30/05/2026
Judul: "Maminang Jo Tagiah Utang"
Palaku:
1. Sumi: Gadih kampuang, rancak tapi suko mangaluh 2. Yanto: Bujang sansai, modalnyo hanyo PD sajo 3. Pak Broto: Apaknyo Sumi, pilik bana, hobi maetong- etong pitih 4. Raden Mas Guntur: Urang kayo dari kota, tapi pilik jo angkuh
Babak 1: Di Rumah Pak Broto, Hari Panih
Pak Broto sadang maetong pitih ketek jo kalkulator buruak. Sumi bakipas-kipas jo tampah.
Pak Broto: Sum, siap-siaplah. Nanti sanjo Raden Mas Guntur ka datang ka siko. Jan dandan balabiahan yo, abih nanti badaik apak.
Sumi (manggerutu) : Pak, ambo cinto jo Yanto. Yanto tu setia, amuah manamani ambo ka sawah...
Pak Broto (takajuik): Ka sawah?! Yanto tu apo? Motor baru? Kalau Raden Mas Guntur mambaok mobil, Yanto mambaok apo? Garo?
Sumi: Mambaok hati nan tuluih, Pak!
Pak Broto: Hati tuluih ndak bisa untuak mambayia utang di kadai Mak Lastri!
Pintu tibo-tibo tabukak. Yanto masuak mambaok ayam jago.
Yanto: Tabiak, Pak! Kok ambo baok sasambahan... ayam Bangkok, jawaro RW 05! Mahal haragonyo, Pak!
Pak Broto (maliek ayam): Mangapo mambaok ayam? Kok ka maminang atau ka baadu ayam?
Yanto: Modal ambo cuma iko, Pak. Kalau dijua, bisa bali cincin... cincin plastik.
Sumi: To, angku mambuek ambo malu se...
Bel rumah babunyi. Raden Mas Guntur masuak bagaya urang kayo, tapi mangucua-kucua, jasnyo lah basah kuyup.
Raden Mas Guntur: Salam siang... Hah hah... AC nyo di ma? Ambo dari kota sajuak, di siko saraso di naraka bocor.
Pak Broto (basalaman sambi maetong cincin di jari Guntur): Oi, Raden... Salamaik datang. Duduaklah. Jan takajuik, rumah ambo AC nyo alami, Angin Cando.
Babak 2: Balago Kayo Gaya Sansai
Raden Mas Guntur mangaluakan kotak ketek.
Raden Mas Guntur: Sumi, iko kaluang ameh 24 karat. Haragonyo bisa untuak mambali sawah sakampuang. Ba a, angkau amuah jadi bini ambo? Nanti den bao ka mall, makan steak, foto-foto.
Yanto (panik, mangaluakan dompet): Eet, sabanta! Ambo juo punyo! Mampatunjuakkan struk Indomaret Iko struk, Pak! Bukti ambo malam tadi mambalikan es teh untuak Sumi. Iko bukti cinto, di rekam nagara!
Sumi: Yantooo... struk di pakai maminang...
Pak Broto (matonyo ijau maliek kaluang): Sudahlah, Sum, tarimo se Raden. Yanto, struk angkau tu bisa untuak maapuih jendela.
Raden Mas Guntur (sombong): Bia se, Pak. Sansai yo sansai, tapi jan mampasusah. Tibo-tibo paruiknyo babunyi krucuk-krucuk Aduah... paruik den... ruponyo dek makan sate kuciang di tapi jalan tadi...
Yanto (babisiak ka Sumi): Kasempatan, Sum! Iko tukanyo. Mangaluakan Promag dari saku Raden, iko ubek paruik. Haragonyo 2 ribu. Kalau Sumi amuah ka ambo, iko gratis.
Raden Mas Guntur (marabuik Promag): Kasiatttt!! Minum jo aia kobokan
Pak Broto (malongo): Ba a ko? Jadi nan manang Promag?
Yanto: Iyo, Pak. Urang kayo butuahnyo bukan kaluang, tapi ubek. Ambo nan tau apo butuahnyo Sumi... bisuak kalau sakik paruik, ambo siap manyadiokan tolak angin.
Sumi (tagalak-galak): Pak, daripado ambo iduik jo urang kayo tapi paruiknyo lamah, labiah rancak jo Yanto. Minimal kalau sansai, sansai basamo. Kalau kayo, kayo basamo.
Pak Broto (manggagau kapalo): Yo lah... Tapi Yanto, utang angkau ka apak 50 ribu malam tu bilo ka bayia?
Yanto: Lunas, Pak, kalau Apak ridho. Anggap se lah mas kawin.
Raden Mas Guntur: Ambo pamit... Lari sambi mamacik paruik Tobek mambali sate murah!
Pak Broto: Yo lah, den ridhoi. Tapi angkau musti bajanji, Nak. Jan sampai Sumi kalaparan. Kalau kalaparan, pulangkan ka siko, den agiah makan tempe.
Yanto & Sumi: Siaaappp Paakkk!
Sumi jo Yanto basalaman, Pak Broto maetong baliak struk Indomaret punyo Yanto. Layia ditutuik.
TAMAT
Pasan moral versi kocak: Kayo sansai indak jamin, nan penting kok sakik paruik ado nan mambalikan ubek 😂
