16/06/2023
.
WE STUDIO 成立當初的想法是希望透過小小空間可以跟不同的公司合作，
希望為本地製造以及本土文化出一分力，
成日望到附近相熟店鋪，間間都完約/裝修/頂手都幾失落。
一開始由只開週末到年頭我試下日日開鋪，人流人工都無賺到，但係賺左班客，賺左份感情。
賺到我話唔繼續然後大家都幫我諗下做乜好，其實都幾溫馨。
所以唔係唔做，轉下型咁，只係大家將就下繼續食返出面啲雞蛋仔。
你問我最想做乜，
我最想係將一件大家睇落好簡單好輕易既事極致化。
一係唔做，一係就做盡，從來都無灰色位。
例如，將個TIRAMISU做到盡，要齊口感/味道/滿足感，自己焗手指餅、自己搵人BLEND個ESPREESO就返個甜品。
又例如，將一底雞蛋仔加啲自己炒既肉桂蘋果JAM，即係話外脆內軟WRAP住脆口蘋果。
有group一家幾口既客人，佢哋個個禮拜都嚟，直至上星期我先知原來佢係考哂牌開過CAFE，
「嘩，咁我點多謝你係咁多選擇裡面揀我地嚟幫襯？」
「因為你係附近咁多間裡面唯一一間好安靜咁專心做自己野。」
原來活係自己世界都有人欣賞。
發現世界永遠都唔會以你幻想的方式去回答你的訴求，一定要令你經歷/學會一些課題，先去回應你。
關於未來下一步動向，
有機會跟本地一醬料廠合作，
繼續發生更多可能性。
這段時間，多謝大家向本人釋出無限善意，叫我試下呢樣果樣，
無論係斑蘭味雞蛋仔定櫻花蝦雞蛋仔。
好似無論幾千其百怪，大家都願意陪我去嘗試。
