https://www.youtube.com/@Mizz_kittyy, https://www.youtube.com/@SindhuKM-q4z

Thrikkarthika, Nemom, Thiruvananthapuram (2026)

04/10/2026

നിങ്ങളുടെ വിലയേറിയ അഭിപ്രായം പറയണേ 🥰

04/10/2026

സമാധാനമായി നമുക്ക് ജീവിക്കാൻ എന്തൊക്കെ വേണം? ചിന്തിച്ചിട്ടുണ്ടോ?
അതിന് ഒരുപാട് പണമോ വലിയ വീടോ ഒന്നും വേണ്ട. ചെറിയ കാര്യങ്ങൾ ശ്രദ്ധിച്ചാൽ മതി.

അതിൽ ഒന്ന് എല്ലാം ആവശ്യത്തിന് മതി എന്ന് കരുതുകഎപ്പോഴും ഇതുകൂടി വേണം അതുകൂടി വേണം എന്ന് ചിന്തിച്ചാൽ മനസ്സിന് സമാധാനം കിട്ടില്ല. ഇന്ന് എന്റെ കയ്യിൽ എന്തുണ്ട് എന്ന് നോക്കുക. നമുക്ക് താമസിക്കാൻ ഒരിടം , കഴിക്കാൻ ഭക്ഷണം, കൂടെസ്നേഹം ഉള്ള ആളുകൾ. ഇതൊക്കെ തന്നെ വലിയ ഭാഗ്യമാണ്അല്ലേ?.

പിന്നെ മറ്റുള്ളവരുമായി നമ്മളെ താരതമ്യം ചെയ്യരുത്.അവർക്ക് എല്ലാമുണ്ട് , എനിക്ക് പക്ഷെ അതൊന്നും ഇല്ല എന്ന് ചിന്തിക്കരുത്. നമ്മൾ കാണുന്നത് അവരുടെ ജീവിതത്തിന്റെ ഒരു ചെറിയ ഭാഗം മാത്രമാണ്. ഫേസ്ബുക്കിൽ, വാട്സാപ്പ് സ്റ്റാറ്റസിൽ ഒക്കെ അവരുടെ സന്തോഷമുള്ള ചിത്രങ്ങൾ കാണുമ്പോൾ നമുക്കിത്‌ പറ്റുന്നില്ലല്ലോ എന്നോർത്തു വിഷമിക്കരുത് അതിൽ കാണുന്ന സന്തോഷം മാത്രമല്ല ജീവിതം എന്ന് മനസ്സിലാക്കണം.നമ്മുടെ ഇന്നലത്തെക്കാൾ ഇന്ന് അൽപ്പം കൂടി സന്തോഷിക്കാൻ പറ്റിയല്ലോ എന്ന് മാത്രം നോക്കിയാൽ മതി.അതായത് മറ്റുള്ളവരുടെ ജീവിതം നോക്കി നമ്മുടെ ജീവിതം വിലയിരുത്തരുത്.
എന്റെ അച്ഛൻ പറയുമായിരുന്നു നമുക്ക് മുകളിലുള്ളവരുടെ( സാമ്പത്തികമായി )ജീവിതം നോക്കി സമാധാനം കളയരുത്. നമ്മുടെ താഴേക്ക്‌ നോക്കി (സാമ്പത്തികമായി ) അവരെക്കാൾ മെച്ചപ്പെട്ട ജീവിതം ആണല്ലോ എനിക്കെന്നും സമാധാനിക്കുക
ദിവസത്തിന്റെ തുടക്കം ലളിതമാക്കുക
രാവിലെ തിടുക്കം കൂട്ടരുത്. എഴുന്നേറ്റ് അൽപ്പനേരം കണ്ണടച്ച് ഇരിക്കുക. ഈശ്വരനെ സ്മരിക്കുക എന്റെ ഇന്നത്തെ ദിവസം നന്നായിയിരിക്കണേ എന്ന് മനസ്സിൽ പ്രാർത്ഥിക്കുക. എന്റെ മാത്രമല്ല നമുക്ക് ചുറ്റുമുള്ളവരുടെയും.സ്വാർത്ഥത മനസ്സിൽ നിന്ന് തുടച്ചു മാറ്റുക.

ഒരുപാട് കാര്യങ്ങൾ ഒരുമിച്ച് ചെയ്യാൻ നോക്കരുത്. ഇന്ന് ചെയ്യേണ്ട കാര്യങ്ങൾ (പറ്റുന്നത് )ചെയ്തു തീർക്കുക . അത് തീർന്നാൽ മതി.അലസമായി ഇരിക്കരുത് അലസമായിരിക്കുന്ന മനസ് ചെകുത്താന്റെ കൂടാരം ആണെന്ന് പറയും
വീട്ടിലെ ആവശ്യമില്ലാത്ത സാധനങ്ങൾ എടുത്തു മാറ്റുക. വീട് വൃത്തിയാകുമ്പോൾ മനസ്സും വൃത്തിയാകും.

ലളിതമായ ഭക്ഷണം കഴിക്കുക. നാട്ടിലെ പച്ചക്കറി, വെള്ളം നന്നായി കുടിക്കുക.
ദിവസവും കുറച്ച് നടക്കുക. വ്യായാമം ചെയ്യുക നല്ല ഉറക്കം ഉറങ്ങുക. ശരീരത്തിന് ക്ഷീണം കുറഞ്ഞാൽ മനസ്സിനും സമാധാനമാകും.

എല്ലാവരെയും സന്തോഷിപ്പിക്കാൻ നടക്കരുത്. പറ്റില്ലാത്ത കാര്യത്തിന് പറ്റില്ല എന്ന് പറയുക.
ആരെയും കുറിച്ച് മോശം പറയരുത്. നല്ല വാക്ക് മാത്രം പറയുക. സ്നേഹത്തോടെ സംസാരിക്കാൻ,ചിരിക്കാൻ ശ്രമിക്കുക.പരാതികൾ പറയുന്നത് ഒഴിവാക്കാൻ ശ്രമിക്കുക. നമ്മുടെ കാര്യങ്ങൾ സ്വയം ചെയ്യാൻ ശ്രമിക്കുക.

ദിവസവും കുറച്ച് നേരം വെയിൽ കൊള്ളുക. ചെടികൾ നനയ്ക്കുക. അവയോട് മൗനമായി സംസാരിക്കുക കാരണം അവയ്ക്കും ജീവനുണ്ട് അവയെ തലോടുക മണ്ണിൽ തോട്ടുകുറച്ചു നേരം നടക്കുക . പക്ഷികളെ വീക്ഷിക്കുക . ഇതൊക്കെ മനസ്സിനെ തണുപ്പിക്കും, സമാധാനം ലഭിക്കും

കിടക്കും മുൻപ് ഇന്ന് നല്ലതായി നടന്നകാര്യങ്ങൾ ഓർക്കുക. ചെറിയ കാര്യമായാലും മതി. ഇന്നത്തെ ദിവസം കുഴപ്പങ്ങളില്ലാതെ കടന്നു പോയല്ലോ എന്ന് ഓർക്കുമ്പോൾ ഈശ്വരന് നന്ദി പറയാൻ തോന്നും. അപ്പോൾ സമാധാനം താനേ വരും.

ആരെങ്കിലും വേദനിപ്പിച്ചിട്ടുണ്ടെങ്കിൽ അത് മനസ്സിൽ വെച്ച് കൊണ്ടുനടക്കരുത്. വിട്ടുകളയുക. അത് അവർക്ക് വേണ്ടിയല്ല, നിങ്ങളുടെ സമാധാനത്തിന് വേണ്ടിയാണ്.

സമാധാനം എന്നാൽ ഒന്നും ചെയ്യാതെ ഇരിക്കുകയല്ല. ഉള്ളതിൽ സന്തോഷിച്ച്, മെല്ലെ, ആരോടും വിദ്വേഷം കാണിക്കാതെ സമാധാനത്തോടെ ജീവിക്കുക എന്നതാണ്. അത് നമ്മുടെ ആരോഗ്യം മെച്ചപ്പെടുത്തും.
ഒരു മനോഹരമായ ദിവസം നേരുന്നു ❤

03/10/2026

കുറച്ചു പേര് എന്നോട് പറഞ്ഞു "ഈ കഥ സീരീസ് ആയി ഇടാതെ എഴുതാൻ. ഞാൻ എഴുതുകയാണ് എല്ലാവരും വായിക്കുമല്ലോ ❤

മഴത്തുള്ളികൾക്കിടയിലെ വീട് ❤-3

ഓട്ടോ ചെറിയ റോഡുകളിലൂടെ പോയി. മഴ ചാറാൻ തുടങ്ങിയിട്ടുണ്ട്. റോഡിന്റെ രണ്ടു വശവും പച്ചപ്പാണ് തെങ്ങുകളും പ്ലാവുകളും തല ഉയർത്തി നിൽക്കുന്നു . ഇരുപത് വർഷം മുൻപ് ഈ വഴി സൈക്കിളിൽ പോയതാണ് രാഘവൻ.

ഗേറ്റിന്റെ മുന്നിൽ ഓട്ടോ നിർത്തിയപ്പോൾ രാഘവൻ ഒന്ന് നോക്കി നിന്നു. ഗേറ്റ് തുരുമ്പ് പിടിച്ച് ഒരു വശത്തേക്ക് ചരിഞ്ഞു കിടപ്പുണ്ട്. മുകളിലെ പേര് എഴുതിയ ബോർഡിന്റെ പെയിന്റ് പോയി. മുറ്റത്ത് പുല്ല് മുട്ടോളം വളർന്നു. മാവിൽ നിന്ന് ഇലകൾ വീണു കിടപ്പുണ്ട്.

വരാന്തയിൽ സുധാകരൻ ഇരിപ്പുണ്ടായിരുന്നു. മുടി മുഴുവൻ നരച്ചു. കണ്ണട താഴ്ത്തി വെച്ച് പത്രം വായിക്കുന്നു. കാല് അൽപ്പം വീർത്തിട്ടുണ്ട്. മുണ്ടും ബനിയനുംആണ് വേഷം.

ഓട്ടോയുടെ ശബ്ദം കേട്ട് അയാൾ തല ഉയർത്തി. രാഘവനെ കണ്ടതും എഴുന്നേറ്റില്ല. ഒരു നിമിഷം അങ്ങനെ നോക്കി നിന്നു.

മീനാക്ഷിയാണ് ആദ്യം വരാന്തയിലേക്ക് കയറിയത്. "ഏട്ടാ..."

"ആഹ്, വന്നോ? കയറി വാ" സുധാകരൻ പതിയെ എഴുന്നേറ്റു. ശബ്ദത്തിന് വലിയ മാറ്റമൊന്നുമില്ല. അതേ ഗാംഭീര്യം , പക്ഷെ കുറച്ച് ക്ഷീണംഉണ്ട് ശബ്ദത്തിന്.

അകത്ത് നിന്ന് ലളിതേച്ചി വന്നു. അവരും ഒരുപാട് മാറിയിട്ടുണ്ട്. "വാ മീനാക്ഷീ, വാ മക്കളെ. യാത്ര എങ്ങനെ ഉണ്ടായിരുന്നു?"

"കുഴപ്പമില്ലേച്ചി" മീനാക്ഷി ബാഗ് താഴെ വെച്ചു.

വീടിനകത്ത് കയറിയപ്പോൾ ഒരു നനവിന്റെ മണം. ജനലൊക്കെ അടച്ചിട്ടത് കൊണ്ടാണ്.രാഘവൻ ഹാളിൽ ഒന്ന് കണ്ണോടിച്ചു നോക്കി.ടീപ്പോയിൽ ബാങ്കിന്റെ നോട്ടീസും കുറച്ച് പേപ്പറുകളും ഇരിപ്പുണ്ട്. ഒരു പ്ലാസ്റ്റിക് കവറിൽ.

രാഘവൻ അതെടുത്തു നോക്കി. ഏഴു ലക്ഷം. പലിശ കൂടി. സുധാകരന്റെ മോൻ ഗൾഫിൽ പഠിക്കാൻ പോയപ്പോൾ എടുത്ത ലോണാണ് എന്ന് ലളിതേച്ചി പതിയെ പറഞ്ഞു.

"ആള് നാളെ വരും എന്ന് പറഞ്ഞിട്ടുണ്ട്, വീട് നോക്കാൻ" സുധാകരൻ പറഞ്ഞു.

രാഘവൻ ഒന്നും പറഞ്ഞില്ല. പേപ്പർ തിരിച്ചു വെച്ചു. അവൻ അകത്തെ മുറികളിലേക്ക് നോക്കി. എല്ലാം അതേപടി. അമ്മയുടെ പഴയ പാത്രങ്ങളൊക്കെ ഇപ്പോഴും അടുക്കളയിലെ അലമാരയിൽ പൊടിപിടിച്ചിരിക്കുന്നു .

"അച്ഛാ, ഈ മുറി ആരുടേതാ?" ദേവിക ഒരു ചെറിയ മുറി തുറന്ന് ചോദിച്ചു.

"എന്റേതായിരുന്നു" രാഘവൻ ചെന്നു. അകത്ത് ഒരു മരത്തിന്റെ അലമാര, അതിൽ കുറച്ച് പഴയ പുസ്തകങ്ങൾ, ഒരു ക്രിക്കറ്റ് ബാറ്റ്. ഹാൻഡിൽ പൊട്ടിയ ബാറ്റ്. ഇരുപത് വർഷം മുൻപ് ദേഷ്യപ്പെട്ട് ഇറങ്ങി പോയപ്പോൾ ഉപേക്ഷിച്ചു പോയതാണ്.

സുധാകരൻ വാതിൽക്കൽ വന്ന് നിന്ന് അതു നോക്കി. "നീ പോയപ്പോൾ ഞാൻ എടുത്ത് വെച്ചതാ. കളയാൻ തോന്നിയില്ല."

ഉച്ചയ്ക്ക് മീനാക്ഷിയും ലളിതേച്ചിയും കൂടി ചോറ് വെച്ചു. മീൻ കറിയും മോരും, ഒരു തോരനും ഉണ്ടാക്കി . അനഘയും കൂടി സഹായിച്ചു. വലിയ സംസാരമൊന്നുമില്ലായിരുന്നു പരസ്പരം , പക്ഷെ അടുക്കളയിൽപാത്രങ്ങൾ കൂട്ടിമുട്ടുന്ന ശബ്ദം ഉണ്ടായിരുന്നു.

വൈകീട്ട് മഴ ശക്തമായി. കറന്റ് പോയി. ലളിതേച്ചി അടുക്കളയിൽ പോയി മെഴുകുതിരി എടുത്തുകൊണ്ടുവന്ന കത്തിച്ചുവച്ചു എല്ലാവരും വരാന്തയിൽ ഇരുന്നു. ലളിതേച്ചി ഒരു ഫോട്ടോ ആൽബം കൊണ്ടു വന്നു. അതിൽ രാഘവനും സുധാകരനും ചെറുപ്പത്തിൽ മാവിൻ ചുവട്ടിൽ നിൽക്കുന്ന ഫോട്ടോ.

രാഘവൻ ചിന്തയിലായിരുന്നു അൽപ്പനേരത്തിനു ശേഷം രാഘവൻ പറഞ്ഞു, "ഏട്ടാ, ഈ വീട് വിൽക്കണ്ട."

സുധാകരൻ പെട്ടെന്ന് രാഘവന്റെ മുഖത്തേക്ക്നോക്കി. "വിൽക്കാതെ എങ്ങനാ?" അയാളിൽ ഒരു ചോദ്യഭാവമുണ്ടായിരുന്നു

"ഞാൻ നോക്കാം. എന്റെ കയ്യിൽ കുറച്ച് കാശ് ഉണ്ട്. നാളെ നമുക്ക് രണ്ടു പേർക്കും കൂടി ബാങ്കിൽ പോയി സംസാരിക്കാം."

രാത്രി എല്ലാവരും തറയിൽ പായ വിരിച്ച് കിടന്നു. പുറത്ത് മഴത്തുള്ളികൾ ഓടിൽ വീഴുന്ന ശബ്ദം കേൾക്കാം. ഇരുപത് വർഷത്തെ അനുഭവങ്ങളുടെ ഭാരം ഒന്നും അപ്പോൾ രാഘവന് തോന്നിയില്ല.

മഴത്തുള്ളികൾക്കിടയിൽ ആ വീട് അങ്ങനെ തന്നെ നിന്നു.

തുടരും

03/10/2026

🇮🇳🇮🇳
ദുബായിൽ നിന്ന് ടെൽ അവീവിലേക്ക് പോയ Flydubai ഫ്ലൈറ്റ് FZ1073, 34,000 അടി ഉയരത്തിൽ പറക്കുകയായിരുന്നു. വിമാനത്തിൽ 174 പേരുണ്ടായിരുന്നു.

വിമാനത്തിന്റെ പൈലറ്റ് ഇന്ത്യക്കാരനായ ക്യാപ്റ്റൻ സ്മിത് മച്ചാർ ആണ് സഹപൈലറ്റിൽ നിന്ന് ആക്രമണം നേരിട്ടത്. ഒമാൻ സ്വദേശിയായ സഹപൈലറ്റ് ക്യാപ്റ്റനെ കത്തികൊണ്ട് ആക്രമിക്കുകയായിരുന്നു എന്നാണ് പ്രാഥമിക റിപ്പോർട്ട്. ചില റിപ്പോർട്ടുകളിൽ കോക്ക്പിറ്റിൽ സൂക്ഷിച്ചിരുന്ന എമർജൻസി ക്രാഷ് ആക്സ് ഉപയോഗിച്ചാണ് ആക്രമണം നടത്തിയതെന്നാണ് പറയുന്നത്.

ആക്രമണത്തിൽ വൻ ദുരന്തം ഒഴിവാക്കിയത് ഇന്ത്യൻ പൗരനായ ക്യാപ്റ്റൻ സ്മിത് മച്ചാർ ആണ്. ആക്രമണത്തെ തുടർന്ന് വിമാനം ഏകദേശം 17,000 അടി താഴേക്ക് കുത്തനെ പതിച്ചു. ഇസ്രായേൽ അധികൃതർ ആദ്യം ഹൈജാക്കിങ് ആണെന്ന് ഭയന്ന് ഫൈറ്റർ ജെറ്റുകൾ വരെ പറത്തി. ഉള്ളിലെ യാത്രക്കാരിൽ ഒരാൾ "He tried to crash the plane" എന്ന് നിലവിളിക്കുന്നതിന്റെ വീഡിയോ പിന്നീട് പുറത്ത് വന്നു കത്തിക്കുത്തിൽ പിടഞ്ഞുവീണപ്പോഴും കോക്ക്പിറ്റ് വാതിൽ തുറക്കാൻ സ്മിത്ത് മച്ചാറിന് കഴിഞ്ഞതോടെ ആണ് വൻ ദുരന്തം ഒഴിവായത്.

അദ്ദേഹം തന്നെ പിന്നീട് പ്രധാനമന്ത്രി നരേന്ദ്ര മോദിയോട് വീഡിയോ കോളിൽ പറഞ്ഞത് ഇങ്ങനെയാണ് - തറയിൽ കിടന്ന് രക്തം വാർന്നൊലിക്കുമ്പോഴും അക്രമം തുടരുന്ന സഹപൈലറ്റിനിടയിൽ നിന്ന് അദ്ദേഹം കോക്ക്പിറ്റ് വാതിൽ തുറന്നു. സ്വയം "one last push, Smit!" എന്ന് പറഞ്ഞ് അവസാന ശക്തിയെടുത്താണ് അദ്ദേഹം വാതിൽ തുറന്നതെന്നാണ് റിപ്പോർട്ട്.

വാതിൽ തുറന്നതോടെ ക്രൂവും യാത്രക്കാരും അകത്തേക്ക് ഓടിയെത്തി. ഒമാൻ സ്വദേശിയായ സഹപൈലറ്റിനെ കൈകൾ പിന്നിൽ കെട്ടി കീഴ്പ്പെടുത്തിയ ദൃശ്യം പുറത്ത് വന്ന വീഡിയോയിൽ കാണാം, ചോരയിൽ കുളിച്ച് കിടക്കുന്ന ക്യാപ്റ്റനെയും.

അദ്ദേഹം ആശുപത്രി കിടക്കയിൽ നിന്ന് പറഞ്ഞ ഒരു വാചകം എല്ലാവരുടെയും കണ്ണ് നനയിച്ചു - “I Was Not Going to Let Others Die”.

വിമാനം അടിയന്തരമായി സൗദി അറേബ്യയിലെ താബൂക്കിൽ ഇറക്കി. പരിക്കേറ്റ ക്യാപ്റ്റനെ താബൂക്കിലെ ആശുപത്രിയിൽ എത്തിച്ചു. പിന്നീട് തുടർ ചികിത്സയ്ക്കായി അബുദാബിയിലേക്ക് എയർലിഫ്റ്റ് ചെയ്തു. ഇപ്പോൾ 'In Good Health And Recovering Well' എന്നാണ് ഇന്ത്യൻ എംബസി അറിയിച്ചിരിക്കുന്നത്.

മുംബൈ സ്വദേശിയായ ഇന്ത്യക്കാരൻ, സ്വന്തം ജീവൻ പണയം വെച്ച് 174 ജീവനുകൾ രക്ഷിച്ചതോടെ ലോകത്തിന്റെ ഹീറോയായി. ഇസ്രായേൽ അംബാസഡർ "മഹാനായ ഹീറോ" എന്ന് വിളിച്ചു, പ്രധാനമന്ത്രി നേരിട്ട് വിളിച്ച് അഭിനന്ദിച്ചു. ധീരനായ നമ്മുടെ ക്യാപ്റ്റന് അഭിനന്ദനങ്ങൾ 🥰🥰അദ്ദേഹം വേഗം സുഖം പ്രാപിക്കട്ടെ 🙏🥰🥰🥰🇮🇳🇮🇳🇮🇳🇮🇳🇮🇳🇮🇳
#ക്യാപ്റ്റൻസ്മിത്ത് #യഥാർത്ഥഹീറോ
ശുഭദിനം ആശംസിക്കുന്നു 🥰

02/10/2026

ഇന്ന് ഒക്ടോബർ രണ്ട്, ഗാന്ധിജയന്തി.

വലിയ ആഘോഷങ്ങളോ വെടിക്കെട്ടോ ഇല്ലാത്ത ഒരു ജയന്തി. പക്ഷെ ഓരോ ഗാന്ധിജയന്തിയും നമ്മോട് ചോദിക്കുന്ന ഒരു ചോദ്യമുണ്ട് -അദ്ദേഹത്തിന്റെ ജീവിതത്തിൽ പാലിച്ചു പോന്ന സത്യസന്ധതക്ക് ഇന്ന് നമ്മുടെ സമൂഹത്തിൽ എന്താണ് വില.

എന്റെ കോളേജ് കാലത്താണ് ഞാൻ ആദ്യമായി 'എന്റെ സത്യാന്വേഷണ പരീക്ഷണങ്ങൾ വായിച്ചത്
ഇതൊരു autobiography അല്ല, ഒരു full honest confession ആണ്. അതാണ് ഇതിന്റെ beauty ഒരു മഹാത്മാവിന്റെ ജീവചരിത്രമെന്ന നിലയിലല്ല, ഒരു മനുഷ്യന്റെ തുറന്നുപറച്ചിലുകളുടെ പുസ്തകമെന്ന നിലയിലാണ് ആ പുസ്തകം നമ്മിലേക്ക്‌ ആകർഷിക്കപ്പെടുന്നത്.അതിൽ വിജയങ്ങളുടെ ഘോഷയാത്രയില്ല. തോൽവികളും, നാണക്കേടുകളും, ചെയ്തുപോയ തെറ്റുകളും അതേപടി എഴുതിവെച്ചിരിക്കുന്നു.

ആ പുസ്തകം വായിക്കുമ്പോൾ ഗാന്ധിജി ഒരു അത്ഭുതമായിരുന്നു , ബാല്യത്തിൽ സ്വർണം മോഷ്ടിച്ച കഥ, മാംസം കഴിച്ചിട്ട് ഉറക്കം വരാതെ കരഞ്ഞ രാത്രി, ദക്ഷിണാഫ്രിക്കയിൽ first class-ൽ നിന്ന് പുറത്തേക്ക് തള്ളിയിട്ടപ്പോൾ തോന്നിയ അപമാനം - ഇതൊന്നും അദ്ദേഹം മായ്ചുകളഞ്ഞില്ല. എല്ലാം എഴുതിവെച്ചു.

എനിക്ക് ഏറ്റവും പ്രിയപ്പെട്ട ഭാഗം അദ്ദേഹം സത്യത്തെ ദൈവമായി കാണുന്നതാണ്. പലരും ദൈവം സത്യമാണ് എന്ന് പറയുമ്പോൾ, ഗാന്ധിജി പറയുന്നു - സത്യമാണ്‌ ദൈവം സത്യം പറയുക എന്നത് വെറും വാക്കുകളുടെ കാര്യമല്ല, ജീവിതം കൊണ്ട് സത്യം ചെയ്യുക എന്നതാണ്. ചെറിയ കാര്യങ്ങളിൽ പോലും വിട്ടുവീഴ്ച ചെയ്യാതിരിക്കുക. വീട്ടിൽ, ജോലിയിൽ, കുട്ടികളോട് സംസാരിക്കുമ്പോൾ പോലും.

അഹിംസയെ കുറിച്ചുള്ള അദ്ദേഹത്തിന്റെ കാഴ്ചപ്പാടും എന്നെ അത്ഭുതപ്പെടുത്തി. അഹിംസ എന്നാൽ അടി കൊണ്ടിട്ട് അനങ്ങാതെ നിൽക്കുക എന്നല്ല. അത് അതിശക്തമായ സ്നേഹമാണ്. ശത്രുവിനെ പോലും വേദനിപ്പിക്കാതെ, പക്ഷെ തെറ്റിനോട് ഒരിക്കലും സന്ധി ചെയ്യാതെ നിൽക്കാനുള്ള ധൈര്യം. ഇന്ന് നമ്മൾ സോഷ്യൽ മീഡിയയിൽ പരസ്പരം വെറുപ്പ് പറയുന്ന കാലത്ത്, ആരെയും വെറുക്കാതെ ആശയങ്ങളോട് പോരാടാൻ ഗാന്ധിജി പഠിപ്പിച്ച ആ പാഠത്തിന് എത്ര വിലയുണ്ട്.

ലളിത ജീവിതം, ബ്രഹ്മചര്യം, അപരിഗ്രഹം - ഇതൊക്കെ പുസ്തകത്തിൽ വായിക്കുമ്പോൾ പഴഞ്ചൻ ആശയങ്ങളായി തോന്നാം. പക്ഷെ എന്റെ കാഴ്ചപ്പാടിൽ അത് ഇന്നത്തെ കാലത്തിന് ഏറ്റവും ആവശ്യമുള്ളതാണ്. ആവശ്യമില്ലാത്തത് വാങ്ങിക്കൂട്ടാതിരിക്കുക, ശരീരത്തെയും മനസ്സിനെയും ശുദ്ധമായി സൂക്ഷിക്കുക, എല്ലാവരുടെയും അധ്വാനത്തെ ബഹുമാനിക്കുക - ഇതാണ് യഥാർത്ഥ സ്വാശ്രയത്വം.

ഗാന്ധിജി തന്റെ പരീക്ഷണങ്ങളെ 'പരീക്ഷണങ്ങൾ' എന്നാണ് വിളിച്ചത്, 'വിജയങ്ങൾ' എന്നല്ല. അതാണ് ഈ പുസ്തകത്തിന്റെ സൗന്ദര്യം. എന്റെ ജീവിതവും ഒരു പരീക്ഷണശാലയാണെന്ന് അദ്ദേഹം നമ്മെ ഓർമ്മിപ്പിക്കുന്നു. നമുക്ക് തെറ്റു പറ്റാം,അത് സ്വയം തിരുത്താം,അവിടെയാണ് വിജയം.

അദ്ദേഹത്തിന്റെ കാലടികൾ ഇന്നും ഈ മണ്ണിലുണ്ട്, നമ്മളെ വഴികാട്ടാൻ.

പുസ്തകത്തിൽ നിന്ന് ഇന്നും മനസ്സിൽ തങ്ങി നിൽക്കുന്ന ചില വാക്കുകൾ ഉണ്ട് -

"സത്യമാണ് ദൈവം"
നമ്മൾ എപ്പോഴും പറയും ദൈവം സത്യമാണ് എന്ന്. പക്ഷെ ഗാന്ധിജി അതിനെ തിരുത്തി. സത്യമാണ് ദൈവം. Truth is God. നീ സത്യത്തിൽ നിൽക്കുന്ന ഓരോ നിമിഷവും നീ ദൈവത്തോടൊപ്പമാണ്.

"എന്റെ ജീവിതം തന്നെയാണ് എന്റെ സന്ദേശം"
My life is my message. വലിയ പ്രസംഗം വേണ്ട, ഉപദേശം വേണ്ട. നീ എങ്ങനെ ജീവിക്കുന്നു എന്നതാണ് നിന്റെ message.

3. "കണ്ണിന് പകരം കണ്ണ് എന്ന തത്വം ലോകത്തെ മുഴുവൻ അന്ധമാക്കും"
An eye for an eye will make the whole world blind. ഇന്ന് comment box-ൽ ആരെങ്കിലും എന്തെങ്കിലും പറഞ്ഞാൽ തിരിച്ചു കൊടുക്കാൻ നമ്മൾ റെഡിയാണ്. അദ്ദേഹം പറയുന്നു, അത് വേണ്ട.

"ക്ഷമിക്കാൻ കഴിയാത്തവൻ ദുർബലനാണ്, ക്ഷമ ശക്തന്റെ ആയുധമാണ്"
The weak can never forgive. Forgiveness is the attribute of the strong. അഹിംസ എന്നാൽ പേടിയല്ല, അതാണ് ഏറ്റവും വലിയ ധൈര്യം.

"സത്യത്തിൽ മുറുകെ പിടിക്കുക."
അദ്ദേഹം പുസ്തകത്തിൽ പറയുന്നുണ്ട്, ഞാൻ ചെയ്ത തെറ്റുകൾ മറച്ചുവെക്കാൻ ഞാൻ ശ്രമിച്ചിട്ടില്ല, കാരണം ഒരു തെറ്റ് മറച്ചുവെക്കുന്നത് രണ്ടാമത്തെ തെറ്റാണ്.

എനിക്ക് തോന്നുന്നത്, ഇന്ന് നമുക്ക് ഗാന്ധിജിയെ ഏറ്റവും ആവശ്യമുള്ളത് അദ്ദേഹത്തിന്റെ മൂന്ന് simple കാര്യങ്ങളാണ്.

ആവശ്യമില്ലാത്തത് വാങ്ങിക്കൂട്ടാതിരിക്കുക.
സ്വന്തം കാര്യങ്ങൾ സ്വയം ചെയ്യുക.
എല്ലാവരും നന്നായിരിക്കണം, ഞാൻ മാത്രമല്ല.

പുസ്തകത്തിന്റെ തുടക്കത്തിൽ തന്നെ അദ്ദേഹം പറയുന്ന ഒരു വാചകമുണ്ട്, "എന്റെ പരീക്ഷണങ്ങളെ ഞാൻ വിജയങ്ങൾ എന്ന് വിളിക്കുന്നില്ല, പരീക്ഷണങ്ങൾ എന്ന് മാത്രം."

അതാണ് life. നമ്മുടെ ജീവിതവും ഒരു പരീക്ഷണമാണ്. നമുക്ക് തെറ്റു പറ്റാം,അത് സ്വയം തിരുത്താം,അവിടെയാണ് വിജയം.
അങ്ങിനെയാണ് ഗാന്ധിജി നമ്മിൽ ജീവിക്കുന്നത്.. ഒരു മഹാത്മാവിന്റെ ജീവചരിത്രമെന്ന നിലയിലല്ല, ഒരു മനുഷ്യന്റെ തുറന്നുപറച്ചിലുകളുടെ പുസ്തകമെന്ന നിലയിലാണ് ആ പുസ്തകം നമ്മൾ വായിക്കേണ്ടത് . അതിൽ വിജയങ്ങളുടെ ഘോഷയാത്രയില്ല. തോൽവികളും, നാണക്കേടുകളും, ചെയ്തുപോയ തെറ്റുകളും അതേപടി എഴുതിവെച്ചിരിക്കുന്നു.

അതുകൊണ്ട് ഈ ഗാന്ധിജയന്തിക്ക് നമുക്ക് വലിയ വലിയ പ്രതിജ്ഞകൾ ഒന്നും വേണ്ട.

പരമാവധി സത്യം പറയുക,ദേഷ്യപ്പെടാതിരിക്കുക, മനസ്സറിഞ്ഞു ക്ഷമിക്കുക.

അതുമതി, അങ്ങനെയാണ് ഗാന്ധിജി നമ്മിൽ ജീവിക്കുന്നത്.
എല്ലാവർക്കും സ്‌നേഹം നിറഞ്ഞ ഗാന്ധിജയന്തി ആശംസകൾ നേരുന്നു ❤❤❤❤

01/10/2026

പൊതിച്ചോറ് കഴിക്കാനാരാഗ്രഹം പിന്നെ വേറൊന്നും നോക്കിയില്ല അപ്പോൾ തന്നെ പൊതികെട്ടിവച്ചു ഉച്ചക്കെടുത്തു കഴിച്ചു. ആഗ്രഹം തോന്നിയാൽ അപ്പോൾ തന്നെ നടത്തണം പറ്റുന്നതാണേൽ അങ്ങനെയല്ലേ കൂട്ടുകാരേ ❤
നിങ്ങൾക്ക് പൊതിച്ചോർ ഇഷ്ടമാണോ? എങ്കിൽ comment ഇടണേ 🥰

01/10/2026

ആദ്യം എഴുതേണ്ട എന്ന് വിചാരിച്ചതാണ് ഈ വിഷയത്തെപ്പറ്റി, പക്ഷേ മനസ്സ് സമ്മതിച്ചില്ല എന്റെ ഹൃദയത്തിൽ തൊട്ടാണ് ഞാൻ ഇത് എഴുതുന്നത്😔

ഇന്നലെ വൈകുന്നേരം ടെലിവിഷൻ ഓൺ ചെയ്തപ്പോൾ കണ്ട കാഴ്ച കണ്ട് ശരിക്കും മനസ്സ് തകർന്നു പോയി. നമ്മുടെ സ്വന്തം തലസ്ഥാനത്ത് എന്താണ് സംഭവിക്കുന്നത്? നമ്മുടെ മക്കൾക്ക്, നമ്മുടെ കുട്ടികൾക്ക് എന്താണ് പറ്റിയത്?

ഒരു സമരത്തിന്റെ നടുവിൽ ഒരു ഭാഗത്ത് നിന്ന് ആളിക്കത്തുന്ന പന്തങ്ങൾ എറിയുന്നു, മറുഭാഗത്ത് നിന്ന് ബിയർ കുപ്പികൾ ചീറിപ്പാഞ്ഞു വരുന്നു. വിദ്യയുടെ ക്ഷേത്രമായിരിക്കേണ്ട ഒരു കോളേജ് ഹോസ്റ്റലിന്റെ മുറ്റത്ത് ഇത്രയധികം ബിയർ കുപ്പികൾ എങ്ങനെ വന്നു? ഇത് കണ്ട് ഏതൊരു അച്ഛന്റെയും അമ്മയുടെയും ഉള്ള് പിടയും. നമ്മൾ വിയർപ്പൊഴുക്കി ഉണ്ടാക്കുന്ന ഓരോ രൂപയും സ്വരൂപിച്ച്, വലിയ പ്രതീക്ഷയോടെ മക്കളെ പഠിക്കാൻ വിടുന്നത് ഇതിനാണോ?

ഓർക്കണം, നാളെ നിങ്ങൾക്ക് ഒരു ഭാവി വേണം. കേസും കൂട്ടവും ജയിലും ആയിട്ട് ആ ഭാവി തീരണോ? ഇന്നലെ തലയടിച്ചു പൊട്ടി ചോരയൊലിച്ച് എത്രയോ കുട്ടികളാണ് ആശുപത്രി കിടക്കകളിൽ കിടന്നത്. ആ കാഴ്ച കണ്ടപ്പോൾ അവരുടെ അമ്മമാരുടെ മനസ്സ് എങ്ങനെ പിടഞ്ഞിട്ടുണ്ടാകും? വേദന കൊണ്ട് പുളയുന്ന മകനെ നോക്കി നിൽക്കുന്ന ആ അച്ഛന്റെ നിസ്സഹായത ആര് കാണും? ഘോരഘോരം പ്രസംഗിക്കാൻ നേതാക്കന്മാർക്ക് ഓരോ വിഷയം കിട്ടിയാൽ മതി, പക്ഷെ അടികൊണ്ട് വീഴുന്നതും, പോലീസ് കേസിൽ പെടുന്നതും, ജീവിതം വഴിമുട്ടി നിൽക്കുന്നതും ആ പാവം കുട്ടികളും അവരുടെ മാതാപിതാക്കളുമാണ്.

ഈ കുട്ടികളുടെ പേരിൽ ജാമ്യമില്ലാ വകുപ്പ് പ്രകാരമാണ് കേസെടുത്തിരിക്കുന്നത് എന്ന് കേൾക്കുന്നു. ഇനി എന്താണ് അവസ്ഥ? ബാക്കിയുള്ള കാലം കോടതിയും പോലീസ് സ്റ്റേഷനും കയറിയിറങ്ങി ജീവിക്കണം. ഒരിക്കൽ ക്രിമിനൽ റെക്കോർഡിൽ പേര് വീണാൽ പിന്നെ ഒരു ജോലിക്ക് പോകുമ്പോൾ, ഒരു വിസയ്ക്ക് ശ്രമിക്കുമ്പോൾ, ഒരു പാസ്പോർട്ടിന് പോകുമ്പോൾ പോലും ആ കറുത്ത അടയാളം നിങ്ങളെ പിന്തുടരും. നിങ്ങൾ സ്വപ്നം കണ്ട ആ നല്ല ഭാവി അവിടെ തീരും.

ഏറ്റവും വലിയ സത്യം എന്താണെന്നറിയുമോ? ഈ പാർട്ടികളുടെ വലിയ നേതാക്കന്മാരുടെ മക്കളൊന്നും ഈ നാട്ടിൽ ഇങ്ങനെ തെരുവിൽ പന്തമെറിഞ്ഞ് നടക്കുന്നില്ല. അവരൊക്കെ വിദേശത്തെ വലിയ യൂണിവേഴ്സിറ്റികളിൽ സുരക്ഷിതരായി പഠിച്ച് അവരുടെ ഭാവി കരുപ്പിടിപ്പിക്കുകയാണ്. അടിയും പിടിയും കൊണ്ട് ജീവിതം നശിപ്പിക്കുന്നത് നമ്മുടെ നാട്ടിലെ സാധാരണക്കാരന്റെയും പാവപ്പെട്ടവന്റെയും മക്കളാണ്. ബിയർ കുപ്പി എറിഞ്ഞും പന്തം എറിഞ്ഞും നിങ്ങൾ നശിപ്പിക്കുന്നത് നിങ്ങളുടെ തന്നെ ഭാവിയാണ്, നിങ്ങളുടെ അച്ഛനമ്മമാരുടെ സ്വപ്നങ്ങളാണ്.

ഈ കളിയുടെ അവസാനം എന്താണെന്നറിയാമോ? അടികൊള്ളാതെ ബുദ്ധിപൂർവ്വം മാറി നിന്നവൻ നാളെ പ്രസംഗിക്കാൻ അറിയാവുന്നത് കൊണ്ട് നേതാവാകും. അടിയും പിടിയും ആയി മുന്നിൽ നിന്നവൻ? അവന് നന്നായി സംസാരിക്കാൻ അറിയില്ല, അവൻ എന്നും അടികൊണ്ട് തെരുവിൽ തന്നെ നിൽക്കും. അവനെ ആരും തിരിഞ്ഞു നോക്കില്ല.

മക്കളെ, നിങ്ങൾ എപ്പോഴെങ്കിലും ആലോചിച്ചിട്ടുണ്ടോ, എന്തെല്ലാം പ്രതീക്ഷകളോടെയാണ് നിങ്ങളുടെ അച്ഛനും അമ്മയും നിങ്ങളെ കോളേജിലേക്ക് പറഞ്ഞയക്കുന്നത്? അവരുടെ കണ്ണിൽ നിങ്ങൾ ഒരു ഡോക്ടറാണ്, എഞ്ചിനീയറാണ്, അദ്ധ്യാപകനാണ്, നാടിനെ നയിക്കുന്ന നല്ല പൗരനാണ്. ആ മുഖം ഒന്ന് മനസ്സിൽ ഓർത്താൽ നിങ്ങൾക്ക് ഇങ്ങനെ ഒരു കുപ്പി മറ്റൊരു സഹോദരന്റെ നേർക്ക് എറിയാൻ തോന്നുമോ?

ദയവുചെയ്ത് മനസ്സിലാക്കൂ... നിങ്ങളുടെ ഭാവിക്ക് വേണ്ടി ഈ സർക്കാരോ, ഈ രാഷ്ട്രീയ പാർട്ടികളോ ഒന്നും ചെയ്തു തരാൻ പോകുന്നില്ല. നിങ്ങളുടെ ജീവിതം നിങ്ങൾ തന്നെ കെട്ടിപ്പടുക്കണം. അതിനുള്ള സമയമാണിത്. സമര കോലാഹലങ്ങൾ നടത്തി പാർട്ടി വളർത്തുകയല്ല നിങ്ങളുടെ ലക്ഷ്യം ആവേണ്ടത്. നിങ്ങൾ ചിറക് വിരിച്ച് നിങ്ങളുടെ സ്വപ്നങ്ങളിലേക്ക് പറന്നുയരേണ്ട സമയമാണിത്.

എന്തിന് അഴിമതിയും കെടുകാര്യസ്ഥതയും നിറഞ്ഞ, നിങ്ങളെ വെറും ആയുധങ്ങളായി കാണുന്ന പാർട്ടികൾക്ക് വേണ്ടി നിങ്ങളുടെ വിലപ്പെട്ട ജീവിതം തുലയ്ക്കുന്നു? നിങ്ങൾക്ക് രാഷ്ട്ര നിർമ്മാണത്തിൽ പങ്കാളികളാകണമെങ്കിൽ അതിന് ഒരു വഴിയേയുള്ളൂ - നന്നായി പഠിക്കുക, ഒരു തൊഴിൽ നേടുക, നിങ്ങളുടെ കുടുംബത്തിനും ഈ രാജ്യത്തിനും മുതൽക്കൂട്ടാകുക.

ലഹരി പദാർത്ഥങ്ങൾ ഉപയോഗിച്ച് ഈ നാടിനെ കുട്ടിച്ചോറാക്കരുത്. പഠിക്കാൻ ആഗ്രഹിച്ച് വരുന്ന നിങ്ങളുടെ തന്നെ സഹപാഠികളുടെ പഠനം മുടക്കി നിങ്ങൾ ആളാകേണ്ടതില്ല. എന്തിന് നിങ്ങൾ നിങ്ങളുടെ കൂടപ്പിറപ്പുകളുടെ നേർക്ക് തന്നെ ആയുധം ഉയർത്തുന്നു?

ഈ സമയത്ത് രാഷ്ട്രീയവും, അതിനേക്കാൾ അപകടകരമായി ചില മാധ്യമ സ്ഥാപനങ്ങളും എരിതീയിൽ എണ്ണ ഒഴിക്കുകയാണ്. ആടുകളെ തമ്മിൽ തല്ലിച്ച്, അവയുടെ ചോര കുടിക്കാൻ കാത്തിരിക്കുന്ന കുറുക്കന്മാരെ പോലെയാണ് അവരിൽ പലരും പെരുമാറുന്നത്. ആ കെണിയിൽ വീഴരുത്.

കുട്ടികളെ, നിങ്ങൾ ഉണരൂ. നിങ്ങൾ ഈ നാടിന്റെ മുതൽക്കൂട്ടാവൂ ❤

30/09/2026

മോളുടെ സ്കൂളിലേക്കൊരു യാത്ര 🥰🥰🥰

30/09/2026

കാട്ടിൽ നിന്ന് വീട്ടുമുറ്റത്തേക്ക് വന്ന ഒരു സുന്ദരിയുടെ കഥയാണ് പേരയ്ക്കയുടേത്, ഇത്തവണ അവളുടെ സുന്ദരമായ യാത്രയുടെ കഥയാണ് ഞാൻ പറയുന്നത്

ദക്ഷിണ മെക്സിക്കോയിലെ മഞ്ഞുവീണ കാടുകളിലാണ് അവൾ ജനിച്ചത്. അരവാക് ഗോത്രക്കാർ അവളെ 'ഗ്വയാബ' - അതായത് സുഗന്ധമുള്ളവൾ എന്ന് വിളിച്ചു. പക്ഷികളുടെയും വവ്വാലുകളുടെയും ഭക്ഷണമായി അവൾ കാട് മുഴുവൻ യാത്ര ചെയ്തു. പിന്നീട് മായൻമാരുടെ മടിയിൽ അവൾ വളർത്തുപഴമായി.

പതിനാറാം നൂറ്റാണ്ടിൽ പോർച്ചുഗീസ് കപ്പലുകളുടെ ഉപ്പുകാറ്റേറ്റ് അവൾ കടൽ കടന്നു. അവർക്ക് അവൾ വെറും പഴമായിരുന്നില്ല, കടലിൽ മാസങ്ങളോളം ജീവൻ നിലനിർത്തുന്ന മരുന്ന് പെട്ടിയായിരുന്നു. അങ്ങനെ ഗോവയുടെ മണ്ണിൽ ഇറങ്ങി, 'ഗോയാബ'യിൽ നിന്ന് 'അമ്രൂദ്' ആയി, 'പെര'യായി, ഒടുവിൽ നമ്മുടെ നാട്ടിൽ 'പേരയ്ക്ക' ആയി. യാതൊരു ജാടയും ഇല്ലാതെ ആരും നടാതെ തന്നെ തോടിന്റെ കരയിലും, സ്കൂൾ മതിലിനോട് ചേർന്നും അവൾ നിന്നു. വെയിലും മഴയും കൊണ്ടിട്ടും മധുരം കുറയാത്ത നാട്ടിൻപുറത്തെ കൂട്ടുകാരി.

അവൾ വെറും മധുരമല്ല, ഒരു ചെറിയ വൈദ്യശാല കൂടിയാണ്.

അവളുടെ മടിയിലെ അത്ഭുതങ്ങൾ ആണ് ഇനീപ്പറയുന്നത്
ഒരു ഓറഞ്ചിൽ ഉള്ളതിന്റെ നാലിരട്ടി വിറ്റാമിൻ സി ഒരു പേരയ്ക്കയിൽ ഉണ്ട്. അതുകൊണ്ടാണ് രാവിലെ ഒരു പേരയ്ക്ക തിന്നാൽ ദിവസം മുഴുവൻ ഉന്മേഷം നിൽക്കുന്നത്. ജലദോഷത്തെ അകറ്റാനും, രോഗപ്രതിരോധശേഷി കൂട്ടാനും ഇതുപോലെ മറ്റൊന്നില്ല.

നാരുകൾ നിറഞ്ഞവളാണ് അവൾ. വെറുംവയറ്റിൽ കഴിക്കുമ്പോൾ ദഹനം ശരിയാക്കാനും, മലബന്ധം മാറ്റാനും അവൾ മെല്ലെ സഹായിക്കും. നമ്മുടെ മുത്തശ്ശിമാർ വയറിളക്കത്തിന് പേരയ്ക്കയുടെ തളിരില ഇട്ട് തിളപ്പിച്ച വെള്ളം കൊടുത്തിരുന്നത് വെറുതെയല്ല.

ഹൃദയത്തിനും കാവലാണ് അവൾ.അവളുടെ ഉള്ളിലെ ചുവപ്പിന് കാരണം ലൈക്കോപ്പീൻ എന്ന ആന്റി ഓക്സിഡന്റാണ്. അത് ഹൃദയത്തെ സംരക്ഷിക്കാൻ സഹായിക്കും. പൊട്ടാസ്യം ധാരാളം ഉള്ളതുകൊണ്ട് രക്തസമ്മർദ്ദം സന്തുലിതമാക്കാനും നല്ലതാണ്. തേൻ പോലെ മധുരമുണ്ടെങ്കിലും ഗ്ലൈസെമിക് ഇൻഡക്സ് കുറവായതുകൊണ്ട് മിതമായി കഴിക്കുന്നത് നല്ലതാണെന്ന് പലരും പറയുന്നു.

ഉള്ളിൽ പിങ്ക് നിറമുള്ള പേരയ്ക്കയിൽ വിറ്റാമിൻ എയും, ഇലകളിൽ ആന്റി ബാക്ടീരിയൽ ഗുണവുമുണ്ട്. പഴം കഴിക്കുന്നത് ചർമ്മം തിളങ്ങാൻ സഹായിക്കും, ഇല അരച്ചിടുന്നത് ചെറിയ കുരുക്കൾക്ക് നാട്ടുവൈദ്യത്തിൽ ഉപയോഗിക്കാറുണ്ട്.

പേരയ്ക്കയുടെ ഇലയാണ് യഥാർത്ഥ മാന്ത്രിക. ഇലയിട്ട് തിളപ്പിച്ച ചായ കുടിക്കുന്നത് പ്രമേഹമുള്ളവർക്ക് ഷുഗർ നിയന്ത്രിക്കാൻ പരമ്പരാഗതമായി ഉപയോഗിക്കാറുണ്ട്, ദഹനത്തിനും വായ്നാറ്റത്തിനും ആശ്വാസം തരും.

അതുകൊണ്ട് പേരയ്ക്ക വെറും പഴമല്ല. പക്ഷിയുടെ കൊക്കിൽ നിന്ന് തുടങ്ങി, കപ്പലിൽ ലോകം ചുറ്റി, നമ്മുടെ പറമ്പിൽ വന്ന് നിന്ന പ്രകൃതിയുടെ കരുതൽ ആണ്. ഉപ്പും മുളകും കൂട്ടി കടിക്കുമ്പോൾ ആ കരുതൽ നമ്മൾ ശരിക്കും അറിയും.🥰🥰
ഇഷ്ടമായാൽ Like, share,follow ❤

നല്ലൊരു ദിനം ആശംസിക്കുന്നു❤

Thrikkarthika

04/10/2026

04/10/2026

03/10/2026

03/10/2026

02/10/2026

01/10/2026

01/10/2026

30/09/2026

30/09/2026

Address

Telephone

Website

Alerts

Shortcuts

Share

Listing takedown request