09/06/2026
من 20 سنة بس الفاكهة كان ليها طعم وريحه
دلوقتي من كثرة المنتجات الي شركات المبيدات بقت بتعملها من مخصبات ومحفزات نمو ومنتجات لتحجيم ونضج الفاكه أصبح معظم الخضر والفاكهة ملهاش طعم بس شكلها وحجمها جميل بس فائدة وطعم مفيش واكبر دليل أن الخضر والفاكهة بقت بتبوظ وبتدبل وبتعفن بسرعه حتي وهي في الثلاجة زمان كان الخضر والفاكهة بتفضل فترة طويله سليمة حتى وهي بره الثلاجه
اغلب مزارع الفاكهة دلوقتي بقت همها المكسب السريع وكذلك مزارع الخضار
يعني لو الطماطم قدامها شهر علشان تنضج وتحمر وهي لسه خاضره على الشجره يروح المزارع يرش شجر الطماطم بعض المواد الي بتخلي ثمرة الطماطم تنضج وتحمر في اقل من 24 ساعة
وكذلك الفاكهة اغلب مزارع الفاكهة بيرشو الفاكهة على الشجر علشان حجم الفاكهة يعلى وتنضج وتستوي بدري علشان يلحق ينزلها السوق في بداية موسمها علشان يلحق يبيع باعلي سعر قبل ما المزارع كلها تنتج والفاكهة تغرق السوق وسعرها ينزل وهو ده المبدأ الي ماشيين عليه بعض المزارع الي معندهاش دين ولا ضمير
منظومة الأسمدة الزراعية والمبيدات محتاجه يتعاد النظر ليها ورقابة شديدة عليها
ونصيحتي هنا للمزارع ياريت تراعو ربنا في رزقكم والجنية الحلال بيعمر في البيت افضل من ألف جنية حرام
سيبو النبات والشجر ياخد وقته وسيبو الفاكهة والخضر تنضج بطبيعتها ولو عايز تسمد زرعك اتعامل بالسماد والسباخ البلدي افيد الف مره من الاسمده الكيماوي
