Wool Workshop 羊工房編織車縫手作教室

Call Directions Website

Wool Workshop 羊工房編織車縫手作教室 羊工房WoolWorkshop毛冷編織教室設於屯門置樂萬寶商場一樓141號舖，如有查詢歡迎whatsapp 51942105。

羊工房開業至今, 一直致力為各位帶來優質冷線產品、編織工具及其他相關產品如編織書, 布料, 配件等.
我們同時希望, 籍著fb廣傳效力, 令更多朋友認識手作品的美, 從而誘發自己制作的意欲~ 同時, 亦希望就算不做手作的, 都可以懂得欣賞手作人的那份心意!
各位朋友, 您們的一個說讚, 一個留言, 都足以令更多朋友認識我們~ 多謝您們支持! 我們會努力制作更多成品, 繼續為大家入更多靚貨!

各位朋友可以預約到小店購物或DM與我們聯絡洽購. 有關郵購方法如下:
1）DM小店查詢價錢或以whatsapp 51942105聯絡
2）決定取貨安排
A.自取：貨品備妥後三天內親臨工作坊自取，不另收費。如未能於三天內到取，其後每天會收取$10存倉費用
B. 順豐到付

今日喺泳池坐足全日其實尋日已經喺泳池睇比賽，不過尋日太忙，幫家長安排門票，行出行入冇開到工。今日終於有得鉤，3-4個鐘，大約完成咗1/6件衫。呢件係用 Harawool Hug Cotton 橫向鉤針外套。特點係起針果下已經決定咗衫身長度，...
17/10/2026

今日喺泳池坐足全日

其實尋日已經喺泳池睇比賽，不過尋日太忙，幫家長安排門票，行出行入冇開到工。

今日終於有得鉤，3-4個鐘，大約完成咗1/6件衫。

呢件係用 Harawool Hug Cotton 橫向鉤針外套。

特點係起針果下已經決定咗衫身長度，闊度就由行數去調，所以長同闊要改都好容易，唔怕唔啱身。

照呢個速度，如果日日都有比賽，我一星期內就可以完工。可惜嚟緊每星期得返一兩日有比賽，應該要耐啲先完成到。

相入面有原裝完成圖參考同用色，而我就配咗米白+綠+珊瑚橙+深藍綠

未來幾日開店時間
星期日 12-6 (只餘4-6上堂時段) 12-4 不設預約購物
星期一 重陽翌日假期 12-2
星期二 12-4
星期三 12-4
星期四 11-1
星期五 睇比賽休息
星期六 2-6
星期日 12-4

#橫向編織 #鉤針外套 #泳池邊手作 #鈎針 #屯門編織 #勾針 #鉤針 #毛冷 #編織材料包 #編織敎學 #鉤針編織

周老闆搵舊相，搵返呢幾張羊工房初開業時，喺荃灣商廈樓上舖嘅相。下個月頭就十四週年喇～由初初同阿嫂二人一齊搞，到後來佢因為要湊仔而退出。14年搬咗十次，由荃灣、元朗、栢麗、屯門工業區、愛琴私竇，去到而家我最鍾意嘅萬寶。我計過，每個地址都搬過兩...
14/10/2026

周老闆搵舊相，搵返呢幾張羊工房初開業時，喺荃灣商廈樓上舖嘅相。

下個月頭就十四週年喇～

由初初同阿嫂二人一齊搞，到後來佢因為要湊仔而退出。14年搬咗十次，由荃灣、元朗、栢麗、屯門工業區、愛琴私竇，去到而家我最鍾意嘅萬寶。我計過，每個地址都搬過兩個單位，所以加埋有十次～

由2人同行，再到高峰時期四個同事，到而家嘅 one man band。由鉤針起家，玩埋車縫、布藝、刺繡，又返返去原點，只教鉤針。

起起伏伏咁，過程當中有身邊人嘅支持，當我無數次想放棄嘅時候，叫我要堅持。

更唔少得咁多年來認識嘅各位學生、客人、朋友仔。冇你哋，就冇今日嘅羊工房。

多謝你哋陪我織咗14年，餘下嘅路，繼續一針一線，慢慢織落去。

你哋又係幾時認識羊工房㗎？留言話我知啦！

#羊工房 #14週年 #荃灣樓上舖 #鉤針 #回憶

呢位同學真係目標有、決心有、耐性有、計劃都有！睇返紀錄，暑假最後一日，佢見我舖頭開緊工就走入嚟問：「零基礎，想學鉤牡丹花得唔得？」原來係想親手鉤一束花，送俾就嚟小六畢業嘅仔仔做畢業禮物。真心欣賞呢位媽媽，早大半年就開始籌備。呢束就係佢用咗一...
13/10/2026

呢位同學真係目標有、決心有、耐性有、計劃都有！

睇返紀錄，暑假最後一日，佢見我舖頭開緊工就走入嚟問：「零基礎，想學鉤牡丹花得唔得？」

原來係想親手鉤一束花，送俾就嚟小六畢業嘅仔仔做畢業禮物。

真心欣賞呢位媽媽，早大半年就開始籌備。呢束就係佢用咗一個月多少少時間嘅成果，3朵紅色花瓣好立體，越睇越靚。

每年一到3、4月畢業季，就會收到好多新朋友查詢，想學鉤花束、著校服嘅人形公仔、畢業袍同畢業帽。好多時都係臨急抱佛腳，結果趕到甩轆先勉強完成，甚至不了了之。

所以話，提早準備真係好重要。如果你都想為重要嘅人親手做一份畢業禮物，而家就係最好嘅開始時間啦！

未來幾日開店時間：
14/10 （三） 10-4pm
15-17/10 （四至六）仔女游泳比賽休息
18-19/10 （日及一公眾假期）12-4pm
歡迎預約上堂

#鈎針手作 #同學作品 #零基礎都得 #畢業花束 #鉤針花 #香港手作

D.M.C. Pirouette Ombré 漸變做得好靚。圖入面4色：- 酒紅轉橙 (上左)- 灰色漸變 (上右)- 黃綠漸變 (下左)- 藍色漸變 (下右)呢個線 400g特大絞，一個已經夠鉤一件短袖tee / 個大披肩，後面本型錄嗰4...
12/10/2026

D.M.C. Pirouette Ombré 漸變做得好靚。

圖入面4色：
- 酒紅轉橙 (上左)
- 灰色漸變 (上右)
- 黃綠漸變 (下左)
- 藍色漸變 (下右)

呢個線 400g特大絞，一個已經夠鉤一件短袖tee / 個大披肩，後面本型錄嗰4個款都係用佢，gentle gradient效果，唔使自己換線。

400g / 1000m左右，建議用 4-5mm針，鉤針用7-8/0鉤都會得，效果會再鬆軟啲。

四色現貨有售

另外，今星期日及下星期一重陽節會䦕店，歡迎預約上堂

#鈎針 #屯門編織 #勾針 #鉤針 #毛冷 #編織材料包 #編織敎學 #鉤針編織

🧶 手作分享 | Hamanaka WooVee 段染吊帶背心外套仔之前介紹過嘅特價冷 Hamanaka WooVee，今次用 6/0 鉤咗件吊帶背心外套仔！小技巧：長針落針位喺兩支長針之間，紋路同平時唔一樣，睇落更立體有層次，用嚟做穿搭一...
11/10/2026

🧶 手作分享 | Hamanaka WooVee 段染吊帶背心外套仔

之前介紹過嘅特價冷 Hamanaka WooVee，今次用 6/0 鉤咗件吊帶背心外套仔！

小技巧：長針落針位喺兩支長針之間，紋路同平時唔一樣，睇落更立體有層次，用嚟做穿搭一流～

最緊要係冇乜難度，又係快手可完成嘅作品，新手都搞得掂！

相入面就係用 WooVee 段染色，灰啡漸變，襯咩都好睇。

📍 黎緊幾日開店時間
星期一：9am - 3pm
星期二：11am - 3pm
星期三：10am - 4pm
星期四：暫時未有預約安排
星期五、六：學界比賽及拯溺比賽，連休兩天
星期日：12pm - 6pm (可供預約)

想摸下實物線或睇色卡，記得睇啱時間過嚟啦～

#鉤織背心 #段染線 #快手作品 #鈎針 #屯門編織 #勾針 #鉤針 #毛冷 #編織材料包 #編織敎學 #鉤針編織

🧶 新貨預告 | Amity Cotton鉤袋同小物一流嘅 Amity Cotton！我用 6/0 鉤針，快手到不得了：兩三日起貨一兩日鉤好織片尋日用鉤針引拔拼合 (唔用縫針，更挺身)今日去維園睇比賽就順手完成埋相係周老闆操刀 📸原本材料包...
11/10/2026

🧶 新貨預告 | Amity Cotton

鉤袋同小物一流嘅 Amity Cotton！

我用 6/0 鉤針，快手到不得了：
兩三日起貨
一兩日鉤好織片
尋日用鉤針引拔拼合 (唔用縫針，更挺身)
今日去維園睇比賽就順手完成埋

相係周老闆操刀 📸

原本材料包係 3x3，兩邊共18格嘅大袋。
我今次純粹試針，改做 2x2，兩邊共8格嘅另類拼格小廢包，三日就完工！

桃紅 x 灰 x 黑 x 米白，配色夠晒出眾
原裝9x9材料包仲有現貨一套有興趣想試同款色？PM留定！

#鉤織 #手作 #小廢包 #三日完工

🧶 人氣商品：みんなのセーター multi4色糸が生み出すグラデーション，1球就鈎到成件漸變冷衫！規格：- 品番：1050UIV45074- 太さ：極太 / 300g = 1080m (一件衫一個就夠)- 成分：Acrylic 100% (...
10/10/2026

🧶 人氣商品：みんなのセーター multi

4色糸が生み出すグラデーション，1球就鈎到成件漸變冷衫！

規格：
- 品番：1050UIV45074
- 太さ：極太 / 300g = 1080m (一件衫一個就夠)
- 成分：Acrylic 100% (輕身唔拮肉，似羊毛手感)
- ⁠日本品牌土耳其製

賣點：
- 唔使自己配色，4隻色自動漸變，由淺到深好自然
- Label內附編織圖 + QR code有YouTube教學，初學者都安心
- 棒針、鉤針都得

顏色：
圖入面1-10號係舊色（3號已停產）11-15號係 *NEW今季新色*！
特別推介 8號 (就係第二張相個藍紅漸變)、11號藍、15號粉藍，都係靚到喊！

我自己就私留一個1號仔，因為啡杏系多時間著得

這款用來鉤最近推出果本由領落嘅冷衫都好合適架！

#鈎針 #屯門編織 #勾針 #鉤針 #毛冷 #編織材料包 #編織敎學 #鉤針編織

紫色 X 檸檬黃 間色圓底拉鍊袋 💜💛同學用 Hamanaka Coton 鈎嘅，呢隻棉線挺身得嚟又輕，鈎圖案特別立體，個底個朵花開得好靚！可惜通知大家，Coton呢個系列係季節限定，廠已經停產，賣晒就真係冇得再補喇... 😭不過唔使擔心！...
09/10/2026

紫色 X 檸檬黃 間色圓底拉鍊袋 💜💛

同學用 Hamanaka Coton 鈎嘅，呢隻棉線挺身得嚟又輕，鈎圖案特別立體，個底個朵花開得好靚！

可惜通知大家，Coton呢個系列係季節限定，廠已經停產，賣晒就真係冇得再補喇... 😭

不過唔使擔心！我已經訂咗新一代接班人返嚟：
👉 同樣係日本製，6/0-7/0號針啱用嘅挺身棉線
👉 成20隻色，到時玩撞色就啱晒！
👉 專為鈎袋而設

到貨立即通知大家，敬請期待！

#鈎織 #同學作品 #拉鍊袋 #毛冷店日常 #鈎針 #屯門編織 #勾針 #鉤針 #毛冷 #編織材料包 #編織敎學 #鉤針編織

🐱👒 貓奴必入！散步貓もんぶらん嘅時尚針織書到貨！成日鍾意同媽媽去散步嘅網紅貓貓 もんぶらん*登上封面喇！本書《お散歩大好き猫もんぶらんとかぎ針編みのおめかしニット》收錄咗 20款超可愛貓貓帽仔+頸圈全部都係SNS大熱款！🍓 士多啤梨帽+領...
08/10/2026

🐱👒 貓奴必入！散步貓もんぶらん嘅時尚針織書到貨！

成日鍾意同媽媽去散步嘅網紅貓貓 もんぶらん*登上封面喇！

本書《お散歩大好き猫もんぶらんとかぎ針編みのおめかしニット》收錄咗 20款超可愛貓貓帽仔+頸圈全部都係SNS大熱款！

🍓 士多啤梨帽+領
🍉 西瓜帽
🐝 蜜蜂帽
💙 藍色毛毛帽... 每頂戴上身都可愛到爆！

就算唔係俾貓貓戴（試問有幾多個主子會咁合作）自己勾嚟擺設、影相都超治癒～ 全部都有詳細鉤織圖解，新手都勾到！

📚 現貨書有售，想幫主子變身就快啲DM留書啦～
得少量咋，賣完又要等日本追加喇！

#もんぶらん #散步貓 #貓貓編織書 #貓帽 #かぎ針編み #現貨書有售

🌸 日本新書到貨！《かぎ針で編む 花束ブランケット》🌸想勾一束永不凋謝嘅花？就係呢本 Bouquet Blanket！立體小花一朵朵勾起，再拼成花束造型，可以變身做：✨ 披肩 / 頸巾✨ 小毯仔 / 抱枕✨ 手袋、杯墊等小物書入面有齊詳細圖...
08/10/2026

🌸 日本新書到貨！《かぎ針で編む 花束ブランケット》🌸

想勾一束永不凋謝嘅花？就係呢本 Bouquet Blanket！

立體小花一朵朵勾起，再拼成花束造型，可以變身做：
✨ 披肩 / 頸巾
✨ 小毯仔 / 抱枕
✨ 手袋、杯墊等小物

書入面有齊詳細圖解 + 配色提案，紫色優雅、粉色甜美、紅黃色就夠晒搶眼，好似我手上呢束咁！

📚 現貨書有售，數量有限
想睇實物可以過嚟店慢慢揭，鍾意就即刻帶走開工！

歡迎DM留書 / 查詢材料

#花束ブランケット #日本編織書 #鉤織 #現貨有售 #現貨有售即買即寄

Address

青海圍2號萬寶商場一樓141號舖
Tuen Mun
0000

Telephone

+85251942105

Website

Alerts

Be the first to know and let us send you an email when Wool Workshop 羊工房編織車縫手作教室 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category