24/05/2026
✨ როცა წარსულის სურნელით გაჟღენთილ, ძველ სივრცეში დგახარ, ხელში გეგმა გიჭირავს და ნაგებობის ხაზვას იწყებ, ნამდვილი მისტიკაა... კიდევ ერთხელ ხვდები, რომ არქიტექტურა მხოლოდ ცივი კედლები და მშრალი ხაზები არ არის. ეს სულის, ენერგიის და "მადლის" ტრიალია.
❤️როგორც არქიტექტორი, ჩემს პროექტებში ყოველთვის ვეძებ იმ უხილავ ძაფს, რომელიც წარსულსა და მომავალს აკავშირებს.
🍇იცით, რომ ძველი ქართული გეგმარება და განსაკუთრებით მარანი – თავისი არსით ნამდვილი, ავთენტური "ქართული ფენ-შუია"?!!
🏡ფენ შუიში არსებობს ასეთი უძველესი მიმართულება – „ფორმების სკოლა“ (Form School), რომელიც შენობის, რელიეფისა და ბუნებრივი ენერგიების ჰარმონიას სწავლობს. ზუსტად ამ პრინციპით, ინტუიციურადაც და ზუსტი საინჟინრო გათვლებითაც, მართავდნენ ჩვენი წინაპრები სივრცეს, რათა სახლში ენერგიის სწორი ცირკულაცია ყოფილიყო.
მარნის საიდუმლო: ის არასდროს ყოფილა უბრალოდ ღვინის საცავი. მარანი სახლის გულია, სადაც ბუნებრივი მასალები (ქვა, ხე, მიწა) ქმნიდა უნიკალურ მიკროკლიმატსა და სიმშვიდეს. ქვევრის დასაფლავებლად ადგილის შერჩევა ნამდვილი ხელოვნება იყო – ზუსტად უნდა სცოდნოდათ მიწისქვეშა წყლებისა და ნიადაგის ხასიათი.
💥 დედაბოძის ენერგეტიკული ღერძი: დარბაზული ტიპის სახლებში დედაბოძი მიწისა და ზეცის კავშირს, ოჯახის სიმტკიცესა და ენერგეტიკულ ცენტრს განასახიერებდა.
♻️ ბუნებრივი ორიენტაცია: სახლებისა და ღიობების განლაგება ყოველთვის მზისა და ქარის მოძრაობის მიხედვით იგეგმებოდა, რაც დღევანდელი ეკო-არქიტექტურისა და ენერგოეფექტურობის საფუძველია.
🌿 ჩემი უდიდესი შთაგონება სწორედ ეს არის – ავიღო ეს საოცარი, ძველი ქართული სიბრძნე და ავთენტურობა, გადავამუშაო და მოვარგო თანამედროვე, ფუნქციურ დიზაინს. შევქმნა ახალი სივრცე, სადაც ადამიანი თავს ისევე მყუდროდ, თბილად და დაცულად იგრძნობს, როგორც ბებია-ბაბუის ნაქონ, მოგონებებით სავსე სახლში.
✨ მჯერა: სანამ არსებობს ძველი ხის, თიხისა და ჩვენი ფესვების სიყვარული, მანამ ნებისმიერი ახალი სივრცეც იქნება თბილი და ძლიერი...
