16/12/2024
აღარ მახსოვს მერამდენე დღეა ვცდილობ პოსტის დადებას…
ვიწყებ წერას და ვშლი….
არ ვიცი ეს პოსტი ვისთვის იქნება საინტერესო,ან აქვს კი აზრი რომ დავპოსტო…
მოგიყვებით ჩვენს პირველ ნამუშევრებზე…
ჩვენი პირველი და ძირითადი ნამუშევრები დავამზადეთ “კონკურს-ფესტივალ ქართული”სთვის - კედლის სარკე,ჩანთა,თმის საბნევი,გულსაბნევი და სხვა.
პირველივე ჯერზე ყოველგვარი გამოცდილების გარეშე შევეჭიდეთ საკმაოდ რთულ ხელსაქმეს და არანაირად არ გვქონდა იმის მოლოდინი,რომ შოკის მომგვრელ ნივთებს შევქმნიდით…
გვქონდა იდეა, ბიუჯეტი - 100 ლარი, უდიდესი მონდომება და სურვილი,რომ სილუეტურად მიგვემსგავსებინა თითოეული ნამუშევარი ეროვნულ სიმბოლოებთან…
გამოფენის პირველსავე დღეს, დახლის გაწყობისას დადებული პირველივე ნივთი - ჩანთა,რომელზეც ამოვქარგეთ “ქართული ცეკვა” მოცეკვავეების სილუეტით,ყოველგვარი ყოყმანის გარეშე შეიძინა ხელჯოხიანმა მამაკაცმა…
თმის საბნევი,რომელზეც კონტურულად დავქარგეთ 9 აპრილის სიმბოლო “გოგონა დროშით”,შეიძინა ახალგაზრდა გოგონამ რომელმაც წამებშივე ამოიცნო ნაქარგის იდეა და შეგვაქო…
ჩანთა,რომელზეც ამოვქარგეთ სიტყვა “სოხუმი” და სილუეტურად მოცეკვავეები, შეიძინა 9 წლის ბიჭმა საჩუქრად თავისი დისთვის,რომელიც იყო აღფრთოვანებული და ერთი სული ჰქონდა გაეხარებინა თავისი დაიკო…
გულსაბნევი “საქართველოს კონტურული რუკა” დაკარგული ტერიტორიებით,შეიძინა მამაკაცმა შვილისთვის.პაწაწინა გოგონასთვის,რომელიც თან ახლდა და ჩემს თვალწინ დაუბნია გულთან ახლოს…
ეს იყო ისეთი ამაღელვებელი მომენტები,რომელმაც წამში გადამავიწყა უძილო ღამეები,დაჩხვლეტილი თითების ტკივილი,შიში იმისა,რომ არაფერი გამოგვივიდოდა…
ამ ყველაფერს იმიტომ ვწერ და გიყვებით,რომ ჩვენი იდეა დასაწყისიდან დღემდე,იყო,არის და იქნება ქართულ,ეროვნულ მოტივებზე შექმნილი ნამუშევრები…
რადგან როგორც საქართველოს მოქალაქისათვის,ჩვენთვის პრიორიტეტულია ეროვნილი ღირებულებები და ასევე მნიიშვნელოვანია ქვეყნის განვითარება ევროინტეგრაციის მიმართულებით. ✊🏼🇬🇪🇪🇺
ბოლო პერიოდში ე.წ მთაბრობის მიერ მიღებული გადაწყვეტილებები სცილდება ეროვნულ ღირბულებებსაც და ხელს უშლის ქვეყნის ევროპულ მომავალსაც. ‼️‼️‼️
ჩვენ როგორც ამ ქვეყანაში მოქმედი სტარტაპერები,ვემიჯნებით იმ ძალადობას რომელიც მთავრობის მიერ ხორციელდება მშვიდობიანი აქტივისტების წინააღმდეგ.‼️‼️‼️
შესაბამისად სრულად ვიზიარებთ აქტივისტების მიერ ე.წ მთავრობის მიმართ წამოყენებულ მოთხოვნებს და მხარს ვუჭერთ იმ მოქალაქეებს,რომლებიც თავისი მშვიდობიანი პროტესტით ცდილობენ ქვეყანას დაუბრუნონ ევროპული მომავალი!✊🏼🇬🇪🇪🇺
