Küche Natural & Herbal 手作花廚

Küche Natural & Herbal 手作花廚 手作花廚讓你感受天然、無添加的美容護膚世界!

歡迎致電查詢及預約,
電?

花廚媽媽從2002年發現自己因對抗生素及消炎藥敏感後，併發濕疹皮膚，此時對自己外表完全失去信心，巧遇一名於北京大學的中醫藥美容師，並配合中醫的調理，令濕疹/敏感的皮膚穩定下來。亦因為皮膚問題，反思自己因為工作，沒有好好的作息，而令身體變差，故於2005年放棄高薪厚職，開始跟隨這老派的中醫藥美容師做她的學徒達7年時間；其後師博退休後，於2013年去到台灣深造全職的香薰治療、護膚品調配師及手工皂導師等；於2014年成立了手作花廚，成為全職的手作護膚品調配師，於工作室授予客人手工皂操作技巧、天然護膚品教學及其他香薰類產品，當中亦會教授學員如何才可選擇合適自己的護膚/護理產品，並將中草藥融合香薰元素來調配不一樣的專屬個人的護膚/護理產品。

手作花廚的理念是讓客人感受簡單的護膚原材料，都可以令皮膚有不一樣的質素，重新認識天然簡單的護膚概念。

手作花廚是一間採用全天然香薰/ 中草藥的一站式工作坊, 所有護理療程都不經儀器, 人手導入/ 按摩! 在皮膚護理過程中, 教你如何美的自然!

美是由內而外的, 並不是追求一迅間的啊!

情人節快樂💖連續做糕兩個星期六、日，做到阿咪都有啲驚，今年做左廿幾底，俾咗覺得喺英國遇到真心交（膠🤣）嘅朋友，小小心意，希望大家都有個過節嘅氣氛喇🥰
14/02/2026

情人節快樂💖
連續做糕兩個星期六、日，做到阿咪都有啲驚，今年做左廿幾底，俾咗覺得喺英國遇到真心交（膠🤣）嘅朋友，小小心意，希望大家都有個過節嘅氣氛喇🥰

18/10/2025

🌿【手作花廚 · 一個時代的完結】🌿

2013年，手作花廚正式營業。轉眼已經12年。
記得當時「荔枝角阿咪👧🏻」仲未夠兩歲。
我因為工作壓力太大、濕疹嚴重，決定放棄做咗十幾年嘅物流工作，轉行去研究中草藥，親手調配護膚品。🌿

由一個打工仔變成一個 workshop 老闆仔，
頭兩、三年真係好辛苦——
研發、製作、推廣、包裝設計、銷售、教學，全部都係我一手包辦。💪🏻

我喺營銷路上一直揸住宗旨：
推薦客人用「適合自己」嘅產品。💧
直到手作花廚踏入第8年，亦都係銷售高峰時期，因為各種原因，我哋花廚一家決定離開香港，去到英國展開新生活。🇭🇰✈️🇬🇧

轉眼又過咗4年多。
我仍然堅持每半年製作一次護膚品，俾仲一直支持、仲有需要嘅客人。💌

但今日……
我懷住好唔捨得、真係好唔捨得嘅心情，要同大家講一聲「再見」🥺💔

呢個決定，係我經過深思熟慮先作出嘅。

1️⃣ 因為過去兩年多，花廚爹爹有一個嚴重嘅免疫系統問題，
一直都搵唔到啱嘅藥。💊
我哋兩口子為咗醫好佢，不斷喺醫院出出入入🏥，同時又要兼顧工作、屋企嘅大小事、同兩個🐒🐒嘅成長同學業。📚
呢段時間真係有感不勝負荷🫩

好多晚都喺心諗：
如果我都冧埋，仲有邊個照顧佢？😔
所以，我要學識放慢腳步。🌙

2️⃣ 手作花廚唔再係我嘅正職，
呢幾年我再無心力去研發新產品。
見到外面嘅品牌一個又一個推出新嘢，而我仲停留喺原地，有時都覺得失落。
對支持咗我咁耐嘅客人，心入面其實有一份愧疚💭。

3️⃣ 大環境變咗好多。
經濟差、成本高、訂單少📉、備料又要錢，入不敷支嘅情況愈嚟愈多。
睇住一樽樽原材料擺喺度用唔完，嗰下真係有啲心酸。💔

所以，最終我決定放低。
唔係因為唔再愛，
而係明白有時要學識停一停，
為咗家人、為咗自己，留返啲力氣。💛

🌸
手作花廚對我嚟講，從來唔只係一盤手作生意。
佢係我十幾年青春嘅印記，一段關於香氣、溫度、同信念嘅旅程。✨

好多客人由第一支油、第一盒膏，陪我行到今日。🕯️
就算我離開咗香港，遠喺英國生活，你哋仍然記得我、支持我。💌
每一次見到熟悉嘅名字出現喺訂單入面，我都會忍唔住笑出聲，心入面充滿感激🥹。

多謝每一位曾經信任過我、支持過我、同我傾心事嘅朋友。🤍
你哋令「手作花廚」變成一個有靈魂嘅地方。🌿

未來我未必再做產品，
但希望「手作花廚」呢四個字，
依然可以代表一份溫柔、一份真誠。🕊️

如果你曾經用過我親手做嘅小小作品，希望佢哋有陪你過一段好時光。💫

謝謝你哋陪我走咗咁長一段路。
我真係好感恩，好捨不得。🥺

—— Toby花廚媽媽 @ 手作花廚 Küche Natural & Herbal
🕊️ 2013–2025

✨十二年的香氣，謝謝你曾經來過。✨
More than handmade soaps — it’s where we grew up. 🌸💛

手作花廚專頁會繼續不定時更新我哋嘅生活點滴，
就算唔再賣產品，
都希望大家依然可以同我哋，一齊分享生活的溫度。🕊️✨

#手作花廚 #感謝支持

🎵 音樂授權
Music: Drama Queen
Musician: Rizensun

🌿 《我，仍在》有啲客人問我：「你好耐冇出post喇，仲做唔做手作護膚品呀？」老實講，我都好掛住——我渴望有一日，重新搵返我熱愛嘅節奏，返到我張熟悉嘅工作枱前，靜靜地試油、試配方，做到通宵都唔覺累。我期望您可以早日康復，精神飽滿咁行返出街，...
22/06/2025

🌿 《我，仍在》
有啲客人問我：「你好耐冇出post喇，仲做唔做手作護膚品呀？」

老實講，我都好掛住——
我渴望有一日，重新搵返我熱愛嘅節奏，返到我張熟悉嘅工作枱前，靜靜地試油、試配方，做到通宵都唔覺累。

我期望您可以早日康復，精神飽滿咁行返出街，再唔使日日為藥、為病痛而捱。

我等待，等待有一日，我可以摩拳擦掌咁開展新系列，唔止為咗護膚，更係為咗延續我嘅信念——讓天然草本照顧身體，亦照顧靈魂。

我知道依家嘅我未ready，但我真係想你哋知：

我冇消失，我一直喺度。
喺某個角落，繼續等待緣份，等待重逢。

#我同丁丁都係咁 #等一個時機走出去 #其實畫緊我自己 #手作人日常 #草本生活 #慢慢來也沒關係
#等待重逢 #靈魂有光 #狗狗日常
#我仍在 #丁丁日常

眨吓眼阿羊已經17歲喇，今朝我同阿咪一早去戲院睇Stitch慶祝您嘅生日🎂麻咪對又大一歲嘅您送上祝福，希望您開開心心、健康快樂咁繼續茁壯成長💪今年retake GCSE, 感覺您自己對自己都有期望，亦見您負出嘅努力，希望您今年可以順利過關，...
26/05/2025

眨吓眼阿羊已經17歲喇，今朝我同阿咪一早去戲院睇Stitch慶祝您嘅生日🎂

麻咪對又大一歲嘅您送上祝福，希望您開開心心、健康快樂咁繼續茁壯成長💪今年retake GCSE, 感覺您自己對自己都有期望，亦見您負出嘅努力，希望您今年可以順利過關，並可以喺今年新學年讀到您心儀嘅Motor Vehicles, 成就到您嘅願望，就係您麻咪最大嘅成就喔，加油💪

一年一度咪咪手搓年糕又出動喇！今年少少地做幾底應下節🥳希望你👱🏽‍♂️身體狀況快啲穩定返，身體健康，你要加油呀💪
27/01/2025

一年一度咪咪手搓年糕又出動喇！今年少少地做幾底應下節🥳
希望你👱🏽‍♂️身體狀況快啲穩定返，身體健康，你要加油呀💪

._.1017_ 繼續keep住你嘅招牌笑容，13歲生日快樂喔🥰
17/10/2024

._.1017_ 繼續keep住你嘅招牌笑容，13歲生日快樂喔🥰

由於舊網站已更改，故特此通知，新嘅網站將即日更新為👇🏻www.kucheworkshop.com網站只提供產品詳情，不作網上購物🛒用途，手作花廚已改為WhatsApp （Tel: 🇭🇰+852-90882283 / 🇬🇧+44 758790...
27/08/2024

由於舊網站已更改，故特此通知，新嘅網站將即日更新為👇🏻
www.kucheworkshop.com
網站只提供產品詳情，不作網上購物🛒用途，手作花廚已改為WhatsApp （Tel: 🇭🇰+852-90882283 / 🇬🇧+44 7587901881)落單, 如果客人對花廚產品有任何查詢或落單，可以提供網站連結🔗，然後以WhatsApp與花廚聯絡😇

另外，如果香港🇭🇰朋友有需要訂貨，嚟緊10月會有大貨📦從英國🇬🇧發到香港🇭🇰大家可於9月13日或之前盡快通知，並確認訂單喔🥰

而英國🇬🇧嘅香港朋友都可以落單，亦冇deadline 的，以英國🇬🇧WhatsApp 與花廚確認訂單後，收到貨款後一至兩發貨喔🫡

終於嚟到Land’s End 英國最西邊🥳
31/07/2024

終於嚟到Land’s End 英國最西邊🥳

技癢ing…..🤪享受還能與您一起的快樂時光，喜歡還能為您做的一丁點事情，開心還能見到您因為麻咪為您做的事興奮莫名…..希望在您不再太需要我的愛之前，能和您再多點回憶🥰
16/03/2024

技癢ing…..🤪
享受還能與您一起的快樂時光，喜歡還能為您做的一丁點事情，開心還能見到您因為麻咪為您做的事興奮莫名…..希望在您不再太需要我的愛之前，能和您再多點回憶🥰

嚟左英國已經兩年半喇！返左工之後一直都只為比較熟嘅客人做貨，感謝您哋一直嘅支持，花廚媽媽先可以繼續堅持，每半年做一次貨俾親愛嘅您哋🥰襯住今年復活節🐣，又到每半年一次做貨返香港，想睇吓有冇您哋掛住花廚嘅 #漢方護膚品😆由今日開始直至3月26日...
27/02/2024

嚟左英國已經兩年半喇！返左工之後一直都只為比較熟嘅客人做貨，感謝您哋一直嘅支持，花廚媽媽先可以繼續堅持，每半年做一次貨俾親愛嘅您哋🥰

襯住今年復活節🐣，又到每半年一次做貨返香港，想睇吓有冇您哋掛住花廚嘅 #漢方護膚品😆由今日開始直至3月26日可以預訂喇🥳預訂產品會於4月15日英國發貨，大約4月底、5月初左右香港客人就可以收到貨喔！

因為每半年嘅英國發貨，客人不需要承擔英國發往香港國際運費，客人只需承擔香港之本地順豐運費喔😇

想落訂單或查詢，可WhatsApp(香港🇭🇰電話：90882283 或 英國🇬🇧電話：+44 7587 901881）請注意，因工作關係，見字會盡快回覆喔🙇🏻‍♀️

備註：大部分產品在網站已標註「售馨」，網站只供參考資料，大家可以於網站cap圖後，WhatsApp聯絡下單🥰

#漢方護膚品
#復活節

Address

Warwick

Website

Alerts

Be the first to know and let us send you an email when Küche Natural & Herbal 手作花廚 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Küche Natural & Herbal 手作花廚:

Shortcuts

Share

Category