ORAarts by Sarah

18/07/2026

A thought for the moment.
මේ තියෙන්නේ මන් ඊළඟ චිත්‍රේ අදින්න හදන කොලේ. මේ කොලේ තව ටිකකින් මොකක් මැවෙයිද කියලා මේකේ artist වුණ මං වත් තවම දන්නෑ. ලස්සන වෙයිද... වැරදෙයිද... කිසිම clue එකක් නෑ.
ඒත් මං හැමතිස්සෙම මගේ අත විශ්වාස කරනව.
අපේ ජීවිතත් මේ මේසේ උඩ තියෙන හිස් කොලේ වගේ. ඊළග මොහොතේ මොකක් වෙයිද කියලා අපි දන්නෑ... ඒත් හැමතිස්සෙම ඔයාව විශ්වාස කරන්න පුරුදු වෙන්න. ඔයාගේ හිත ගැන හොඳ confidence එකක් හදා ගන්න. ඊළග මොහොතේ මොකක් උනත් ඒක පිළිගන්න ඔයාට ශක්තියක් තියෙනවා කියන එක විශ්වාස කරන්න. එතකොට මේ ජීවත් වෙනවා කියන එක අපි හිතනවට වඩා සෑහෙන සැහැල්ලු දෙයක් වෙයි....

-ORA Sarah-

17/07/2026

මම කලින් පෝස්ට් එකේදිත් කිව්වා වගේ, මිනිස්සු මේ Slow Living කියන එක ගොඩක් වැරදි විදියට අර්ථකථනය කරලා තියෙන්නේ. අද මං කතා කරන්නේ ඇත්තටම Slow Life එකක් ගත කරන්න නම් අපිට තියෙන්න ඕන ගුණාංග හතරක් ගැන.

"Slow Living" කියන වචනය ඇහුණාම අපේ හිතේ මැවෙන්නේ මොන වගේ රූපයක්ද?

කන්දක් උඩ ලස්සන පොඩි ගෙදරක්. කිසිම හදිසියක් නැති උදෑසනක්. මුළු දවසම තමන් කැමති දේවල් කරන කෙනෙක්. ඒත් ඒක Slow Living නෙවෙයි. ඒක Slow Living එකක් පෙන්වන ඡායාරූපයක් විතරයි. ඇත්තටම Slow Living කියන්නේ, ජීවිතයේ පිටත පෙනුම ගැන නෙවෙයි. ඇතුළේ තියෙන තත්ත්වය ගැන. මොකද, කන්දක් උඩ ජීවත් වෙන කෙනෙකුටත් හිතේ කලබලයක් තියෙන්න පුළුවන්. හැබැයි කොළඹ traffic එකේ වාහනයක් ඇතුළේ ඉන්න කෙනෙකුටත් හිත ඇතුළේ සන්සුන් බවක් තියෙන්න පුළුවන්. හරියටම කිව්වොත් මේ මොහොතේ ජීවත් වෙන එක. ඉවර උන දේත් නෙමේ, වෙන්න තියෙන දේත් නෙමේ.... මේ දැන් වෙන දේ ගැන පූර්ණ අවධානය යොමු කරන එක.

අපිට මේ අදහස වැරදෙන්නේ ඇයි?

පළවෙනිම හේතුව තමයි, අද ලෝකය අනවශ්‍ය තරම් තරඟකාරී වෙලා තිබීම.

දරුවෙක් ඉපදුණු දවසේ ඉඳන්ම එයාට උගන්වන්නේ තමන්ගේ ගමන ගැන හිතන්න නෙවෙයි, අනිත් කෙනාට වඩා ඉස්සරහින් ඉන්න. විභාගයකින් තමන්ට සතුටු වෙන්න පුළුවන් ලකුණක් ගත්තත්, පන්තියේ පළවෙනියා නොවුණොත් ඒ ජයග්‍රහණයට අගයක් නැති වෙනවා.

ඔය විදියට පුංචි කාලේ ඉඳන්ම අපේ ඔළුවට දාලා තියෙන්නේ එකම පණිවිඩයක්. වේගයෙන් යන්න. වැඩිපුර කරන්න. ඉක්මනට ඉවර කරන්න. හැම වෙලේම කාර්යබහුල වෙන්න. කොටින්ම කිව්වොත් ටිකක් නතර වෙලා හුස්මක් ගන්න එකත් කම්මැලිකමක් වගේ. ඇස් දෙක පියාගෙන විනාඩි දහයක් කිසිම දෙයක් නොකර ඉන්න එකත් කාලය නාස්ති කරනවා වගේ.

මොකද, අපේ වටිනාකම මනින්න අපි පුරුදු වෙලා ඉන්නේ කොච්චර "ඉවර කළාද" කියන එකෙන් මිසක්, අපි කොච්චර සැනසිල්ලෙන් ජීවත් වුණාද කියන එකෙන් නෙවෙයි.

ඒ නිසා Slow Living කියන අදහස අපිට අමුතුයි. සමහර වෙලාවට බය හිතෙන දෙයක්. මොකද, නතර වුණොත් අපි පරදින්නයි යන්නේ කියන විශ්වාසය අපි ඇතුළේ ගොඩක් ගැඹුරට මුල් බැඳගෙන තියෙනවා.
ඇත්තටම වෙලා තියෙන්නේ අපිට ජීවිතය විඳින එක අමතක වෙලා.

අපි උදේ කෑම කන අතරේ හිතන්නේ වැඩ ගැන. වැඩ කරන අතරේ හිතන්නේ ඊළඟ වැඩේ ගැන. ගෙදර ආවම හෙට ගැන. හෙට ආවම ලබන සතිය ගැන. මේ විදියට අපි ඉන්නේ හැම වෙලේම "ඊළඟ මොහොතේ". ඒ නිසා මේ මොහොත අපෙන් ලිස්සලා යනවා.

Slow Living කියන්නේ ඒ වේගවත් ලෝකය නවත්තන එක නෙවෙයි. ඒක කරන්නත් බෑ. ඒ වෙනුවට, ලෝකය එයාගේ වේගයෙන් යද්දී, තමන්ගේ හිත ඒ වේගයට වහල් නොකරගෙන ජීවත් වෙන්න ඉගෙන ගන්න එක.

ඒක නිසා තමයි Slow Life එකක් ගත කරන කෙනෙක් අනිවාර්යයෙන්ම සල්ලි තියෙන, නිදහස් කාලය වැඩි, ගමේ ජීවත් වෙන කෙනෙක් වෙන්න ඕන නැත්තේ. එයාත් රස්සාවකට යන්න පුළුවන්. ළමයි බලාගන්න පුළුවන්. Business එකක් කරන්න පුළුවන්. Deadline එක්ක වැඩ කරන්නත් පුළුවන්.

වෙනස තියෙන්නේ එයා කරන වැඩ ප්‍රමාණයේ නෙවෙයි. ඒ වැඩ කරන මානසික තත්ත්වයේ.

ඒ නිසා Slow Living කියන්නේ වැඩ අඩු කිරීමක් නෙවෙයි. අනවශ්‍ය මානසික බර අඩු කිරීමක්.

අපිට ජීවිතේ වැදගත් දේවල් දැකගන්න, හොඳ තීරණ ගන්න, මිනිස්සු එක්ක ගුණාත්මක සම්බන්ධතා ගොඩනගාගන්න, අපි ගැනම අහන්න, විඳින්න... මේ හැමදේටම අවශ්‍ය වෙන්නේ මේ අභ්‍යන්තර සන්සුන්කමයි.

මට නම් හිතෙන්නේ ඒ සන්සුන්කම ගොඩනගාගන්න නම් අපි තුළ ගුණාංග හතරක් වර්ධනය වෙන්න ඕන.

Smartness – හැම දේම කරන්න උත්සාහ කරන එක නෙවෙයි. තමන්ගේ වටිනාම වත්කම් වෙන ශක්තිය සහ කාලය වටිනාම දේවල් වෙනුවෙන් යොදවන්න දැනගන්න එක සහ ඒව ඵලදායී විදියට පාවිච්චි කරන එක.

Confidence – අනිත් අයගේ ජීවිතයත් එක්ක තරඟ නොකර, තමන්ගේම රිද්මයට ජීවත් වෙන්න තිබෙන ධෛර්යය. තමන්ගේ හෘද සාක්ෂියට එකඟ නම් ඒ තීරණේ බය නැතුව කෙලින් හිටගෙන ගන්න තියෙන නිර්භීතකම.

Moderateness – වැඩ සහ විවේකය, අභිලාෂය සහ සැනසීම, උත්සාහය සහ නතර වීම අතර සමබරතාවය රැකගන්න පුළුවන් වීම. කොයිම වෙලාවකවත් කිසිම දේක අන්තයට යන්නේ නැතුව මැද මාවත තෝර ගැනීම.

Acceptance – ජීවිතේ හැම දෙයක්ම අපේ පාලනය යටතේ නැහැ කියන සරල ඇත්ත පිළිගන්න එක. වෙනස් කරන්න පුළුවන් දේ වෙනස් කරලා, වෙනස් කරන්න බැරි දේවල් එක්ක සටන් නොකර ජීවත් වෙන්න ඉගෙන ගන්න එක.

මේ points 4 මං වෙන පෝස්ට් එකකින් විස්තර කරන්නම්. මොකද ඒව කතා කරන්න ගියොත් මේක හුඟක් දිග වෙනවා.

අවසානයේ, Slow Living කියන්නේ වේගය අඩු කරපු ජීවිතයක් නෙවෙයි. ලෝකය කොච්චර වේගයෙන් දිව්වත්, ඒ වේගයට ඔබේ හිත පාලනය කරන්න නොදී ජීවත් වෙන්න ඉගෙන ගන්න එක.

කාර්යබහුල දවසක් ඇතුළෙත් සන්සුන් මනසක් තියාගන්න පුළුවන් නම්, වගකීම් ගොඩක් මැදත් ඔබව ඔබටම අහිමි නොකර ඉන්න පුළුවන් නම්, ඔබ දැනටමත් Slow Life එකක් ජීවත් වෙන්න පටන් අරන්

මොකද අවසානයේ, Slow Living කියන්නේ ඔබේ දවස වෙනස් කරන එකට වඩා, ඔබ දවස ජීවත් වෙන විදිය වෙනස් කරන එකයි.

"මොහොතක් නැවතිලා හුස්ම ගන්න - ජීවිතේ සුන්දරයි."

-ORA Sarah-

15/07/2026

A candle with a calming scent🕯️, a few colours🎨, and a piece of paper📜...

Sometimes, peace doesn't ask for much.
Just a quiet corner to create, breathe, and let your worries slip away.

This is my relaxing corner. 🍃🌿

11/07/2026

"Slow living" කිව්ව ගමන් අපිට මතක් වෙන්නෙ සුරංගනා ලෝකයක් වගේ ලස්සන, perfect විදියට arrange කරලා තියෙන ගෙදරක උදේ පහට විතර වදින එලාම් එකකට හරිම ලස්සනට ඇහැරිලා හරිම ප්‍රබෝධමත් විදියට ඇදෙන් බැහැලා ගිහින් ලස්සන coffee machine එකකින් කෝපි එකක් හදාගෙන, ලස්සන view එකක් තියෙන ජනේලයක් ළඟ තියෙන reading corner එකක ඉඳගෙන උදෙන්ම පොතක් කියව කියවා කෝපි කෝප්පෙ බොන ලස්සන කෙල්ලෙක්ව. නැත්තම් හරිම ලස්සන පාට පාට breakfast එකක් හදාගෙන කාලා back yard එකේ වවලා තියෙන එළවලු, මල් තියෙන පාත්තියකට හරිම සතුටින් සාත්තු කරන දර්ශනයක්. ඒත් නැත්නම් හවස තේ එකක් හදාගෙන ලස්සන sunset එකක් නැත්නම් වැස්සක් දිහා බලාගෙන බැල්කනියක කවුරු හරි සැපට ඉන්න scene එකක්. නැත්නම් ඈත පළාතක ලස්සන පරිසරයක පොඩි ගෙදරක තනියම ජීවත් වෙන කෙනෙක්ව. අපි ගොඩක් දෙනෙක් දවසේ වැඩි වේලාවක් ඉන්න social media වලින් අපි දකින්නේ ඔහොම දේවල්. මං දැකලා තියෙන ගොඩක් ඒ වගේ පෝස්ට් වල තියෙන comment එකක් තමයි "අපිටත් ඔහොම ඉන්න තිබ්බා.... සල්ලි කඩන්න පුළුවන් ගහක් තිබ්බා නම්" කියන එක.

මෙතනදි අපිට තේරෙන්නේ නැති දේ තමයි මේ ඔක්කොම දේවල් අපේ ඔළුවට එන්නේ කැමරාවක් ඉස්සරහ ඉන්න මනුස්සයෙක්ගේ ජීවිතේ තියෙන ඉතාම කෙටි මිනිත්තු කිහිපයක් විතරයි කියන එක. කැමරාව off වුණාට පස්සෙ එයාලත් වැඩට යනවා. බිල් ගෙවනවා. ළමයි බලාගන්නවා. ගෙදර අස් කරනවා. ප්‍රශ්නවලට මුහුණ දෙනවා. වෙලාවකට මහන්සි වෙනවා. වෙලාවකට අඬනවා. වෙලාවකට හිත රිදෙනවා. එයාලගෙ ජීවිතත් අපි හැමෝගෙම ජීවිත වගේම සාමාන්‍යයි. අපි දකින්නේ ඒ ජීවිතේම ඉතාම ලස්සනට frame කරපු තත්පර කිහිපයක් විතරයි.

ගැටලුව පටන් ගන්නෙ ඒ frame එක තමයි Slow living කියලා අපේ හිත definition එකක් හදාගෙන තියෙන එකෙන්. එතකොට අපි හිතනවා, "මට ලොකු ගෙයක් නැහැ...", "මගේ kitchen එක Instagram එකේ වගේ නැහැ...", "මට උදේ පැය දෙකක් නිදහසේ ඉන්න වෙලාවක් නැහැ...", විශේෂයෙන්ම "ඕව කරන්න මට සල්ලි නෑ....", "මගේ ජීවිතේට slow living ගැළපෙන්නෙ නැහැ..." කියලා. ඒ නිසා අපි නොදැනුවත්වම slow living කියන එකේ තේරුම වත් හරියට නොදැන ඒක අපේ ජීවිතෙන් ඈත් කරලා දානවා. ඒක ලස්සන මිනිස්සුන්ට, ලොකු ගෙවල් තියෙන මිනිස්සුන්ට, වගකීම් අඩු මිනිස්සුන්ට, සල්ලි තියෙන මිනිස්සුන්ට විතරක් අයිති lifestyle එකක් කියලා බොරුවක් හිතාගන්නවා.

ඒත් ඇත්තටම slow living කියන්නේ සුඛෝපභෝගී පහසුකමක් නෙමෙයි. ඒක ඕනම මනුස්සයෙක්ට "ජීවත් වෙන්න" ඕන කරන Mindset එකක්. ඒ වගේම තමයි slow living කියන්නේ වැඩ ඔක්කොම මග ඇරලා rest කරන එකත් නෙමේ. හැමදේකින්ම පැනලා ගිහින් තනියම ජීවත් වෙන එකත් නෙමේ.
මොකද ඇත්ත කතාව නම් අද මේ ලෝකෙ survive වෙන්න නම් අපි ගොඩක් දෙනාට දුවන්නම වෙනවා. ඒ දුවන වේගෙ එක එක්කෙනාගේ ජීවිතේ වගකීම්, තෝරාගැනීම් එක්ක වෙනස් වෙනවා. සමහර ඉතාම සුළු පිරිසකට විතරයි එහෙම නොදුවා ජීවත් වෙන්න පුළුවන්. හැබැයි බොහෝ දෙනාට ජීවිතේ මොන මොහොතක හරි දුවන්න වෙනවා. සමහරවිට අවුරුදු කිහිපයක්. ගොඩක් වෙලාවට මුළු ජීවිතේම.
අනික, මුළු ලෝකෙම ඉන්න මිනිස්සු "slow living" කියලා තමන්ගේ වැඩක් විතරක් බලාගෙන, හුදෙකලා වෙලා ජීවත් වෙන්න පටන් ගත්තොත් මේ ලෝකෙම නතර වෙයි. කවුද රෝහල්වල වැඩ කරන්නේ? කවුද අපේ ආහාර නිෂ්පාදනය කරන්නේ? කවුද ගුවන් යානා පියාසර කරන්නේ? කවුද මේ ලෝකේ පරිපාලනය කරන්නේ? කවුද අපේ ආරක්ෂාව ගැන වගකියන්නේ?

ඒ නිසා slow living කියන්නේ දුවන එක නවත්තන එක නෙමෙයි. හැම දේම perfect වෙනකල්, වැඩ අඩු වෙනකල්, නිදහස් වෙලාවක් ලැබෙනකල් ඉඳලා පස්සේ ජීවිතේ විඳින්න පටන් ගන්න එකත් නෙමෙයි. මොකද එහෙම දවසක් ගොඩක් දෙනෙක්ගේ ජීවිතවල කවදාවත් එන්නේ නැති වෙන්න පුළුවන්. එහෙම බලාගෙන ඉද්දි අපිට වෙන්නේ මුළු ජීවිතේම දුවලා, ජීවිතේ විඳින්න අමතක වෙන එක.

Slow living කියන්නේ දුවන ලෝකයක් ඇතුළෙත්, දුවන්නම වෙන ජීවිතයක් ඇතුළෙත්, පුංචිම පුංචි වෙලාවකට හරි නවතින්න අපි අපිටම අවසර දෙන එක.
දවසට විනාඩි දහයක් හරි "me time" එකක් වෙන් කරගන්න එක. ඔක්කොම ප්‍රශ්න අමතක කරල දාල විනාඩි කිහිපයක් shower එකට ඔළුව අල්ලන් ඉන්න එක. ඒ විනාඩි කිහිපයෙදි වතුරෙ සීතල feel කරන එක. ඒකට expensive coffee mug එකක් ඕන නෑ. අතේ තියෙන සාමාන්‍ය කෝප්පෙ තේ එකත් ඉක්මන් නොවී රස විඳින්න පුරුදු වෙන්න ඕන. ඒකට Pinterest එකේ වගේ ගෙයක් ඕන නෑ. තමන් ඉන්න පොඩි ගෙදරට ස්තුතිවන්ත වෙලා ඒ තැන පොඩ්ඩක් හරි සැනසිල්ලක් දැනෙන තැනක් කරගන්න පුරුදු වෙන්න ඕන. ඒකට ලොකු free time එකක් තියෙන මනුස්සයෙක් වෙන්න ඕන නෑ. ඉතාම කාර්යබහුල දවසක් ඇතුළෙත් පොඩි මොහොතකට හුස්මක් අරගෙන තමන් ජීවත් වෙනවා කියලා තේරුම් ගන්න පුළුවන් වෙන්න ඕන. කරන්න තියෙන දේවල් අතරේත් ජීවත් වෙනවා කියන හැඟීම නැති කරගන්නෙ නැති කරගන්නෙ නැතුව ඉන්න ඕන.
මං ආයෙත් කියනවා...... slow living කියන්නේ සුඛෝපභෝගී පහසුකමක් නෙමෙයි. ජීවිතේ හැම ප්‍රශ්නයක්ම ඉවර වුණාට පස්සේ ලැබෙන තෑග්ගකුත් නෙමෙයි.
ඒක දුවන ජීවිතයක් ඇතුළෙත්, ජීවිතේ මඟ නොහැර ඉන්න අපි ගන්න පුංචි තීරණයක්...
ඒක හැම මනුස්සයෙක්ටම අත්‍යවශ්‍ය, හැබැයි ගොඩක් අය තමන්ට අයිති නැහැ කියලා හිතන ජීවිතයක්....

"මොහොතක් නැවතිලා හුස්ම ගන්න - ජීවිතේ සුන්දරයි."

-ORA Sarah-

20/03/2026

Another day with my art therapy.

13/03/2026

It is okay not to finish an art at once. sometimes heart says it is enough for today. Then give it a pause and start againg when heart says to.

11/03/2026

Slow mornings 🌿🍃🪷

10/03/2026

Can you ever imagine that one piece of canvas, some strokes of paint and a mindful thought of an artist can bring life into a dead wall.

Making livable spaces🪷🍃🌿

05/02/2026

3 more days.... Visit us @ Kala Pola❤️❤️

Kala Pola Sri Lanka’s annual open-air art fair, returns for the 33rd year on 8th February 2026!

Celebrate the vibrant artistry of Sri Lanka as we bring together creativity, culture, and connection. Whether you’re an art enthusiast, a curious explorer, or simply love experiencing the energy of local talent, this is the event for you!

Stay tuned for more updates!