19/10/2026
因為特別原因去咗馬來西亞遊玩幾日，除咗靚景、美食外，今次仲拜訪咗個特別人物，係度同大家分享一下。
事緣就喺出發之前約兩星期，有一位男士入嚟參觀，佢好驚訝咁話：「你哋鋪頭好多捕夢網啊！令我諗起之前去吉隆坡時都參觀過一間由印第安人開嘅手做捕夢網小店。」
我哋兩眼發光、睇實個mon🤩
就咁睇相都睇到我哋嘩嘩聲，因為全部都好靚好有原始嘅味道嘅作品。唔駛諗一定要去！！
小店位置係一個市集裏面，店內掛滿用樹藤同柳樹枝做嘅捕夢網。店主Sakai先生好熱情同我哋介紹作品，交流一陣之後我哋就冒昧咁介紹我哋係响香港同樣地都係做捕夢網作品。
佢聽到之後好開心，叫我哋坐底傾多陣，仲話想同我哋做個blessing~
佢一邊為我哋編織手帶，一邊風趣幽默分享自己有趣嘅往事～
一開始家人係反對佢做呢門手藝，但佢覺得呢個係自身嘅使命，縱使途中經歷左好多難關都照樣堅持，到今日已經做咗44年🚬
佢又鬼馬咁分享吓自己細個時候嘅甜蜜往事咁lor 🤓🙈
我哋揀左個柳木做嘅捕夢網作收藏🥰，客氣嘅佢比左個好大折扣我哋，仲笑笑口講：「你哋放心，金錢係流動㗎，我平比你哋嘅錢聽日一定會賺返晒。」
臨走前佢不停叮囑：「Brother , Sister你哋千期唔好放拜棄，到我唔做嘅時候…你哋就要接住續繼傳承落去。」
聽到呢句感動得唔識反應…..
雙眼通紅、接個祝福、互相擁抱🫂
奇妙的相遇
不言而喻的傳承
Sakai Dreamcatcher
Sakai @ Central Market
G53, Central Market, Jalan Hang Kasturi, Kuala Lumpur City Centre, 50050 Kuala Lumpur, Wilayah Persekutuan, 馬來西亞
