11/09/2023
გაზეთი "კომუნისტი" 1964 წლის 18 ოქტომბერი:
"სანამ სპორტის სასახლის მშენებლობას დაიწყებდნენ, საჭირო იყო ნაგებობისთვის გათვალისწინებული გუმბათისებური გადახურვის გამოცდა. ამიტომ სასახლისთვის განკუთვნილი ნაგებობის მახლობლად ააშენეს ზუსტად ისეთივე თაღოვანი გადახურვა, როგორც სპორტის სასახლისთვის იყო გათვალისწინებული, მხოლოდ მასზე უფრო პატარა, და მოახდინეს ექსპერიმენტები. გამოცდამ წარმატებით ჩაიარა.
ამის შემდეგ დაიწყო სასახლის მშენებლობა, საექსპერიმენტო გუმბათისებური გადახურვა კი ისევე ხელუხლებელად დარჩა. როცა მოციგურავეთა სკოლის ჩამოყალიბების იდეა დაიბადა, სწორედ ეს მიტოვებული ნაგებობა გაიხსენეს და გადაწყვიტეს იგი გამოეყენებინათ სკოლის შენობისათვის."