15/10/2026
نبعد شوية عن النزاعات الإقليمية والجرائم والأخبار إلى تجيب اكتئاب.. ونروح للتريند الحقيقي
الحاج سيد أمين أبن سوهاج مركز المراغة - قرية عرابة ابو عزيز.. اللي كان معدّي بعربيه الشغل في أحد شوارع القاهرة، وفجأة شاف بنت من ذوي الهمم وسط الشارع ماشية مش لابسه هدوم وفي حالة خوف وارتباك..
وبرغم ان كل الناس شيفاها ومحدش أتحرك ولا شغل باله.. أصل هيعملها ايه هي من بقية أهله؟.. بس الحج سيد كان له وجهة نظر مختلفة.. ومن نخوتة ورجولته من غير تردد، نزل من عربيته وأتقدم عليها وقلع جلابيته وسترها بيها قدام الناس ولما البنت خافت أكتر ورفضت تلبسها.. هو طمنها وأصر عليها انها متخلعهاش وقالها دي هدية جيبهالك.. لحد ما طمنها أنه مش هيأذيها.. وفعلًا هي أطمنئت له ومخلعتش الجلبية وهو رجع بيته من غيرها.. في موقف سجلته كاميرات المراقبة وانتشر على مواقع التواصل الاجتماعي..
الحاج سيد قال إنه عمل كده لوجه الله، وإنه اتفاجئ بالليل باتصال بيبلغه إنه بقى ترند، قال جملة عظيمة طلعت تريند أكتر من الفعل نفسه: ﴿وَمَن سَتَرَ مؤمناً سَتَرَهُ اللَّهُ فِي الدُّنْيَا وَالْآخِرَةِ﴾ صدق الله العظيم
عم سيد راجل بسيط ويمكن ما يكونش عنده غير الهدوم اللي عليه، ومع ذلك اختار إنه يستر ست ميعرفهاش في الشارع ويحفظ كرامتها قدام الناس.. موقف بسيط في ظاهره، لكنه كبير جدا في معناه، ومصر والناس كلها دعتله من قلبها
في زمن بقينا بنشتكي فيه من انتشار التحـ ـر..ش والتعـ ـدي الجنسي.. جه عم سيد بموقف بسيط، لكنه يحمل ألف معنى وفكّرنا إن الشهامة وحسن الأخلاق لسه بخير.. كل بنت خارجة من بيتها هي أمانة في رقبة المجتمع، وواجبنا نحافظ على كرامتها ونحترمها، كأنها أختنا أو زوجتنا أو بنتنا.. الرجولة مش في أنك تستغل ضعف حد، الرجولة الحقيقية إنك تستر وتحمي وتساعد من غير ما تستنى مقابل..
الشهامة مش محتاجة كلام، والرجولة الحقيقية بتظهر وقت المواقف.. شكرًا عم سيد ♥️👍🏻
