06/04/2025
უკრაინული სააღდგომო “კულიჩი”
ცომისათვის დაგჭირდებათ:
1 ჭიქა რძე(უკეთესია მაღალპროცენტიანი);
1 ს.კ. მშრალი საფუარი;
1 ჭიქა შაქარი;
2 დიდი კვერცხი;
2 კვერცხის გული;
1/3 ჭიქა ცხიმიანი არაჟანი;
3/4 ჭიქა უმარილო კარაქი, გამდნარი;
1 ჩაის კოვზი მარილი;
5 2/3 ჭიქა ფქვილი;
1 ჭიქა შერეული ჩირი, თხილი და შოკოლადი ( თქვენი გემოვნებით);
მომზადება:
ოთახის ტემპერატურამდე მიიყვანეთ კვერცხი, არაჟანი და გამდნარი კარაქი. შეათბეთ რძე მიკროტალღურ ღუმელში ან გაზქურაზე, (49-დან 54С გრადუსამდე). ჩაასხით რძე დიდ თასში და ზემოდან მოაყარეთ მშრალი საფუარი; გააჩერეთ საფუარი 5 წუთის განმავლობაში.
5 წუთის შემდეგ ათქვიფეთ საფუარი და რძე, დაუმატეთ შაქარი, მარილი, კვერცხი, კვერცხის გული, არაჟანი და გამდნარი კარაქი. დარწმუნდით, რომ კარაქი არ არის ძალიან ცხელი, წინააღმდეგ შემთხვევაში მაღალმა ტემპერატურამ შეიძლება მოკლას საფუარი. ინგრედიენტები ათქვიფეთ რამდენიმე წუთის განმავლობაში ერთგვაროვანი მასის მიღებამდე.
ცომს დაუმატეთ 2 ჭიქა (250 გრ) ფქვილი და ათქვიფეთ მანამ,სანამ ერთგვაროვან მასას არ მიიღებთ; დარჩენილი ფქვილი მოგვიანებით დაემატება. დიდი ქვაბი შეავსეთ ცხელი, მაგრამ არა მდუღარე წყლით და ცომის თასი ქვაბის ზემოდან მოათავსეთ ისე, რომ თასის ძირი წყალს არ შეეხოს. გააჩერეთ ცომი 1,5 საათის განმავლობაში და როცა მთლიანად გაცივდება, შეცვალეთ წყალი ისევ ცხელი წყლით.
სანამ ცომი ამოდის, მოამზადეთ შიგთავსი. თუ ჩირს იყენებთ, მოათავსეთ თასში და გადაფარეთ თბილი წყლით. სანამ ცომი ამოვა,ამ დროის განმავლობაში აცადეთ ჩირეულს რომ კარგად დატენიანდეს.
მას შემდეგ, რაც ცომი ამოვა, დარჩენილი ფქვილი აურიეთ სილიკონის ნიჩბით ან ხის კოვზით. მას შემდეგ, რაც ცომი გაერთიანდება ბურთულად, ამოიღეთ იგი თასიდან სამზარეულოს დახლზე ან ხის დაფაზე დასამუშავებლად.
დახლს მოაყარეთ ორიოდე სუფრის კოვზი ფქვილი და მოზილეთ ცომი 4-6 წუთის განმავლობაში, სანამ არ გახდება გლუვი და ელასტიური. არ დაამატოთ ძალიან ბევრი ფქვილი;
ჩირეულს გადაუწურეთ სითხე; ცომი გააბრტყელეთ პატარა კვადრატად და ზემოდან მოაყარეთ ჩირი, შოკოლადი ან თხილი, შემდეგ გადაუკეცეთ ცომს კუთხეები,მოზილეთ დაახლოებით 1 წუთი, საჭიროების შემთხვევაში დაამატეთ ცოტა ფქვილი, სანამ ცომი არ გახდება გლუვი,ერთგვაროვანი და ელასტიური.
ცომი გავაბრტყელოთ და გადავახვიოთ სქელ მორად, გავყოთ სამ თანაბარ ნაწილად და თითოეული ნაწილი დავამრგვალოთ ბურთივით. სიზუსტისთვის გამოიყენეთ სამზარეულოს სასწორი.
მოამზადეთ საცხობი ფორმები წონის მიხედვით. შემდეგ, მოამზადეთ ღუმელი. შეავსეთ დიდი საცხობი ფორმა მდუღარე წყლით და მოათავსეთ ღუმელის ძირში. ფორმებში მოათავსეთ ცომი და გადაიტანეთ ღუმელის შუა თაროზე,დახურეთ კარი. გააჩერეთ ცომი დაახლოებით 2 საათის განმავლობაში ან სანამ ზომაში გაორმაგდება. ყოველ 45 წუთში შეცვალეთ წყალი, რომ ღუმელი იყოს თბილი და ტენიანი.
როგორც კი ცომი ამოვა, გამოიღეთ ღუმელიდან. გაახურეთ ღუმელი 175-177 გრადუსზე. როგორც კი ღუმელი გახურდება, გამოაცხვეთ კულიჩი დაახლოებით 45 წუთის განმავლობაში. კულიჩის ზედა ნაწილი მიიღებს უფრო სწრაფად ოქროსფერ ყავისფერ შეფერილობას. გირჩევთ კულიჩს ალუმინი თავისუფლად დაადოთ ზემოდან დაახლოებით 30 წუთის შემდეგ, რათა კულიჩი ზედმეტად არ დაიბრაწოს.
როდესაც კულიჩი გამოცხვება (შეამოწმეთ ხის ჯოხით),გამოიღეთ ღუმელიდან და გააგრილეთ ბადეზე.
მორთეთ სურვილისამებრ.
