Garden Of Yummy Foods

31/12/2024

❤❤❤❤thank you❤❤❤❤

25/12/2024

11/07/2023

🥗මගේ Garden Of Yummy Foods කෑම පිටුව සමග ආදරයෙන් රැදී සිටි ඔබ සැමට
❤️ හදවතින්ම ස්තූතියි.

❤️එදා සිට මේ දක්වා ආ ගමනේ මගේ කෑම පිටුවට වෙත like,follow,comment කර සහයෝගය ලබාදී දිරිමත් කල ඔබ සැමට ආදරෙයි ගොඩක් 😘
ස්තූතියි🙏

😍ඉදිරියටත් garden of yummy food කෑම පිටුව සමගින් ❤️ ආදරයෙන් රැදී සිටින්න...


❤️....sadu....❤️
(2023.07.11)

26/05/2023

🥗102.කරි නූඩ්ල්ස්
( Curry Noodles )

🥗 නූඩ්ල්ස් කියන්නේ මම ආසම කැමක්.නූඩ්ල්ස් වර්ග ගොඩක් තියනවා.එක එක වර්ගයේ නූඩ්ල්ස් විවිධ රස වලින් යුක්තයි.අපි නිතරම කන්නේ මැගී නැත්නම් කොත්තුමී නූඩ්ල්ස් තමයි .එහෙම නැත්නම් නූඩ්ල්ස් ෆැමිලි පැක් එකක් එළවළු ටිකක් දාලා හදාගන්නවා.

🥗 ඒත් හැමදාම එකම විදිහට කනකොටත් එපා වෙනවානි. ඒ නිසා හැමදාම කන නූඩ්ල්ස් එක පොඩි වෙනසක් කරලා මේ විදියට හදලා බලන්න.රෑ කෑමකට නම් නියමයි.පොඩ්ඩොත් ආසාවෙන් කයි.මේ නූඩ්ල්ස් එක කන්න වෙන මොනවත්ම ඕනි නෑ.සෝස් ටිකක් තිබුනාම හොදටම ඇති.ඒ නැතත් නිකම්ම උනත් කෑහැකි.හදලම බලන්නකො .

🍱අවශ්‍යය ද්‍රව්‍යය :

🌶️තම්බාගත් නූඩ්ල්ස්
🌶️සිහින්ව ලියාගත් බී ළූණු ගෙඩියක්
🌶️අඟල් දෙකේ ප්‍රමාණයට කපාගත් ලූනුකොල
🌶️සිහින් තීරු කපා ගත් කැරට් ගෙඩියක්
🌶️හැඩයට කපාගත් බොංචි ස්වල්පයක්
🌶️සිහින්ව කපාගත් කුකුල් මස් කෝප්පයක්
🌶️මිරිස් කුඩු තේ හැඳි හැඳි බාගයක්
🌶️අමු පහේ කුඩු තේ හැඳි 02 ක්
🌶️ගම්මිරිස් කුඩු තේ හැඳි 01 ක්
🌶️සිහින්ව ලියාගත් වියළි මිරිස් කරල් 03ක්
🌶️තලාගත් කුරුඳුපොතු කැබැල්ලක්
🌶️තලාගත් කරාබූ නැටි 02 ක්
🌶️තලාගත් කරදමුංගු කරල් 02 ක්
🌶️සෝස් තේ හැඳි 01 ක්
🌶️තක්කාලි සෝස් මේස හැඳි 01ක්
🌶️උකු පොල් කිරි මේස හැඳි 03 ක්
🌶️එළවළු තෙල් ස්වල්පයක්

🍱සාදන ආකාරය :

🥗 මුලින්ම නූඩ්ල්ස් ටික හොඳින් තම්බා ගන්න.

(🌶️නූඩ්ල්ස් තම්බා ගන්නාවිට වතුරට එළවළු තෙල් ස්වල්පයක් දමා තම්බා ගන්න.තම්බා ගත් පසුව කොලැන්ඩරයට දමා වතුර පෙරාගෙන එළවළු තෙල් ස්වල්පයක් දමා හොඳින් කූරු ගා තබන්න.එතකොට නූඩ්ල්ස් එකට ඇලෙන්නේ නෑ.)

🥗 පෑන් එකක් ලිප තබා තෙල් ස්වල්පයක් දමා රත් රත්වන විට රත්වනවිට කරපිංචා ,තලාගත් කරදමුංගු කරාබුනැටි ,කුරුඳු දමා විනාඩියක් පමණ තෙම්පරාදු කරගන්න.

🥗 පසුව එයට බීළූනු ටිකක් දමා තෙම්පරාදු කරන්න.එයට තලාගත් ඉගුරු ස්වල්පයක් හා තලාගත් සුදුළූණු ස්වල්පයක් දමා තෙම්පරාදු කර කපාගත් කුකුල් මස් දමා විනාඩි දෙකක් පමණ තෙම්පරාදු කර ගන්න.

🥗 පසුව එයට මිරිස් කුඩු ,ගම්මිරිස් කුඩු , අමුපහේ කුඩු, ලුණුකුඩු ,පොල්කිරි මේස හැඳි 03 ක් එකතු කර තක්කාලි සෝස් දමා අඩුම ගින්දරේ විනාඩි 10ක් පමණ පිසගෙන වෙනම බාජනයකට දමා ගන්න.

🥗 දැන් පෑන් එක ලිපතබා තෙල් ස්වල්පයක් දමා රත්වන විට ඉතිරි බීළූනු ,ඉගුරු ,සුදුළූණු ,ලියාගත් වියළි මිරිස් දමා තෙම්පරාදු කරගන්න.

🥗 පසුව එයට ලියාගත් කැරට්,බෝංචි එකතුකර තෙම්පරාදු කරගන්න.

🥗 දැන් එයට සෝයාසෝස් එකතු කර කලින් පිසගත් කුකුල් මස් කරිය එකතු කර විනාඩියක් පමණ වැඩිම ගින්දරේ විනාඩි 02ක් පමණ පිසගන්න.

🥗 දැන් තම්බා නූල්ඩස් සහ සෝයා සෝස් එකතුකර හොඳින් මිශ්‍ර කර විනාඩියක් පමණ පිසගන්න.

🥗 අවසානයට ලූනු කොල එකතු කර මිශ්‍ර කර ලිපෙන් ඉවතට ගන්න.

🥗 තක්කාලි සෝස් හෝ මිරිස් සෝස් සමග උණු උණුවේම රස බලන්.පිළිගන්වන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

26/05/2023

🥗101.රාමෙන් නූඩ්ල්ස්

🥗 රාමෙන් කියන්නේ දකුණු කොරියාවේ තියන ඉතාමත් ජනප්‍රිය රසම රස නූඩ්ල්ස් එකක්.නමුත් දැන් ලෝකයේ හැම රටකම වාගේ මේ කොරියානු රාමෙන් නූඩ්ල්ස් එක ගොඩක් ජනප්‍රියයි.ලංකාවේත් බොහොමයක් දෙනා අතර රාමෙන් නූඩ්ල්ස් ජනප්‍රියයි.

🥗 ලංකාවේ ප්‍රමුඛපෙලේ සුපිරි වෙලදසැල්වල රාමෙන් නූඩ්ල්ස් මෙන්ම විවිධ වර්ගයේ විදේශීය නූඩ්ල්ස් වර්ග ඕනෑ තරම් තියනවා.නමුත් ඇතැමෙක්ට ඒවා කන්න ආස උනත් ඒවා මිලදී ගන්න නොවෙන්නේ මිලෙන් වැඩි නිසයි.

🥗 ඇත්තටම කියනව නම් මමත් හරිම ආසයි රාමෙන් නූඩ්ල්ස් කන්න.ඒත් තවම ඔර්ජිනල් රාමෙන් නූඩ්ල්ස් එක කාලා නෑ.මේ තියන්නේ මම මගේ යාලුවෙක්ගෙන් අහගෙන රාමෙන් වගෙම රාමෙන් රසට හදාගත්තු ආදේශක රාමෙන් නූඩ්ල්ස් රෙසිපි එකක්.

🥗 රාමෙන් නූඩ්ල්ස් පැකට් එකේ නම් සුප් මිශ්‍රණයට අවශ්‍යය ෂැසේ පැකට් එකක් තියනවා.අපිට රාමෙන් නූඩ්ල්ස් නැති නිසා මේක හදන්නේ ක්ෂ්ණික නූඩ්ල්ස් පැකට් ටිකක් අරගෙන.

🥗 නූඩ්ල්ස් ගන්නකොට කොත්තු මී නූඩ්ල්ස් වලින් ගන්න.අපි මේකට චිලි ඔයිල් කියලා ගන්නේ චිලිපේස්ට් වල ඇති තෙල් එකයි.කොත්තුමී නූඩ්ල්ස් ගත්තොත් ඒකේ තියන ඔයිල් පැකට් එක චිලී ඔයිල් වෙනුවට ගන්න ඔයාට පුළුවන්.

🥗 චිකන් ස්ටොක් කැට උණුවතුරේ දියකර ගන්න්කොට කැමතිනම් කොත්තුමී නූඩ්ල්ස් වල ඇති එලවලු ෂැසේ පැකට් දෙකකුත් දිය කර ගන්නත් පුලුවන්.

🥗 ඉතිං මම හිතුවා රාමෙන් කන්න බලාගෙන ආසාවෙන් ඉන්න ඇති,නැති හැමෝම වෙනුවෙන් මේ රෙසිපිය බෙදාගන්න.ඇත්තම රාමෙන් හදාගෙන කාපු සහෝදර සහෝදරියෝ මේ විදියටත් හදලා කියන්නකෝ රස කොහොමද ඒ වගේමද කියලා....

🍱අවශ්‍යය ද්‍රව්‍ය :

🌶️ක්ෂණික නූඩ්ල්ස් පැකට් 4ක්
🌶️තලාගත් සුදුළූණු පේස්ට් තේ හැඳි 01
🌶️තලාගත් ඉඟුරු පේස්ට් තේ හැඳි 01
🌶️එළවළු තෙල් මේස හැඳි 02ක්
🌶️සිහින්ව ලියාගත් වියළි මිරිස් කරල් 05 ක්
🌶️සිහින්ව කපාගත් ලූනු කොළ මිටක්
🌶️සෝයා සෝස් තේ හැඳි 03 ක්
🌶️සුදු විනාකිරි තේ හැඳි 01 ක්
🌶️චිලී ඔයිල් තේ හැඳි 03 ක්
🌶️චිලි සෝස් තේ හැදි 02 ක්
🌶️කෑලි මිරිස් තේ හැඳි 03 ක්
🌶️සීනි තේ හැඳි 02 ක්
🌶️ලුණු ස්වල්පයක්
🌶️චිකන් ස්ටොක් කැට තුනක්

🍱සාදාගන්නා ආකාරය :

🥗 මුලින්ම නූඩ්ල්ස් ටික හොඳින් තම්බාගෙන හිල් සහිත බදුනකට එනම් කොලැන්ඩරයට දමා සීතල වතුර ටිකක් නූඩ්ල්ස් වලට උඩින් දාලා දිය බේරෙන්නට තබාගන්න.දිය බේරුනාට පසුව එළවළු තෙල් මේස හැන්දක් නූඩ්ල්ස් වලට උඩින් දාගන්න.

🥗 තාච්චියක් ලිප තබා චිලි ඔයිල් තේ හැදි 03 ක් දමා එයට කෑලි මිරිස් තේ හැඳි 03 ක් දමා අඩු ගින්දරේ විනාඩි 10 ක් පමණ තෙල්මිරිස් පාටට එනතුරු පිසගන්න.

🥗 දැන් පෑන් එකක් ගෙන එයට උණුවතුර කෝප්ප තුනක් දමා චිකන් ස්ටොක් කැට හොදින් දිය කර ගන්න.එයටම තෙලෙන් පිසගත් කෑලිමිරිස් එකතු කරන්න.

🥗 දැන් එයටම සෝයාසෝස්,සුදු විනාකිරි,සීනි, ලුණු දමා හොඳින් මිශ්‍රකර සාමාන්‍ය ගින්දරේ පිසගනිමින් සුප් මිශ්‍රණය සාදා ගන්න.

(🌶️වතුර කෝප්ප තුනක් දැමූ මේ මිශ්‍රණය වතුර කෝප්ප තුන්කාලක් පමණ ප්‍රමාණයට සිඳෙන තුරු රත්කර ගන්න ඕනි.)

🥗 වෙනම තාච්චියක් ලිප තබා එයට එළවළු තෙල් ස්වල්පයක් දමන්න.තෙල් රත්වූ පසු ව ඉඟුරු,සුදුළූණු පේස්ට් සහ ලියාගත් වියළි මිරිස් දමා රන්වන් පාටට තෙම්පරාදු කරගන්න.

🥗 පසුව තම්බාගත් නූඩ්ල්ස් ටික දමා හොඳින් මිශ්‍ර කර විනාඩියක් පමන පිසගන්න.

🥗 එසේ තම්බාගත් නූඩ්ල්ස් වෙනම බෝල් දෙකකට දමන්.ඊට උඩින් සාදාගත් සුප් මිශ්‍රණය දාන්න.උඩින් ලූනුකොල ඉසින්න.අවශ්‍යය නම් බිත්තර බුල්ෂයි එකක් දාගෙන පැත්තකින් තියා ගන්න.

🥗 හැදි ගෑරුප්පු සහිතව උණු උණුවේම පිලිගන්වන්න. රස බලන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗100.බෝංචි කරිය (කිරට හදන)

🥗බෝංචි කියන්නේ කොල පාටට කිරට හදන කා අතරත් ජනප්‍රිය එළවළුවක්නේ.ඒ වගේම කෑම මේසයක බෝංචි කරියක් වරදින්නේ නෑ.දාන මානයකටත් බෝංචි කරියක් සුදට කිරට හදලා තියනවාමයි.

🥗බෝංචි රස වගෙම ගුණයෙනුත් ඉහලයි.බෝංචි වල ෆයිබර් බහුලයි.ඒ කියන්නේ කෙදි ගතිය වැඩියි.

🥗බෝංචි හදනකොට කොලපාට පැහැය පවත්වාගෙන උයාගන්න ඕනි.එතකොට තමයි ගුණ වගේම ලස්සටත් තියන්නේ.ලස්සනට තියනකොට දැක්ක ගමන් කන්නත් හිතෙනවානේ....

🥗මේ කරිය හදනකොට අලුත් ළපටි බෝංචි ටිකක් තෝරලා ගන්න.හොද වේලිච්ච පොල් ගෙඩියකින් උකුපොල් කිරි ටිකක් දාන්න.රතුළූණු ටිකක් යහමින් දාලා උම්බලකඩ ටිකකුත් දාලා ගන්න ඕනි.එතකොට තමයි රසට මේ බෝංචි කරිය භදාගන්න පුළුවන්.අපි මේ කරියට මිරිස්කුඩු දාන්නේ නෑ.ඒ වෙනුවට ගම්මිරිස් ටිකක්
එකතු කර ගන්නවා.නමුත් ඔයාට ඕනි නම් මිරිස්කුඩු ටිකක් එකතුකර ගන්න පුලුවන් හොදද...

🍱අවශ්‍යය ද්‍රව්‍යය :

🌶️බෝංචි 500g
🌶️සිහින්ව ලියාගත් රතුළූණු ගෙඩි 07 ක්
🌶️දෙකට පලාගත් අමුමිරිස් කරල් 05 ක්
🌶️කපාගත් සුදුළූණු බික් 04 ක්
🌶️කහ කුඩු තේ හැඳි භාගයක්
🌶️උළුහාල් ඇට ස්වල්පයක්
🌶️ගම්මිරිස් තේ හැඳි කාලක්
🌶️අඹරාගත් අබ තේ හැඳි කාලක්
🌶️අඹරාගත් සුදු සූදුරු තේ හැඳි කාලක්
🌶️ගොරකා කැබලි දෙකක්
🌶️කරපිංචා ඉති 02 ක්
🌶️දියකිරි කෝප්ප 01 ක්
🌶️උකුපොල් කිරි කෝප්ප 02 ක්
🌶️උම්බලකඩ තේ හැඳි 01ක්
🌶️පොල්තෙල් මේසහැදි 02ක්

🍱සාදන ආකාරය :

🥗 කැමති හැඩයකට බෝංචි ටික කපා ගන්න.

🥗 පෑන් එකකට කපාගත් බෝංචි,ලියාගත්
රතුළූණු, කහකුඩු ,ගම්මිරිස් කුඩු ,කරපිංචා, කුරුඳු පොතු ,අඹරා ගත් සූදුරු ,අඹරාගත් අබ, අමු මිරිස් ,ගොරකා ,උළුහාල් ,උම්බලකඩ,ලුණු කැට දමා හොඳින් අතගාන්න.

🥗 පසුව එයට දියකිරි දමා සාමාන්‍ය ගින්දරේ පිසගන්න.දියකිරි හිදීගෙන එනවිට
පොල් තෙල් මේස හැඳි 02 ක් දමා හොඳින් මිශ්‍ර කරන්න.

🥗 දැන් විනාඩි 03ක් පමණ බෝංචි ටික තෙලෙන් තෙම්පරාදු වෙන්න තබන්න.පසුව හොදින් තෙම්පරාදු වූ පසුව එයට උකුපොල් කිරි කෝප්ප එකහමාරක් පමණ දමා වැඩි ගින්දරේ හොද්ද හොදින් එක් වරක් උතුරවා ගන්න.

🥗 ලුණු බලා මදිනම් රස අනුව ලුණු එකතු කරගන්න.ඉක්මනින් ලිපෙන් බාගන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗99.බෝංචි මැල්ලුම

🥗 ලපටි බෝංචි මැල්ලුමක් විදියට පහසුවෙන්ම හදාගන්න පුළුවන්.ඒක හදා ගත්තම ඒ එක්ක විතරක්ම බත් කෑහැකි.වෙන මොකුත්ම ඕනි නෑ.කොල මැල්ලුම් වෙනුවටත් හොද ආදේශකයක්.ඉතිං හදලා බලමු බෝංචි වලින් රසම රස මැල්ලුමක්.....

🍱අවශ්‍යය ද්‍රව්‍ය :

🌶️ලපටි බෝංචි 500g
🌶️සිහින්ව ලියාගත් රතුළූණු ගෙඩි 06 ක්
🌶️සිහින්ව ලියාගත් අමුමිරිස් කරල් 04 ක්
🌶️ගා ගත් පොල් කෝප්පයක්
🌶️අඹරාගත් ඉඟුරු කැබැල්ලක්
🌶️අඹරාගත් සුදු ළූණු බික් 05 ක්
🌶️කහ කුඩු තේ හැදි කාලක්
🌶️මිරිස් කුඩු තේ හැඳි 1
🌶️අමුපහේ තේ හැඳි එක හමාරක්
🌶️අබ තේ හැඳි 01 ක්
🌶️සුදුරු ඇට තේ හැඳි 02ක්
🌶️ගොරකා කැබැලි 03 ක්
🌶️කරපිංචා ඉතිරි 02ක්
🌶️දෙහි බෑයක යුෂ
🌶️ලුණුකුඩු
🌶️පොල් තෙල් මේස හැඳි 03 ක්

🍱සාදන ආකාරය :

🥗 අඟලේ ප්‍රමාණයට තමන් කැමති හැඩයකට බෝංචි ටික කපා ගන්න.

🥗 තාච්චියක් ළිප තබා පොල්තෙල් දමා රත්වන විට අබ,සූදුරු ඇට දමා පුපුරන විට එයට
කරපිංචා තලාගත් ඉගුරු,සුදුළූණු සිහින්ව ලියාගත් රතුළූණු දමා හොඳින් තෙම්පරාදු කරගන්න.

🥗 පසුව ලියාගත් අමූමිරිස් ,ගොරකා කැබලි,කපාගත් බෝංචි ,මිරිස්කුඩු කහකුඩු මම පහේ කොට ලුණු කුඩු එකතුකර හොදින් මිශ්‍රකර තෙම්පරාදු කරන්න.

🥗 දැන් ගින්දර අඩුම කර විනාඩි පහක් පමණක් තෙලෙන් බෝංචි ටික තෙම්පරාදු කර ගනිමින් පිසගන්න.

🥗 අවසානයට පොල් ටික එකතු කර ලිපේ ගින්දර වැඩිමකර බෝංචි මැල්ලුම මලවා ගන්න.දෙහි ඇඹුල් එකතු කරන්න.මම මදි නම් බලා එකතු කරන්න.

🥗 හොදින් මිශ්‍රකර තවත් විනාඩියක් පමණ පිසගෙන ලිපෙන් බාගන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗98.නිවිති මැල්ලුම

🥗 නිවිති කියන්නේ යකඩනි.නිවිති ආහාරයට ගන්නව නම් ශරීරයට සෞඛ්‍යයට අවශ්‍යය පෝශණයන් ලබාගන්න පුළුවන්.ලේ වලටත් ,මොළයටත් ඉතාමත් ගුණදායකයි.
නිවිති වල් ගුණ මෙතෙකැයි කියලානිම කරන්න බෑ.ඒ ගැන ඉදිරියේදී වෙනම ලිපියක් ලියන්නම්....

🥗 නිතරම නිවිති කන්නේ පරිප්පු දාලා කරියක් විදියටනේ.අපි වෙනසකටත් එක්ක නිවිති මැල්ලුමක් හදලා බලමු....

🥗 නිවිති සිහින්ව කපා ගන්නාවිට දිග අතට ලියගන්න.එක් එක් අතට හරවමින් ලියාගන්න එපා.එතකොට නිවිති වල තියන ගුණ නැතිව අයවා.යකඩ විනාශ වෙනවා.ඒකත් මතක තියාගෙන නිවිති මැල්ලුම හදමු.

🍱අවශ්‍යය ද්‍රව්‍ය :

🌶️සිහින්වලියාගත් නිවිති දළු 500g
🌶️ගා ගත් පොල් කෝප්පයක්
🌶️කහ තේ හැදි බාගයක්
🌶️කෑලි මිරිස් තේ හැදි බාගයක්
🌶️අබ තේ හැඳි කාලක්
🌶️සූදුරු තේ හැඳි කාලක්
🌶️ගම්මිරිස් ඇට තේ හැඳි බාගයක්
🌶️උම්බලකඩ කෑලි තේ හැඳි එකක්
🌶️අමු මිරිස් කරල් 03ක්
🌶️වියළි මිරිස් කරල් 03 ක්
🌶️උළුහාල් ඇට ස්වල්පයක්
🌶️ගොරකා බික් 03 ක්
🌶️කුරුඳුපොතු කැබැල්ලක්
🌶️සුදු ළූණු බික් 05 ක්
🌶️කරපිංචා ඉත්තක්
🌶️ලුණුකුඩු
🌶️පොල්තෙල් ස්වල්පයක්

🍱සාදන ආකාරය :

🥗 මුලින්ම ගම්මිරිස් ඇට,කෑලි මිරිස්, උම්බලකඩ මිරිස්ගලට දමා අඹරාගන්න.පසුව අබ,සූදුරු දමා අඹරා ගන්න.

🥗 පසුව එයට සුදුලූනු,ගම්මිරිස්,කරපිංචා දමා අඹරාගන්න.අවසානයේ පොල් සහ කහ දමා අඹරා ගන්න.වතුර මුසු කරන්නට එපා.

🥗 නිවිති ටික එක් අතකට තීරු වශයෙන් සිහින්ව ලියාගන්න.

🥗 තාච්චියක් ලිපේ තබා තෙල් ස්වල්පයක් දමා රත්වන විට රත්වන විට එයට කුරුඳුපොතු ,වියළි මිරිස්,උළුහාල්.ගොරකා දමා තෙම්පරාදු කරන්න.

🥗 පසුව එම තෙම්පරාදුවට අඹරා ගත් පොල් මිශ්‍රණය දමා විනාඩි 02ක් විතර පිසගෙන එයට කපාගත් නිවිති එකතු කරන්න.

🥗 දැන් හැදිමිට යොදාගෙන කූරුගාමින් අඩුම ගින්දරේ විනාඩි කීපයක් පිසගෙන හොදින් මලවා ඉක්මනින් ලිපෙන් ඉවතට ගන්න.මලවා ගැනීමේදී වතුර අවශ්‍යය නම් වතුර මේස හැදි දෙකක් පමණ එකතුකර මලවා ගන්න.

🥗 අවසානයට රස අනුව ලුණුකුඩු එකතුකර ගන්න.

🥗 උණු උණුවේම රස බලන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗97.තක්කාලි ළූණු සම්බෝලය

🥗 ලුණු මිරිසක්,තක්කාලි සම්බෝලයක් කන්න කවුද අකමැති නේද.කන්න දෙයක් නැති උනාම බත් එක්ක තනිවට හිටියේ ලූණු සම්බෝලයක් ,ලුණු මිරිසක්,සම්බෝලයක් වෙන්න පුළුවන්.එහෙම අතීත කතාවක් බොහෝමයක් අයට නැතුවාම නොවෙයි නේද.

🥗 කෑම අප්පිරියාවක් අජීරණයක් ආවමත් අපි කරේ ලුණුමිරිසක් ,ලූණු සම්බෝලයක් හදාගෙන කාපු එක.එහෙම වෙලාවට බත් කටක් කන්න පුලුවන් වන්නේ ඒ දේවල් එක්කම විතරයි.

🥗 දැන් උනත් ඕනිම වෙලාවක බත් ටිකක්,පාන් ගෙඩියක්,රයිස් එකක් කන්න මතක් වෙන්නේ හොද ලුණු ඇඹුල් ඇතිව හදපු ළූණු සම්බෝලයක් තමයි.මේක හදන්න එක එච්චර අමාරු දෙයක් නොවුනත් කෙනෙකුට මේකත් වටිනා රෙසිපියක් වේවි...

🥗 ඉතිං හදලා බලමු දුකට සැපට ලගින් හිටිය ආදරණීය තක්කාලි ළූණු සම්බෝලය

🍱අවශ්‍ය ද්‍රව්‍ය :

🌶️සිහින්ව ලියාගත් බී ළූණු ගෙඩි 04 ක්
🌶️සිහින්ව ලියාගත් අමූමිරිස් කරල් 06 ක්
🌶️සිහින්ව කපාගත් තක්කාලි ගෙඩි 03 ක්
🌶️කෑලි මිරිස් තේ හැඳි 02 ක්
🌶️ගම්මිරිස් කුඩු තේ හැදි භාගයක්
🌶️උම්බලකඩ කුඩු තේ හැඳි 02 ක්
🌶️ලුණු කුඩු තේ හැඳි එකහමාරක්
🌶️දෙහි ගෙඩියක යුෂ

🍱සාදන ආකාරය :

🥗 මුලින්ම කපාගත් අමුමිරිස්,තක්කාලි
බෝල් එකකට දමා ගන්න.

🥗 දැන් එයට උම්බලකඩ,කෑලි මිරිස්,ලුණු කුඩු,ගම්මිරිස් කුඩු එකතු කරගන්න.

🥗 දැන් එයට බී ළූණු ටික සිහින්ව කපා දමන්න.දෙහියුෂත් එකතු කරන්න.

🥗 සියල්ල හොදින් මිශ්‍රවන තුරු හොදින් අතගාන්න.

🥗 සැර මදිනම් කෑලිමිරිස් ,ගම්මිරිස් කුඩු ටිකක් එකතු කර ගන්න.ලුණු මදිනම් රස අනුව එකතු කර ගන්න.

🥗 සකස් කරගත් විගස ආහාරයට ගන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗96.කරපිංචා සම්බෝලය

🥗 කරපිංචා සම්බෝල හැන්දක් ඔබේ ශරීරයට කොච්චර ගුණදායකද කියලා දන්නවා නම් ඔයා කරපිංචා හැමදාම කයි.කරපිංචා වලින් ශරීරයට අහිතකර තෙල් දියකර හරිනවා.ඉතිං හිතන්නකො ඒක කොච්චර වටිනවද කියලා.කරපිංචා ගුණ ගැන නම් ලියන්න ගොඩක් දේවල් තියනවා.ඒවා පසුව ලියන්නම්.එතකම් මේ කරපිංචා සම්බෝලය හදාගෙන කන්න කියලා ආදරයෙන් මතක් කරනවා.

🍱අවශ්‍ය ද්‍රව්‍ය :

🌶️කරපිංචා කොළ කෝප්ප භාගයක්
🌶️ලියාගත් රතු ළුුණු කෝප්ප කාලක්
🌶️ගම්මිරිස් ඇට දෙක තුනක්
🌶️සුදු ළූණු බික් 5ක්
🌶️ඉඟුරු කැබැල්ලක්
🌶️අමුමිරිස් කරල් දෙකක්
🌶️ගාගත් පොල් කෝප්ප බාගයක්
🌶️ලුණු ස්වල්පයක්
🌶️දෙහි බෑයක යුෂ

🍱සාදන ආකාරය :

🥗 වංගෙඩියට දමා කරපිංචා කොළ ටික හොඳින් කොටා ගන්න.නැතිනම් බ්ලෙන්ඩර් කරගන්න.

🥗 පසුව එයට ලියාගත් රතුළූණු,අමු මිරිස්, සුදුළූණු,ගම්මිරිස් ඇට එකතු කර හොඳින් කොටන්න.

🥗 සියල්ල හොඳින් කෙටුන පසුව පොල් ටික දමා හොඳින් කොටා ගන්න.

🥗 අවසානයට කොටාගත් කරපිංචා මිශ්‍රණය දීසියකට දමාගෙන දෙහියුෂ දමා ගන්න.

🥗 කෑමට ආසන්නයේදීම මෙම කරපිංචා සම්බෝලය සදා ගන්න.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-

24/05/2023

🥗95.කරපිංචා කුලම්බු හොද්ද

🥗 අපි හදන හොද්දක්,කරියක්,බැදුමක් වගේ ඕනම කෑමක් රස කරගන්න කරපිංචා කොළ ඉත්තක් දෙකක් දාන්න අපි අමතක කරන්නේ නෑ.මොකද කරපිංචා දාන්නෙත් රසය වැඩිකර ගන්නනේ...

🥗 රසය වගේම කරපිංචා ගුණයෙනුත් ඉහලයි.ඒක දන්න අය නම් උයන හැම දෙයටම කරපිංචා ටිකක් වැඩිපුර එකතුකර ගන්නවා.කරපිංචා කැදත් බොනවා.කරපිංචා සම්බෝලත් කනවා.මාලුවට දාන කරපිංචා කොලයත් පිගානේ ඉතිරි නොකර කනවා.මමත් එහෙමයි.

🥗 කරපිංචා වල අන්තර්ගත වෙලා තියන ගුණදායක හා එහි ඇති තෙල් වලින් රුධිර නාලවල ඇති අහිතකර තෙල් දියකර හරිනවා.අපේ අම්මල ආච්චිල මස් මාංශ පිහනකොට කරපිංචා සුදුළූණු ටිකක් වැඩිපුර දාන්නේ මස් වල තියන අනවශ්‍ය තෙල් කැපිලා යන්න ඕනි නිසයි.දැන් ඉන්න අය ගොඩක් දේවල් දන්නේ නෑ.දැනගත්තත් ගනන් ගන්නේ නෑ.ඒකනි ඉස්සර මිනිසුන්ට තිබුනේ නැති කොලෙස්ටරෝල්,දියවැඩියාව ,අධිරුධිර පීඩනය දැන් ගොඩක් අයට හැදිලා තියන්නේ.

🥗 නිතරම කරපිංචා කැවෙන්නෙත් නැත්නම් කට පරිස්සමකුත් නැතුව කනව බොනවා නම් මේවගේ කරපිංචා හොද්දක් සතියකට සැරයක් වත් හදාගෙන කන්න.හැමදාම කෑවත් අගුණ නම් නෑ.

🍱අවශ්‍ය ද්‍රව්‍ය :

🌶️කරපිංචා කොළ කෝප්ප එකහමාරක්
🌶️සුදු ළූණු බික් 05 ක්
🌶️ලියාගත් රතුළූණු ගෙඩි 20 ක් පමණ
🌶️අමු මිරිස් කරල් 02 ක්
🌶️වියළි මිරිස් කරල් 03 ක්
🌶️ඉඟුරු කැබැල්ලක්
🌶️කොත්තමල්ලි කුඩු තේ හැඳි 01 ක්
🌶️අබ තේ හැඳි භාගයක්
🌶️ගා ගත් පොල් තේහැඳි එකක්
🌶️සියඹලා පේස්ට් මේස හැඳි 01 ක්
🌶️සීනි තේ හැඳි එකක්
🌶️ලුණු කුඩු
🌶️පොල්තෙල් ස්වල්පයක්
🌶️වතුර ස්වල්පයක්

🍱සාදන ආකාරය :

🥗 තාච්චියට පොල්තෙල් මේස හැඳි එකක් දමා රත්කර එය කර එයට සුදුළූණු ,වියලි මිරිස්, ඉඟුරු දමා තෙම්පරාදු කරන්න.

🥗 දැන් එයට ගාගත් පොල් ටික දමා රන්වන් පාටට බැදගෙන කරපිංචා කොළ ටික එකතු කරන විනාඩි පහක් පමණ හොඳින් මිශ්‍රකරමින් තෙම්පරාදු කරගන්න.

🥗 මෙසේ තෙම්පරාදු කරගත් සියලු දේ ග්‍රයින්ඩරයට දමා හෝ මිරිස් ගලට දමා මෘදු පේස්ට් එකක් වනතුරු හොඳින් අඹරා ගන්න.

🥗 දැන් මැටි ඇතිලියක් ලිපේ තබා එයට තෙල් මේස හැඳි එකක් එකාමාරක් පමණ දමා රත්වන විට දෙකට පලාගත් රතුළූණු,අමුමිරිස් දමා විනාඩියක් පමණ හොඳින් තෙම්පරාදු කරගන්න.

🥗 පසුව එයට කලින් සාදා ගත් කරපිංචා පොල් පේස්ට් එක දමා විනාඩි හතරක් පමණ අඩුම ගින්දරේ පිසගන්න.

🥗 පසුව එයට සියඹලාපේස්ට් ,සීනි,රස අනුව ලුණු,කොත්තමල්ලි කුඩු සහ වතුර කෝප්ප එකක් දමා හොදින් මිශ්‍ර කර පියන වසා මදගින්නේ විනාඩි 10ක් පමණ පිසගන්න.

🥗 පසුව ලිප off කර හොදින් නිවෙන්නට තබන්න.නිවුණු පසුව රස බලන්න.බත්,ඉදිආප්ප කන්න නියමයි.

🌸අමතක නොකර page එකට like කරන්න.⬇️
https://www.facebook.com/profile.php?id=100086168378282

( මෙහි ඇති සියලු තොරතුරු
Garden of yummy food සතුවේ. )

-❤-- sadu--❤-