23/12/2025
الموضوع مش قرار سهل، ولا لحظة عابرة،ده تعب، محاولات، سهر، ضغط، خوف وفرحة كانت بتيجي فجأة وتنسيني كل حاجة.
كنت فرحانة بالشغل ده بجد وحباه من قلبي
وكنت بحس إن كل قطعة بتطلع من إيدي فيها حتة مني.
وكان فضل الله علينا عظيماً في كل مرحلة في الرزق اللي جه، وفي الناس اللي دعمت وفي كل حد اختارنا في يوم وقرر يثق في شغلنا.
أنا زعلانة وأنا بكتب الكلام ده،
زعلانة على حلم كان نفسي يكمل،
وعلى اسم اتبني خطوة خطوة وبحب حقيقي.
بس رغم الزعل… أنا ممتنة.
ممتنة لكل تجربة، لكل درس، ولكل لحظة فرح حتى لو كانت قليلة.
شكراً من قلبي لكل شخص كان سبب في فرحتنا في يوم من الأيام،
شكراً لكل كلمة حلوة، لكل دعم، ولكل ثقة.
بيلا هوم ديكور بتقف هنا،
بس الذكريات، والتجربة، وكل اللي اتعلمته… مكملين معايا.
وياريت تفتكروني بدعوة حلوة،
إن ربنا يوفقني في اللي جاي،
ويعوضني خير، ويكتبلي بداية أهدى وأقرب للقلب 🤍
