تفتكروا أنهى تصميمات من أثير اللى اتطلبت 🤔
قولولى فى الكومنتس وتابعو الريل الجاى
29/07/2026
في شعور كده ميعرفوش غير اللي بيعمل كل غرزة بإيده...
لحظة ما الأوردر بيطلع، خصوصاً لو لعميلة جديدة، قلبي بيفضل مشغول لحد ما يوصلها.
بفضل مستنية المسج دي بفارغ الصبر: يا ترى الشنطة عجبتها؟ يا ترى الفينش على الطبيعة كان زي ما تمنت؟
المسج دي لما وصلتني مش بس طمنتني، دي فرحتني كتير! 🥹✨
شكراً لكل عميلة بتشاركني فرحتها بالقطعة وتفاصيلها.. رأيكم هو اللي بيخليني أشتغل بقلب.
لتفاصيل أكثر خاصه بأسما تقدرى تبعتيلى DM 💌
#ريفيو #تفاصيل
24/07/2026
هو ده كروشيه؟ 🧶❌
من أكتر الأسئلة اللي بتجيلي! بس الحقيقة إن شنط أثير (Atheer) مش كروشيه خالص 😉✨
السر كله في شبك الكانڤا (Plastic Canvas)! تعالوا نعرف الفرق:
🧵 شنط أثير (الكانڤا):
-الهيكل: الشنطة بتتبنى على شبك بلاستيك مرن وقوى، يعني الشنطة واخدة شكل ثابت ومحدد ومابتسقطش ولا بتغير شكلها مع الوقت.
-التفاصيل: بنطرز بالخيط جوه الفتحات غرزة بغرزة، وده بيديها متانة عالية ونقشات جميلة ودقيقة جداً.
-الاستخدام: عملية، وتعيش معاكي سنين بنفس قيمتها.
🧶 شنط الكروشيه التقليدية:
-بتعتمد بالكامل على غرز الخيط المربوطة ببعضها بالإبرة (من غير شبك داخلي).
-أطرى وأقل ثباتاً في الشكل، وممكن تمط أو تريح مع تقل الحاجات اللي جواه.
الجمال في الكانڤا إنه بيجمع بين دقة وفن الشغل اليدوي ومتانة الشنط الجاهزة 👜💫
احفظي الريل عندك عشان ترجعيلو وقت ما تحتاري، وقوليلي في الكومنتات: كنتِ تعرفي الفرق ده قبل كده؟ 👇
13/07/2026
الحمد لله بفضل الله وتشجيعكم ليا قادرة اخد كل يوم خطوة جديدة في الشغل وأكمله🤎
قولولى ايه رأيكم في تصميم الكارت عشان هو كمان تصميمى ☺️
مستنيه دعمكم وتشجيعكم دايما ومبسوطه بيه ♥️
Be the first to know and let us send you an email when Atheer Bags posts news and promotions. Your email address will not be used for any other purpose, and you can unsubscribe at any time.
