يثرب للاستثمار العقاري

07/12/2025

30/11/2025

من أعمالنا تشطيب واجهات في محافظة البحيرة

11/09/2021

سؤال خطأ 🚫🚫 بيسئله بعض الناس اللي عايزه تشطب او تجدد شقتها زي

شقتي كذا متر تشطيبها يتكلف كام ؟
او اسعار الباقات عندكم ؟
او المتر بكام ؟
او بالضبط كده ( عايزه اعمل تعديلات في شقتي تتكلف كام ؟ ) بدون اي تفاصيل او معلومات 🤗🤗 والمفروض اقول تكلفة محدده ،
وطبعا الاجابة مش عايزه مهندس ولكن عايزه حد تاني 😅😅

ليه الأسئله دي خطأ وايه السؤال الصح ؟
الأسئلة دي عامله زي حد بيقول لو عايز اجيب عربية تسوى كام او لو عايز اشتري شقة بكام ؟

طبعا الاجابات واسعة جدا ومفيش رقم ثابت ، وكذلك الموضوع بالنسبة للتشطيبات لان الشقق بتختلف عن بعضها اختلافات كتيره يستحيل يكون سعر تشطيبهم واحد او بالمتر زي ما البعض بيعتقد .
طيب اختلافات زي ايه 🤔🤔 ؟

زي مكان الشقة هل داخل العمران او خارجه ؟ وهل يمكن استعمال الونش للرفع والتنزيل ولا على السلم ؟ اوقات العمل المسموح بيها ؟و الشقة كام حمام ومساحة كل واحد فيهم لأن الحمام اكتر حاجه بتتكلف في التشطيب ،

فمش معقولة يكون شقة بحمام واحد زي اتنين زي ثلاث حمامات كله بنفس سعر المتر ، غير وجود اختيارات واسعة من الخامات في كل بند ومش هينفع تتحصر كلها في الباقات ، واختلافات تانيه كتير بتفرق جدا في التكلفة بس مش عايزين البوست يكون طويل 😇😇 .

الخلاصة : متسألش عن سعر المتر او الباقة ولكن اطلب عمل معاينة للشقة على الطبيعة وحدد البنود المطلوبة للتشطيب حسب ميزانيتك واعرف تكلفة المقايسة الخاصه بالشقة بتاعتك 👌 .
واغلب المكاتب بتعمل الكلام ده مجانا او بتكلفه رمزية ، وابدأ الموضوع صح من الاول 😉👍



م محمد شريف
مهندس تشطيبات
01001497263

27/08/2021

من أخطر المشكلات المنتشرة في أسقف كتيرة واحيانا بتكون المشكلة مش واضحه ويظن السكان ان السقف طبيعي اللي أن تسوء حالته اكتر هي مشكلة صدأ الحديد وانفصال وسقوط أجزاء من المحارة والخرسانة واللي لو تم تجاهل الامر ممكن يصل الى انهيار السقف كاملا لا قدر الله 😰😰 ،

وطبعا ده موضوع كبير وخطير وعلاجه مكلف ولازم لو لاقيت مؤشرات على مشكلة زي كده تتواصل على طول مع حد مختص عشان يعمل معاينة ويحدد اسباب المشكلة وطرق المعالجة عن طريق متخصصين في أعمال الترميمات والصيانة حفاظا على سلامتك وسلامة وأسرتك .
ودمتم سالمين 😇😇

م محمد شريف
01001497263

15/07/2021

أول فيديو كامل لينا عن أعمال التشطيبات لشقة بالإسكندرية
مستنين آرائكم ودعمكم ودمتم سالمين
اشراف وتنفيذ م محمد شريف
للتواصل : 01001497263

19/06/2021

انتظرونا قريبا ان شاء الله في فيديو كامل عن مراحل التشطيب وأعمال الديكور من الموقع .

16/04/2021

هل تتخيل انه بسبب خطأ صغير التكلفة ممكن تتخطى عشرات الالاف بدل عشرة جنيه 🤔 ؟

شقة كما في الصورة كان فيها مشاكل رطوبة شديدة 💦 ادت لتعفن الارضيات الخشبية في عدة اماكن وكذلك تقشر دهانات الحوائط واضرار اخرى مما اضطر العميل لتغيير جزء من الارضية .

ومع استمرار المشكلة تم اللجوء الى احد المختصين وكان اقتراحه انه يتم تكسير الحمام بالكامل 🥶 سيراميك وسباكة واعادة عملهم مرة اخرى ،
وطبعا الحل ده مكلف الى ابعد الحدود 💰💰 غير الوقت والجهد المبذول فيه .

وبعدين تم التواصل بيننا وبفضل الله وحده ربنا وفقنا وقدرنا نوصل لسبب المشكلة انه تسريب من كوع لم يتم لحامه بشكل سليم داخل الحائط لا يتعدى سعره ١٠ جنيهات وتم علاج المشكلة بتكلفة لا تذكر وتم تشطيب الحجرة كما في الصورة الاخيرة والحمد لله رب العالمين 😇😇 .

22/03/2021

بعض الناس بتسأل ليه اجيب مكتب او مهندس👷‍♂️ يشطبلي شقتي وادفعله فلوس بدل ما اجيب الصنايعية بنفسي واشتريلهم البضاعة واوفر اللي المهندس هياخده 🤔🤔.

اولا : جودة واتقان وترتيب اعمال التنفيذ هتكون افضل بكتير وهتختصر عليك الوقت 🕰 والجهد واهدار الفلوس في شغل خاطئ 🚫 ممكن يكلفك اضعاف اللي المهندس كان هياخده .

ثانيا : المهندس هيجيب الصنايعية والبضاعة بأسعار اقل من السوق 💰💰عشان شغال معاهم كتير فهتلاقي نسبة الاشراف اتعوضت في فرق الاسعار لو انت شطبت بنفسك .

ثالثا : هتريح نفسك من وجع الدماغ 🥵والاتفاقات والتعديلات وخاصة ان فيه اكتر من عشر بنود تشطيبات بالصنايعية والبضاعة بتاعتهم .

واسباب تانية كتير وطبعا كل ده على اساس ان المكتب او المهندس عندهم امانة وفاهمين شغلهم والا الموضوع هيختلف خلاص 😅😅

01/03/2021

ناس كتير بتسأل عن مشاكل تقشر الدهانات وصدأ الحديد في الحوائط والسقف زي الصور دي 🤔🤔

اكتر شئ مسبب للمشاكل دي وغيرها هو الرطوبة وتسرب المياه 💦 و الموضوع لو تم اهماله ممكن يتحول لكابوس لدرجة انه يؤدي احيانا لانهيارات في مباني لا قدر الله .

أولا : قبل اصلاح الضرر محتاجين نعالج المصدر لمنع التكرار مرة اخرى وده غالبا أصعب حاجه ومحتاج حد محترف 🕵️‍♂️ ، ومن أشهر الاسباب دي تسريب من السباكة الداخلية حمام او مطبخ من مواسير الصرف أو التغذية ،
وممكن تسريب من خلف البانيو 🛀 أو سيراميك الأرضية بسبب ضعف أو تآكل سقية الفواصل وممكن مياة أمطار 🌧🌧 ( حتى لو مش دور أخير 😓 ) وأسباب تانية كتير .

فلازم الأول نتوصل للسبب ونعالجه عشان ننهي المشكلة من جذورها وبعد كده نصلح الضرر اللى حدث بسببها .

ثانيا : المعالجه بنزيل الأجزاء المتضررة سواء محارة أو خرسانة وبالنسبة للحديد لو نسبة التآكل لا تتعدى ٢٥ % بيتصنفر ويتعالج وخلاص ياإما بنحتاج نضيف شبكة تسليح جديدة ،
بعد كده بنعمل تعويض للخرسانة باضافة مواد كيميائية لزيادة الترابط بين الخرسانة الجديدة والقديمة لنحصل على سقف مستوي وبعد كده مراحل التشطيب والدهان .

طبعا الموضوع فيه تفاصيل كتير ولكن عشان البوست ميبقاش طويل 🤏 ولو حد عنده سؤال يتفضل وان شاء الله أحاول افيده قدر المستطاع 😇😇

م محمد شريف
مهندس تشطيبات
01001497263

21/02/2021

أعمال صيانة كاملة وتجديدات معمارية بالإسكندرية بأقل تكلفة وأعلى جودة وأسرع وقت تحت اشراف هندسي كامل .