16/04/2026
لو بتشتري شقه اليومين دول في برج سكني اسمع الكلمتين دول من واقع تجربه شخصية 👷♂️
الشهر ده شفت مخططات لـ أبراج كتير ارتفاع 15 دور، والمفاجأة إن كل الحوائط الخرسانية في اتجاه واحد فقط!
يا إما في اتجاه X أو Y… مفيش أي ثقافة لتوزيع الجدران في الاتجاهين!
بجد مش فاهم: إزاي مكتب استشاري يصمم بالشكل ده وينفذ؟!
مين هيقاوم الأحمال الجانبية في الاتجاه الضعيف جدًا ده؟ حرفيًا مفيش حائط واحد فيه!
⚠️ الأخطر من كده:
✔️ تحقيق الإزاحة (Displacement) يكون غير آمن
✔️ فشل في Check Drift بسبب ضعف الاتجاه الآخر
✔️ صلابة عالية جدًا في اتجاه مقابل ضعف شديد في الاتجاه العمودي
✔️ زيادة احتمالية حدوث Torsion (التواء) نتيجة عدم انتظام الصلابة
✔️ تركّز إجهادات كبير على عناصر محدودة بدل ما تتوزع
✔️ احتمالية ظهور شروخ كبيرة في الاتجاه الضعيف مع الزمن
✔️ أداء سيئ جدًا تحت أحمال الزلازل والرياح (Irregularity في النظام الإنشائي)
✔️ خطر حدوث P-Delta Effects بشكل أكبر بسبب الإزاحات الكبيرة
✔️ صعوبة تحقيق متطلبات الكود الخاصة بالـ Stability و Serviceability
✔️ تحميل غير متوازن على الأساسات بسبب اختلاف توزيع القوى
🛑ناهيك ان مدة التنفيذ اصلا لا تصلح لعمارة ٦ ادوار مش ٢٠ دور كزمن فك الشده الخشبية استهتار غير طبيعي وغير مبرر
غير إن أقل سعر دور في برج زي ده حوالي 5 مليون جنيه، يعني بنتكلم في مشروع قيمته تتعدى 100 مليون…
ومع ذلك يفتقد أساسيات مهمة جدًا في السلامة الإنشائية!
📌 الخلاصة:
لو ناوي تشتري وحدة، لازم تطّلع على المخططات كويس جدًا
اواعرضها على مهندس تثق فيه… لأن ده استثمار عمر مش مجرد شقة.
