمان والله علشان انا كنت واخده منك طقم جرانيت وباظ علطول وانا بصراحه كنت زعلانه منكم اوي
= مننا احنا ؟
👈 ايوه والله وقريب خالص ومقعدش حاجه ومن كام يوم شوفت حته في طرف الجريل بدأت تقشر
= معلش امتي حضرتك الكلام دا وليه مرجعتيش لينا ؟
👈 والله بعد ما فتحتوا المحل مفيش اسبوعين كده كنتو عاملين عرض عليه ولسه من كام يوم وانا بغسل الجريل لقيته بدأ يقشر من الطرف وزعلت خالص
= حضرتك احنا فاتحين من ٦ سنين والطقم بتاع حضرتك دا كان في اول عروض الافتتاح وكان ب ٩٠٠ج وبقاله ٦ سنين شغال
👈 لا والله هو ٦ سنين كتير .دا كدا حرام فيه الفلوس اللي بتدفع . خلاص بقي هنكمل علي الفلوس احسن وناخد الاستيل بس الاسبوع الجاي . شكرا
= بس كده ومشيت 🚶♀️🚶♀️
