03/04/2023
لو شقتك صغيره؟ عاوزين تحسوا انها واسعه؟
نصائح لبيت اوسع.
١- اول حاجه الاضاءه هى جزء أساسي فى الاحساس بمساحه الشقه لازم نهتم بالشبابيك كل ما كانت الشبابيك كبيره كل ما هتسمح بدخول الضوء اكتر ، و هنحس براحة أكتر و بيت أوسع.
٢_الألوان الفاتحة في الدهانات : يفضل اننا نختار الألوان الفاتحة للحيطان زي اللون الأبيض والبيج والرمادي الفاتح ده من أكتر الحاجات اللي بتدي احساس بالاتساع و بتخلق بهجة وسعادة في البيت لأنها بتخلي شكله أوسع
٣- ال American kitchen شكله بيكون بسيط وأنيق وكمان بيديكي الوسع اللي انتي عايزاه لأنه بيكون مفتوح على الصالة
4- الجيبسوم بورد في السقف يفضل السقف انه يكون بسيط او نعمله مسطح flat بلاش شغل كتير في السقف لانه هيدي احساس ان الشقه ضيقه.
5- الاثاث : اختيار الالوان الفاتحه للاثاث وحجم الاثاث يكون صغير بلاش نجيب الاثاث حجمه كبير ع نخلق مساحه نعرف نتحرك فيها بارتياح داخل الشقه لانه بيدي انطباع بأن الشقة واسعة.
6- الأرضيات: يفضل استخدام م الأرضيات الوانها فاتحه وحجم البلاطه يكون كبير اقل مقاس يكون 60x60 لانها بتدي احساس بالاتساع.
7-السجاد : يفضل السجاد يكون حجمه مناسب لمساحه الغرفه والوانه فاتحه ورسمته تكون بسيطه وبلاش يكون حجم السجاد صغير ع منحسش ان الشقه صغيره
8-المرايات:
ممكن استخدام المرايات الكبيرة في الغرف من أكتر الحاجات بتدي احساس بالاتساع وكمان بتسمح بدخول الضوء بشكل كويس.
#تصميمي #تصاميم #تشطيب #ديكورات #اضاءة #إضاءات #إضاءة #ديكور #ديكورات #تصميمي # تصميم #تصاميم #تشطيب #ديكورات
