30/09/2026
رسالة لكل صنايعي بيشتغل ويمشي ويسيب وراه زبالة…
إنت بتشتغل شغلك وتمشي، تمام.
بس النقاش اللي جاي بعدك مش جاي يشتغل وسط مخلفاتك!
كل مرة ييجي يلاقي: ، خشب، أسمنت، جبس، أكياس، تراب ومخلفات شغل في كل حتة…
ويقعد بدل ما يبدأ شغله ينضف ويلم ويفضي المكان عشان يعرف يتحرك!
يا جماعة… النضافة مش مسؤولية النقاش لوحده.
إنت خلصت شغلك؟ شيل مخلفاتك.
سيبت المكان نضيف؟ كده إنت احترمت نفسك، واحترمت اللي جاي بعدك، واحترمت شغله.
لكن إنك ترمي كل حاجة وتمشي وتقول: "النقاش ينضفها."
لأ يا معلم… النقاش جاي يدهّن، مش جاي يشتغل عامل نظافة.
الشغل المحترم مش بس إنك تخلص الجزء بتاعك… الشغل المحترم إنك تسيب المكان جاهز للي بعدك.
لأن الصنايعي الجدع مش بيقيس شغله بس باللي عمله… بيقيسه كمان بالمكان اللي سابه وراه.
