08/08/2022
كبرنا بهدوء ..
كبرنا لدرجة انو ما عاد ندور ع رفقة جدد أو حتى على أشخاص يحبوننا ونحبهم..
كبرنا لدرجة أنو نلبس نفس اللبس اكتر من مرة من دون ما نحس بخجل...
كبرنا لدرجة انو صرنا نخاف على أهلنا بدل ما نخاف منهم..
توقفنا عن مجادلة حدا حتى وإن كنا على صح.. صرنا نترك الأيام تثبت صحة وجهة نظرنا..
كبرنا لدرجة أنو ما عاد نحكي لحدا عن يلي بصير معنا ولا عن يلي بوجعنا ونداوي جراحنا لحالنا..
كبرنا وصرنا نفرح بصمت ونبكي بصمت ونضحك بابتسامة..
ماعاد نهتم او نخجل من الشي يلي منملكو
وماعاد نتاثر بالكلام الحلو لانو بدنا افعال من القلب..
كبرنا وصرنا نعطي صدقة للفقير ونساعد المحتاج رغم ضعفنا ..
كبرنا وعرفنا ان المظاهر خداعة، وتعلمنا إنو ما كلشي بيلمع ذهب ، وانو حبل الكذب قصير وصرنا نعرف مين بيضحك علينا ونتركو يصدق حالو بانو استغفلنا..
صرنا نعرف ايمت نسامح وما ننتقم وايمت نتغابى وتعلمنا انو ما ننتظر أي شيء من حدا ولا نتأمل بحدا وتعلمنا كيف نكتفي بحالنا..
تعلمنا ايمت نثق وبمين نثق...
كبرنا..
اي كبرنا و كبرنا بهدوء ....
