05/08/2026
كوكي كيك 🍪
إذا بتحبوا الكوكيز… هالوصفة إلكم 🤎
المقادير:
* ⅔ كوب زبدة بحرارة الغرفة (145 غ).
* ⅔ كوب سكر بني فاتح (125 غ).
* ¼ كوب + ملعقة كبيرة سكر أبيض (60 غ).
* بيضة + صفار بيضة.
* ملعقة صغيرة فانيلا.
* كوبين طحين (240 غ).
* ½ ملعقة صغيرة بيكربونات الصوديوم.
* ¼ ملعقة صغيرة ملح.
* ½ كوب شوكولاتة نصف حلوة (80 غ).
للحشوة:
* ¾ كوب شوكولاتة نصف حلوة (120 غ).
* ½ كوب شوكولاتة بيضاء (80–100 غ).
* 6 ملاعق كبيرة نوتيلا، منجمدين على شكل كرات.
طريقة التحضير:
منخفق الزبدة مع السكر البني والسكر الأبيض لحد ما يصير الخليط كريمي.
منضيف البيضة، صفار البيضة والفانيلا ومنرجع منخفق.
منضيف الطحين، بيكربونات الصوديوم والملح، ومنخلط بس لحد ما يختفي الطحين.
بالآخر منضيف الشوكولاتة ومنقلبها بالسباتولا.
منغطي العجينة ومنتركها بالبراد ساعتين على الأقل، والأفضل ليلة كاملة.
منفرد تقريبًا نص كمية العجينة بقالب 18 سم مع رفع الأطراف شوي.
منوزع الشوكولاتة النصف حلوة، بعدها الشوكولاتة البيضاء، وآخر شي كرات النوتيلا المجمدة.
منسكر بباقي العجينة ومنسكر الأطراف منيح.
منزين الوجه بحبات الشوكولاتة.
منخبزها بفرن محمى مسبقًا على 175 درجة لمدة 20–25 دقيقة أو لحد ما الأطراف تاخد لون ذهبي ويضل الوسط طري شوي.
منتركها تبرد بالقالب حوالي 30–45 دقيقة قبل ما نفكها.
بعد ما تبرد تمامًا، زينتها بوريدات نوتيلا وقطع شوكولا 🩷
