Helga Sig

03/03/2025

Umfjöllun um þetta skemmtilega verkefni í Fossvoginum ❤️

„Ég fékk það skemmtilega verkefni að endurhanna raðhús í Fossvoginum þar sem eigendur ákváðu að taka húsið allt í gegn eftir að hafa búið þar um tíma enda nánast allt upprunalegt þegar þau fluttu inn.“

22/12/2023

Hlýleiki í Fossvoginum... hnota, eikarplankar, marmaraflísar og quartzite ❤️

16/11/2023

Hér var hnota og hvítt fyrir valinu í öllum innréttingum í þessu fallega húsi sem ég hannaði fyrir stuttu. Flísar eru á öllum gólfum og því mikilvægt að ná hlýju og notalegheitum með viðnum.
Innréttingarnar voru allar smíðaðar af Voke III í Litháen.
Ljósmyndir:

01/09/2023

Ég fékk það skemmtilega verkefni að hanna íbúðina mína í Vilnius en þetta er lítil 60 fermetra íbúð í nýbyggingu í gamla bænum. Við hjónin fengum hana afhenda tilbúna undir tréverk svo ég fékk algjörlega frjálsar hendur með allar innréttingar, efnis- og litaval.
Gólfið er terrazzo, innihurðir eru dökk eik og innréttingarnar eru úr reyktri eik. Voke3 sérmíðaði allar innréttingar eftir mínum teikningum og gerðu í fyrsta sinn svona hringlaga grip. Það kom svo ekkert annað til greina en að hafa boröplöturnar úr marmara, bæði í eldhúsi og á baði.
Korkur er eitt af mínum uppáhalds efnum, en möguleikarnir með þetta geggjaða efni eru nánast endalausir. Ég heilklæddi veggi í herbergjunum með dökkum brenndum korki sem gefur einstaklega hlýlega og notalega stemningu og svo nýtist þetta líka sem korktafla og auðvelt að festa upp myndir og annað með gömlu, góðu teiknibólunum.
Ég er mjög ánægð með útkomuna og okkur líður svaka vel hérna í þessari fallegu borg.

17/08/2023

Þetta baðherbergi hannaði ég fyrir tæpu ári síðan. Bæsuð eik, marmari, rétt lýsing og fallegar flísar gera þetta hlýlegt og notalegt.
Ljósmyndir: Gunnar Sverrisson

22/12/2022

Lítið baðherbergi í hlíðunum tekið í gegn, flísalagt í hólf&gólf með flísum frá Birgisson. Bjart, einfalt og fallegt 🙏

29/07/2021

Hannaði baðherbergi og lýsingu í þessu fallega húsi í Kópavoginum ásamt því að aðstoða með efnis- og litaval.
Flísarnar eru frá Birgissyni, innréttingarnar eru sérsmíði og ljósin er úr Lumex og Epal.
Ótrúlega ánægð með útkomuna :-)

02/07/2021

Það er svo gaman þegar maður fær að leika sér aðeins með liti.... smá Parísar-stíll á þessu, er það ekki?

02/06/2021

Í þessu fallega húsi í Reykjavík fékk ég að nota eitt af mínum uppáhalds efnum í innréttingar.... Linoleum og útkoman geggjuð.
Grip og kantar eru beyki en fyrir var beykiparket á gólfum og í öllum innihurðum svo mér fannst ekki annað koma til greina en að halda þeirri viðartegund.
Ný beyki gólfborð voru sett á allt húsið og koma ótrúlega fallega út og til að klára dæmið voru beykihúsgögn frá Carl Hansen valin fyrir borðstofurýmið.
Valdi svo skemmtilegan lit af Montana vegghillum frá Epal.
Ljósmyndir: Gunnar Sverrisson

20/05/2021

Hannaði þetta eldhús í íbúð í Hafnarfirði. Bæsuð eik, kvartsít borðplata og terrazzo flísar gjörbreyttu þessu eldhúsi.
Innréttingin var sérsmíðuð af snillingunum hjá Aðalvík.
VIPP ljósin og Mater barstólarnir settu svo punktinn fyrir aftan i-ið.
Mjög sátt með útkomuna.
Ljósmyndir:

14/04/2021

Raðhúsi í Grafavoginum heldur betur breytt með því að rífa niður vegg, hanna nýtt eldhús og skiptu um gólfefni.
Innréttingin var smíðuð af Smíðaþjónustunni, borðplatan frá Granítsteinum og gólfefnið frá Birgissyni.
Þessar flottu myndir tók svo hann Gunnar Sverrisson ljósmyndari fyrir mig.

11/03/2021

Fékk það skemmtilega verkefni að sjá um efnis- og litaval ásamt fleiru í þessari fallegu íbúð í miðborginni.
Notalegir gráir tónar og veggfóður frá Sérefni, Quartzite borðplata, eikarparket lagt í síldarbeinamynstur og gamaldags flísar gera þessa íbúð einstaklega hlýlega.