24/09/2026
🌿🧿🧿 മുല്ലപ്പൂവിനോട് എനിക്ക് ഒരു ഭ്രാന്താണ് 🤍❤😅
കുഞ്ഞുനാൾ മുതലേ മുല്ലപ്പൂവിനോട് എനിക്ക് പറഞ്ഞറിയിക്കാനാകാത്തൊരു ഇഷ്ടമാണ്…
പൂക്കൾ വളരെ ഇഷ്ടമാണ്.
റോസാപ്പൂ, ജമന്തിപൂ..മുല്ലപ്പൂവും, സൂചിമുല്ലപൂവും ,പിച്ചകപ്പൂവും ,ഒക്കെ നല്ല ഇഷ്ടമാണ്..🤍🧿
ആ ചെടികൾ വീട്ടുമുറ്റത്ത് നട്ടുവളർത്താനും, അതിൽ ആദ്യമായി മൊട്ടുവരുന്നത് കാണാനും, പൂക്കൾ വിരിയുമ്പോൾ അതിന്റെ മണം ആസ്വദിച്ചിരിക്കാനും, പൂക്കൾ പറിച്ച് മാല കെട്ടി തലയിൽ ചൂടാനും… അതൊക്കെ എനിക്ക് ഇന്നും ഒരു പ്രത്യേക സന്തോഷമാണ്.🥰
കുട്ടിക്കാലത്തെ ഏറ്റവും മനോഹരമായൊരു ഓർമ്മയും മുല്ലപ്പൂവിനോടാണ്.
ഞങ്ങളുടെ വീടിന്റെ മുറ്റത്ത് വലിയൊരു ആര്യ വേപ്പുമരം ഉണ്ടായിരുന്നു. അതിലേക്ക് ഒരു മുല്ലവള്ളി പടർന്നുകയറി, വേപ്പുമരം മുഴുവൻ മൂടിനിൽക്കും. ഏപ്രിൽ-മെയ് മാസങ്ങളിൽ വേനൽമഴ പെയ്തുകഴിഞ്ഞാൽ അതിൽ നിറയെ മുല്ലമൊട്ടുകൾ… 🌿😊
അടുത്തുള്ള വീടുകളിലെ എല്ലാവരും വന്ന് മുല്ലമൊട്ടുകൾ പറിക്കും. ഞങ്ങൾ കുഞ്ഞുങ്ങളായിരുന്നതിനാൽ മരത്തിൽ കയറാൻ കഴിയില്ല. മുതിർന്നവർ കയറിയും,തോട്ടിയൊക്കെ ഉപയോഗിച്ച് മൊട്ടുകൾ പറിച്ച് വീട്ടിലെ കോലായിൽ കൂട്ടിവെക്കും. പിന്നെ എല്ലാവരും ചേർന്ന് പങ്കുവെച്ചു എടുക്കും.....😊
സ്കൂൾ ഇല്ലാത്തതിനാൽ വൈകുന്നേരം നാമം ചൊല്ലി കഴിഞ്ഞാൽ തുടങ്ങും മുല്ല മാല കെട്ടാൻ..... സന്ധ്യ ആകുമ്പോഴേക്കും മുല്ലപ്പൂവിന്റെ മണം! വീട് മുഴുവൻ പരക്കും 🥰
മുല്ലമൊട്ട് കെട്ടാനുള്ള ആവേശമായിരുന്നു പിന്നെ. ....🥰
പ്ലാവിലയിൽ വട്ടത്തിൽമൊട്ട് വെച്ച് തുന്നി ഉണ്ടാക്കുന്ന രീതിയും ഉണ്ട് 🥰
മുല്ലമാല കെട്ടുന്നതിനും ഒരു പ്രത്യേക രീതിയുണ്ട്. ചേച്ചിയാണ് ഞങൾ ഒന്ന് വലുതാകും വരെ മാല കെട്ടി തരാറുള്ളത് 😘.... ഒന്നു വളർന്നപ്പോൾ ആദ്യം ചേച്ചി കെട്ടുന്നത് നോക്കി പഠിച്ചു… പിന്നെ ഞാനും, അനിയത്തിയും. ഓരോരുത്തരും സ്വന്തമായി മാല കെട്ടാൻ പഠിച്ചു. അതിനും എന്തൊരു സന്തോഷമായിരുന്നെന്നോ! ❤️
അടുത്ത ദിവസം കുളിച്ച് തലയിൽ ചൂടാൻ ധൃതി ആണ്...... തലയിൽ മുടിയും ഇല്ലാത്ത കാലം 😂മുല്ല മാല നീട്ടി കെട്ടി മുടിപോലെ തൂക്കി ഇട്ട് സ്ലൈഡ് കുത്തി തല ആട്ടി നടക്കും.... ഓർക്കുമ്പോഴേ വയ്യ 😅😂
ഇന്നും ആ ഓർമ്മകൾ മനസ്സിൽ അതേ മണത്തോടെ തന്നെയുണ്ട്…
പ്രായം എത്ര കഴിഞ്ഞാലും ചില ഇഷ്ടങ്ങൾ അങ്ങനെ തന്നെയായിരിക്കും.
മുല്ലപ്പൂവിനോടുള്ള എന്റെ ഇഷ്ടമെന്ന് പറഞ്ഞാൽ… അതൊരു ഇഷ്ടമല്ല, ചെറിയൊരു “ഭ്രാന്ത്” തന്നെയാണ്! 🤍🌿🧿
നിങ്ങളിൽ ആർക്കെങ്കിലും ഉണ്ടോ ഇതുപോലെ കുഞ്ഞുനാൾ മുതൽ കൂടെ വന്ന ഒരു പ്രത്യേക ഇഷ്ടം?.... അല്ലെങ്കിൽ എൻ്റെ പോലെ മുല്ല പൂവിനോടുള്ള ഭ്രാന്തമായ ഇഷ്ടം 🥰
എന്നെപ്പോലെ ആരൊക്കെയുണ്ട്? 🤍 Comment ചെയ്യണേ 🙏🥰🧿
ഒരു ഓർമ്മ നിങ്ങളുമായി പങ്കു വെച്ചു എന്നെ ഉള്ളൂ dears 🥰❤🙏
A Happy day to all 🌹🥰🙏...
My Curry World With Love
