男煮人的浮誇食堂

04/10/2026

【🇰🇷韓式雜菜牛肉炒粉絲Japchae】
一個會食上癮嘅韓式炒粉絲，熱食夠香口，凍食夠彈牙！材料簡單只要準備幾個材料就做到，即刻教大家點整👏🏻👏🏻

🛒材料包括✨
* 韓國水晶薯粉 1包
* 牛肉（切絲）150g
* 冬菇 (切絲)4-5隻
* 甘筍（切絲）1 條
* 菠菜苗半斤
* 芝麻少許
* 甜醬油100ml, 味醂100ml
* 麻油50ml

👨🏻‍🍳詳細做法:
1. 先將牛肉用醃料拌勻(豉油生粉糖)。冬菇泡水浸軟，榨乾水分，切絲備用。
2. 用滾水將粉絲6分鐘至軟身熟透。撈起用冰水沖洗。瀝乾水分，用鉸剪略為剪短備用。菠菜灼熟，然後浸冰水保持翠綠，揸乾水備用。
3. 燒熱油用中大火把牛肉炒至7成熟先盛起；冬菇洋蔥甘筍爆香；加入菠菜、粉絲炒至全部粉絲熱透。加入炒好嘅牛肉，加入醬汁撈埋勻。上碟前灑上芝麻，搞掂。

🇰🇷呢個炒粉絲整定第二日仲可以做Lunch Box，凍食一樣咁正～快啲試吓啦！

#男煮人的浮誇食堂🙇🏻‍♂️🙏🏻 #韓式炒粉絲
#韓式料理 #簡易食譜

02/10/2026

🇯🇵【鹽昆布青瓜漬🥒】
免開火1分鐘學識極速日式開胃涼菜漬物，鹽昆布真係一個好屈機及好神奇嘅材料，真係會食到停唔到口！呢個涼拌漬物真係好適合放工即整即食😋

🛒所需材料✨
* 水果青瓜：3 條
* 鹽昆布：2 湯匙（天然鹹鮮與海味旨味）
* 麻油：少許提香
* 蒜蓉：一1匙（可依喜好添加，增添香氣）
* 味醂：少許中和鹹味

👨🏻‍🍳詳細做法：
處理青瓜：青瓜洗淨切頭切尾，刨成薄片。
加鹽昆布：將青瓜片放入保鮮盒，加入鹽昆布、麻油、蒜蓉及少許味醂調味。
攪拌均勻：蓋上保鮮盒，上下搖晃 10 秒讓鹽昆布完全附著在青瓜表面，放雪櫃雪一個鐘即可食用。

超級簡單，完全冇技巧～配白飯/白粥都好正🥒🍚真係要試吓！

#男煮人的浮誇食堂🥢🙇🏻‍♂ #鹽昆布 #鹽昆布料理 #漬物 #懶人食譜

27/09/2026

【 🥟 煮個靚 Brunch 氹老婆開心🩷10分鐘教您整極速Easy 汁「偽 Carbonara 水餃」✨ 】

週末放假想整返個儀式感 Brunch 氹老婆開心，呢個食譜極度Easy有心就做到🤣🩷用屋企雪櫃常備嘅即食水餃，加上濃郁嘅芝士忌廉汁，10 分鐘搞掂呢碟「偽 Carbonara Dumpling」！【Share】 Send 俾身邊個「寵妻人夫」叫佢學吓啦！

用您平時食慣嘅水餃，今次淋上用乾蔥同 Salami 爆香嘅特濃芝士忌廉汁，中式水餃配上濃郁嘅芝士奶香，老婆食完第一口即刻大讚有驚喜！

🛒 簡易材料🥟
* 即食水餃 1包 （呢隻金妹有驚喜）
* 醬汁配料： 乾蔥 1粒（切絲）、Salami 意式香腸2片、忌廉（Cooking Cream）約 100ml，芝士粉半湯匙
* 調味： 現磨黑胡椒、香草碎少許
*
👨🏻‍🍳10 分鐘極速 3 步曲
* 1️⃣ 白灼水餃： 滾水下水餃煮至熟透，撈起瀝乾放盤備用。
* 2️⃣ 爆香Easy汁： 細火下少許牛油，放入乾蔥絲同 Salami 慢火炒出香味同油脂，倒入忌廉煮至微滾濃稠，加入芝士粉、少許香草同黑胡椒調味。
* 3️⃣ 淋汁上碟： 將香濃嘅 Salami 忌廉汁淋喺熱騰騰嘅水餃上，最後撒上香草同黑胡椒碎就搞掂！

📌 今個週末就煮呢個氹吓另一半！【Share】 Send 俾身邊個「寵妻人夫」叫佢學煮啦！

#男煮人的浮誇食堂 #寵妻食譜 #簡易食譜

22/09/2026

【 零難度屋企做！雙重爽脆「手打馬蹄蓮藕煎肉餅」✨ 】

放工想食家常菜，但又嫌蒸肉餅太沉悶？今晚等男煮人教大家整呢個香口極致外脆Juicy嘅「手打馬蹄蓮藕煎肉餅」！

呢個肉餅嘅靈魂，就在於「雙重爽脆」——同時加入馬蹄嘅清甜同蓮藕嘅口感！手打豬肉餡鎖緊肉汁，煎到兩面金黃焦香。一口咬落去，外層脆口入面肉汁澎湃，仲咬到爽口嘅馬蹄同蓮藕粒，口感豐富到極致，配飯加個靚豉油真係可以食多兩碗！

🛒 材料包括
免治豬肉 500g、馬蹄 4-5粒（切粒）、蓮藕1小節（切粒）、蒜蓉少許、黑胡椒碎少許、生蔥花少許。

醃料： 甜豉油 1湯匙、蠔油 1湯匙、生粉 2湯匙、麻油兩圈、胡椒粉少許、水3湯匙（分次打入肉餡）。

👨🏻‍🍳3步爆汁秘訣
* 1️⃣ 手打起膠： 免治豬肉加入醃料，分次加入清水，順時針方向用力攪拌至起膠；加入生粉攪拌最後兩圈麻油封面(包你滑到飛起)
* 2️⃣ 混合成形： 倒入切粒嘅馬蹄同蓮藕拌勻，捏成大小相若嘅圓形肉餅。
* 3️⃣ 煎至金黃： 熱鑊下油，中小火將肉餅煎至兩面金黃冚蓋焗熟、邊緣微焦即可起鑊！

呢個餸可以淨係落馬蹄，或者淨係落蓮藕都冇問題📌 【收藏】落嚟聽晚試吓整！【Share】Send 俾身邊鍾意食「肉餅」嘅朋友！

#男煮人的浮誇食堂 #手打馬蹄蓮藕煎肉餅 #煎肉餅 #簡易食譜

19/09/2026

【 🥵夏日消暑正氣首選！清甜鮮美「節瓜瑤柱煲唐排」🍲 】

節瓜正氣、清熱消暑，加埋滋陰補腎提鮮一流嘅江瑤柱同唐排，煲出嚟嘅湯底清甜無比，好清又無油，飲完即刻舒暢！

重點係煲一個半小時就飲得，快靚正，最適合放工極速煲嘅靚湯

🛒 材料簡單
節瓜 3隻、江瑤柱8-10粒（預先浸軟）、唐排 400g、生薑 2片、水約2.5公升。

👨🏻‍🍳3 步搞掂
1️⃣ 預備材料： 唐排冷水落鑊汆水去血水，沖水洗乾淨用火槍燒一燒啲骨更香；節瓜去皮切大塊；瑤柱浸軟備用。
2️⃣ 車晒入煲： 煲滾 2.5 公升水，將唐排、節瓜、瑤柱連浸水同薑片一次過放入煲內。
3️⃣ 煲 1.5 小時： 大火滾 15 分鐘後轉中細火煲 1.5 小時，熄火前加少少鹽調味，搞掂飲得！

📌 【收藏】呢個靚湯！【Share】 Send 俾身邊朋友得閒過嚟飲吓，好好味㗎！

#男煮人的浮誇食堂 #節瓜瑤柱煲唐排 #夏日湯水 #廣東靚湯 #家常靚湯

19/09/2026

22/08/2026

☀️Yeah朝早整一個零澱粉Salad Bowl🥗
新鮮沙律菜+慢煮即食雞胸+泡菜+希臘乳酪奇亞籽+焦糖洋蔥+生洋蔥

飽足感滿滿🈵🈵～再加一杯Espresso Tonic又爽又冇負擔💯

呢個組合大家可以試吓😋😋😋

#減肥餐單 #健康餐 #低糖質レシピ #男煮人的浮誇食堂🥢🙇🏻‍♂

31/07/2026

🍶日式居酒屋佐酒小食【🧄脆蒜蔥香炸蝦春卷🫔】
🥳又準備到週末喇，又係時候煮吓嘢食飲番杯放鬆吓！🤩今日同大家分享一個居酒屋佐酒小食【脆蒜蔥香炸蝦春卷】；材料簡單，用上春卷皮包住彈牙蝦膠，原粒鮮甜粟米，色彩鮮艷爽口嘅甘筍絲紫椰菜絲；配埋萬字新出嘅【爽爽脆醬油】同【萬字甘甜燒肉汁】做調味，新鮮即包即炸即食一啖咬落去真係好正，即刻無保留教大家點做！

🛒材料包括
春卷皮（6吋大小）
蝦膠 300g
粟米粒，甘筍絲，紫椰菜絲(按個人喜好自行添加調整份量)
萬字爽爽脆醬油 (隨心，我保證您食唔停口)
萬字甘甜燒肉汁(2茶匙匙)

👨🏻‍🍳詳細做法
1️⃣先將蝦膠手打至起膠，然後混入已經準備好的粟米粒，甘筍絲，紫椰菜絲
2️⃣加入萬字爽爽脆醬油，2茶匙匙萬字甘甜燒肉汁調味；然後攪拌均勻放雪櫃醃15分鐘
3️⃣開始包春卷，將蝦膠餡料放上春卷皮，然後包緊；油溫180度左右慢慢炸至金黃色，期間不停攪拌確保春卷每面金黃即可撈起
4️⃣造型擺盤：將炸好的春卷45度打斜切開露出色彩鮮艷餡料，最後加上少少【萬字爽爽脆醬油】做Topping裝飾，Um....一啖咬落去真係好正

🎌呢個【萬字爽爽脆醬油】真係好有驚喜，醬油鮮味+炸蒜惹味+芝麻香氣；不論當調味就咁點，撈，炒嘅菜式，甚至即開即食都好百搭，真係點食都得；🇯🇵日式【萬字甘甜燒肉汁】本身已經調好曬味，好香芝麻味帶甘香微甜一開就用得非常方便，我好鍾意用嚟做汁燒牛仔骨，甚至用嚟配燒烤都好惹味！未試過嘅朋友仔真係要買試下。

萬字醬油 Kikkoman HK (Official)
🛒可以喺邊度買得到⁉️
萬字爽爽脆醬油 - 百佳超級市場 【百佳特價$26 (原價$47) 優惠期 31/7-13/8/2026】
萬字燒肉汁系列 - 百佳/惠康超級市場/HKTVmall

#萬字醬油 #萬字爽爽脆醬油 #萬字燒肉汁系列 #男煮人的浮誇食堂

29/07/2026

🥩你平時煎牛扒，係咪好似開盲盒咁憑感覺？伸隻手出嚟！今次教你點樣一秒睇清牛扒熟成度！

煎牛扒唔使再憑感覺喇！只要伸出你的手掌，摸摸大拇指下方的「大魚際肌」，就能精準對比牛排熟度：
🖐🏻放鬆手掌 ＝ Raw（生肉）
👆🏻大拇指 ＋ 食指 ＝ Rare（三成熟）
🖕🏻大拇指 ＋ 中指 ＝ Medium（五成熟） 🌟 最推薦熟度！
💍 大拇指 ＋ 無名指 ＝ Medium Well（七成熟）
🤙🏻大拇指 ＋ 小指 ＝ Well Done（全熟）

💡 Keith 的浮誇食堂小貼士（Tips）：除了摸手掌，牛扒起鑊後一定要 Resting（靜置）至少 5 分鐘(煎幾耐就Rest幾耐)！咁樣先會鎖住肉汁，切開先不會「流血水」🔪

呢個方法超簡單，分享俾你啲成日控制唔到牛扒熟成嘅朋友啦

#煎牛扒技巧 #牛扒晚餐 #如何煎出完美牛扒 #男煮人的浮誇食堂🙇🏻‍♂️🙏🏻