03/09/2026
ზოგჯერ ერთი პატარა საჩუქარი იმაზე მეტს იტევს, ვიდრე თვალით ჩანს… ❤️
რამდენიმე დღის წინ ემიგრაციაში მყოფმა მამამ დამირეკა. შვილისთვის საჩუქრის გაკეთება უნდოდა... მითხრა, ჩემი პრინცესა თავად შეარჩევს მოდელს და მოგწერთო...💗
,,ჩემი პრინცესა'' იმ წამს ამ ორ სიტყვაში მთელი მისი მონატრება დავინახე.
საფულის დამზადება ჩვეულებრივ შეკვეთად ვეღარ აღვიქვი... ამ პატარა ნივთში დიდი სიყვარული უნდა ჩამეტია... ❤️
დამზადებისას სულ იმ პატარა გოგოზე ვფიქრობდი, რომელსაც ეს საჩუქარი უნდა მიეღო 🥰
ვფიქრობდი იმ მამაზეც, რომელიც სადღაც შორს ელოდებოდა მის რეაქციას და მთელი გულით უნდოდა რომ ,,მამას პრინცესას'' თვალები სიხარულით ანთებოდა.
დღეს გზავნილმა ადრესატამდე მიაღწია…
და ცოტა ხანში მამის წერილი მივიღე:
„Ძალიან Ძალიან დიდი მადლობა იმ ბედნიერი სახისთვის რაც Ჩემს გოგოს ჰქონდა, საუკეთესოები ხართ უღრმესი მადლობა🙏🙏🙏🙏 და ბევრი ბევრი წარმატებები თქვენ❤❤❤''
რამდენიმე სიტყვა იყო… მაგრამ ისეთი, მთელი დღე რომ დამყვება. 🤍
სწორედ ასეთ მომენტებში ვხვდები, რატომ მიყვარს ასე ძალიან ის საქმე, რასაც ვაკეთებ...
და ალბათ, ყველაზე ძვირფასი ის განცდაა, როცა ხვდები რომ შენი ხელით შექმნილი პატარა ნივთი, ვიღაცისთვის შორიდან გამოგზავნილი სიყვარულის ნაწილი გახდა ❤️
