HERA • Architects

01/04/2026

❤️🌿

11/07/2023

Archi talks | Post 03🌿
————————————
කොහොමද හැමෝටම...

පුංචි නිහැඬියාවකින් පස්සෙ ආයිත් වැඩ පටන් ගන්න අතරතුරේ මේ දවස්වල architecture field එකේ, interior designs ගැන කතා කරද්දි නිතර අහන්න ලැබෙන පුංචි පුංචි මාතෘකාවක් ගැන ඔයාලට තොරතුරු කියන්න හිතුණා...

ඉතින් අද මං කතා කරන්න යන්නෙ, ජනප්‍රිය style එකක් වන "Minimalist interior design" style එක ගැනයි...Architecture field එකේ අයට නම් මේක අලුත් දෙයක් නොවුණත් ලස්සන ගෙයක් හදන්න හීන දකින වෙනත් field එකක ඉන්න කෙනෙක්ට මේ ගැන දැනගන්න එක ගොඩක් වැදගත් වේවි...

ඔයාලට මතක ඇති ඉස්සර අපේ ගෙවල්වල පුරවලා තිබ්බෙ එකක එක විදිහෙ ගෘහ භාණ්ඩ...සමහරක් දේවල් තිබ්බා අපි කවදාවත් පාවිච්චිත් නොකරපු...මොකද ඒකාලෙ trend එක උනේ ගෙවල් ඒ විදිහට බඩුමුට්ටුවලින් පුරවලා තියන එක...

හැබැයි දැන් වෙද්දි මේ trend එක සම්පූර්ණයෙන්ම වෙනස් වෙලා තියෙනවා...ජපානේ වගේ රටවල මේ trend එකට හාත්පසින්ම වෙනස් Minimalist interior design භාවිතයට ඇවිත් කාලයක් ගියත් ,අපේ ලංකාවෙ තාමත් මේ concept එක ජනප්‍රිය වෙන කාලයකයි තියෙන්නෙ...

ඉතින් මේ design එකේදි " each and everything within the design needs a place and a reason". ඒ කියන්නෙ අපි ඒ design එකට එකතු කරන හැමදේකටම හරි තැනක් වගේම හේතුවකුත් තියෙන්න ඕනි. අර ඉස්සර වගේ දකින දකින හැමදේම අරගෙන ගේ ඇතුලෙ එකතු කරගන්න එක මේ design method එකෙන් හරි ලස්සනට control කරනවා...මේ method එකේ තියෙන ප්‍රධානම ලක්ෂණයත් තමයි සරලබව...හොඳ ආලෝකයක්, විවෘත ඉඩකඩක්, අවශ්‍යම ගෘහ භාණ්ඩ කීපයක් විතරක් එක්ක හරි ලස්සන නිදහස් ගෙදරක් design කරන්න මේ design method එක අපිට පාර කියනවා...

ගෙදරක් හදද්දි වටිනම දේ එතන ඉද්දි අපිට දැනෙන නිදහස...ඉතින් ඒ නිදහස හරියටම විඳින්න, හොඳ design එකකට ඔයාගෙ සිහින නිවහන එක ලස්සනෆ plan කරගන්න Dream Homes Lanka අපිටත් කතා කරන්න අමතක කරන්න එපා...

HERA • Architects
———————————————————
email : [email protected]
Tel. : 0711625102

මේ minimalist interior design ගැන ඔයාට අදහසක් ගන්න අන්තර්ජාලයෙන්(pintrest) උපුටගත්ත design ටිකකුත් මේ ලිපියට මං එකතු කරා..

තවත් දවසක මේ වගේම architectural designing හා interior desiging world එකේ වටිනා කරුණ්ක් ගැන අපි කතා කරමු...පේජ් එකට ලයික් කරන්න වගෙම ශෙයා කරන්නත් අමතක කරන්නෙපා!

17/07/2022

මුදලකට එහා ලැබෙන එකම සතුට..❤️

දින දෙක තුන නිදි නැතුව හිතිමින් ඉරිකෑලි ගොඩකට සීමා වෙන ඒ හැම බිම් අගලක්ම හරි අපූරුවට පියවරෙන් පියවර.. අඩියෙන් අඩිය හැදෙනවා දකිද්දී ඒ දැනෙන සතුට සල්ලි වලට ගන්න බෑ කවදාවත්ම...

Ongoing project | D45
———————————-
Location : Getahaththa, Avissawella.
Client : Mr.Waruna Kavinda
Type : Single story house
Build Area : 1,930 sqft

Designed by : Hemal Ranasinghe

Project Consultancy : HERA • Architects

Building Construction : Dream Homes Lanka (Pvt) Ltd

07/06/2022

Ceylon Architecture | Post 04 🌿
————————————————-
හොරගොල්ල වලව්වේ පරණ අශ්වගාල සුනේත්‍රා මහත්මියගේ පුද්ගලික නිවස්නය බවට පරිවර්තනය වීම. 🌻☘️🌿

සුනේත්‍රා සහ ජෙෆ්‍රී බාවාගේ මිතුදම නිසා ජෙෆ්‍රී බාවා සුනේත්‍රාට ඔහුගේ නිර්මාණ පෙන්නන්න එක්ක යනවා . ජෙෆ්‍රී බාවා ගේ පුද්ගලික නවාතැන්පොළ වූ ලුනුගග බලන්න ඇය යන්නෙ සිය මවත් සමඟින් . සිරිමාවෝ මැතිනිය නම් කැලෑබද පෙදෙස ට එච්චර කැමත්තක් දැක්වූයේත් නැතිලු. කොහොම වුණත් දැන් හෙරිටන්ස් අහුන්ගල්ල ( ඒ කාලේ ට්‍ර්‍යිටන් හෝටලය) ආදියත් පෙන්නන්න එක්ක යනවා.

මේ නිර්මාණවලට සුනේත්‍රාගෙ හිත තදින් බැඳෙද්දි ඇයට හිතෙනවා , හොරගොල්ල වලව්වේ පරණ අශ්වගාල එයාගේ පුද්ගලික නිවස්නය බවට පරිවර්තනය කරගන්න.මේක මුලින් ම ජෙෆ්‍රී බාවාට කියුවාම ඔහුගේ පිළිතුර උනේ බෑ කියන එක.පසුව සුනේත්‍රාගේ බලවත් ඉල්ලීම මත ඔහු එනවා මේක බලන්න.
සුනේත්‍රා ම විස්තර කරන විදිහට ජෙෆ්‍රී බාවා කාර් එක අතරමග,ඒ කියන්නේ අශ්වගාල ට ගොඩක් මෙහායින් නවත්වලා එලියට බහිනවා."ජෙෆ්‍රී කියන්නේ ඉතාම උස මනුස්සයෙක්. ඔහු භූමී දර්ශන , ගොඩනැගිලි සීමා හොඳට නිරීක්ෂණය කරා.ඔහු ඊළඟට කරේ සිගරට්ටුවක් දල්වා ගන්න එක.ඔහුගේ මනස කැමරාවක් වගේ සියලු විස්තර උකහාගත්තා. මට තේරුනා ඔහු මේ ඔහුගේ වැඩේට අවශ්‍ය පසුබිම හදන බව. ඊට පස්සේ ඔහු කියුවා ඔව් මම ඒක කරන්නම් ( Yes I'll do it) කියලා. මෙහෙම ඈත ඉදන්ම සියලු දේ නිරීක්ෂණය කරලා පසුව තමයි ඔහු අඳාළ අශ්වගාලට පැමිණුනේ."

ඔන්න ඔහොමයි ජෙෆ්‍රී බාවා අතින් හොරගොල්ල කියන නිර්මාණය බිහිවෙන්නේ.මේක ගොඩනගන්න අවශ්‍ය දේවල් හොයන්න සුනේත්‍රා සහ එවකට ඇයගේ සැමියා සෑහෙන්න මහන්සි වෙලා තියෙනවා. ඔවුන්ම තමයි පරණ බඩු එකතු කරගෙන මේක කරන්නේ.

ජෙෆ්‍රී බාවා එක්ක මේ කාලයේ වැඩ කරනවා ඉන්දියානු ගෘහනිර්මාණ ශිල්පියෙක්.නමින් පිලිප් ෆොව්ලර්( Philip Fowler). ඔහු තමයි වැඩිපුර මේකට සහය වෙන්නේ .

ජෙෆ්‍රී බාවාගේ උපදෙස් මත සුනේත්‍රා ගෙදර වටේම ගස් වවනවා.වැඩියම වවන්නේ හොර,කොට්ටන් සහ කොහොඹ.

මේ සුන්දර නිර්මාණය ජෙෆ්‍රී බාවාගේ ඉහළම නිර්මාණයක් විදිහට පැසසුම් ලබනවා.1987 තමයි සුනේත්‍රා මේකේ පදිංචියට එන්නේ.ජෙෆ්‍රී බාවාගේ පරිකල්පනය,හැකියාව මේ ගෙදර හැම ගඩොලකම ගැබ් වෙල තියෙනවා.🖤🖤

🖤🖤හරි මග පෙන්වීම තියෙනවා නම් ඕනෑම අයෙක්ට ලස්සන ගෙයක් හදාගන්න පුලුවන් කියන එකට මේක හොද උදාහරණයක්🖤🖤

Discovered & Written by :
HERA • Architects by Hemal Ranasinghe

02/06/2022

Ceylon Architecture | Post 03
———————————————
මහනුවර නුගවෙල අලුත් වලව්ව ...🏰🏞️

අහලා තියෙනවද පුංචි බණ්ඩා නුගවෙල ගැන? 1920 දශකය වෙද්දී නුවර දළදා මාළිගාවේ දියවඩන නිලමේ විදියට කටයුතු කළේ ඔහුයි. ඔහුට පරම්පරාවෙන් උරුම වුණු වලව්වක් තිබුණා. 1850දී කේ.නුගවෙල විසින් ඉදි කරන්න මුල් වුණු මේ වලව්ව හැඳින්වුණේ බෙරගම වලව්ව නමින්. අක්කර පහක පමණ ඉඩමක හැදුණු බෙරගම වලව්වට, යුරෝපීය ගෘහ නිර්මාණ ශිල්පය එකතු කරන්න පුංචි බණ්ඩා නුගවෙල කටයුතු කළා.

මේ පෙනුම සම්පූර්ණ වෙන්න අවුරුදු තුනහතරක් ගත වුණා. අලුත් වලව්වට ලැබුණු නම වෙන්නේ “නුගවෙල වලව්ව” යන්නයි. පුංචි බණ්ඩා තමන්ගේ දියණියන් තුන්දෙනා එක්ක නුගවෙල වලව්වේ පදිංචි වෙද්දී, පරණ බෙරගම වලව්ව පාවිච්චියට ගත්තේ ඔහුගේ පුතුන් තුන්දෙනායි. හැබැයි 1952දී පරණ වලව්ව බිඳ දමනු ලැබුවා.

1928 අවුරුද්දේදී මහත්මා ගාන්ධි නවාතැන් ගත්තෙත් මේ වලව්වෙයි. ඒ විතරක් නෙවෙයි, “Purple Plain” චිත්‍රපටිය පටිගත කරද්දී ග්‍රෙගරි පෙක් නම් රංගන ශිල්පියා මේ නිවස පාවිච්චියට ගත්තා. 1950 වෙද්දී නුගවෙල වලව්වේ අයිතිය තිබුණේ කර්නල් ඩෙරික් නුගවෙලටයි. එම්.පී.එස් මාරවනගොඩ මහත්මයා මේක ඔහුගෙන් මිලදී ගන්නා ලදී..පසුව , අද අපි දකින වර්තමාන Manor House Kandy හෝටලය පවත්වාගෙන යයි

තොරතුරු සහ ඡායාරූප අන්තර්ජාලයෙනි.
Discovered & written by :
Hemal Ranasinghe | HERA • Architects

16/05/2022

Construction knowledge | post 07
—————————————————-
නාගරිකරණය වූ හෝ වෙමින් පවතින ප්‍රදේශයක ඉඩමක් මිලදී ගැනීමට කැමැත්තෙන් සිටින ඔබට මෙය වැදගත් විය හැක. 🤟

ඉඩම් කොටසක් තෝරා ගැනීමේ දී ඔබ පහත සඳහන් කරුණු කෙරෙහි දැඩි අවධානයක් යොමු කළ යුතු ය. මිල ගණන්, ඔප්පුහි නිවැරදිතාවයන්, පහසුකම් මෙන් ම පහත සඳහන් කරුණු කෙරෙහි ද අවධානය යොමු විය යුතු ය.

x වාහන දෙකක් මාරුවීමට තරම් මාර්ගය ප්‍රමාණවත්ද?
x වැහි වතුර ගලා යාම සඳහා ඇති ක්‍රමවේදය.
x විදුලිය ලබා ගැනීමේ දී ඇති විය හැකි අපහසුතා.
x ළිඳක් කැපීමට හැකියාවක් ඇත් ද?
x යාබද ඉඩම් හි ළිං පිහිටීම නිසා වැසිකිලි වලක් හෝ අපද්‍රව්‍ය වලක්
සෑදීමට හැකියාව තිබේ ද?
x ඔබේ ඉඩමට අනෙකුත් නිවාසයන්හි මායිම්ගත වූ බැමි පිහිටා තිබෙන
ආකාරය.
x පුවරවන ලද ඉඩමක් ද නැද්ද යන්න.
x යාබද ඉඩම් හි නිවාස පිලිබඳ විස්තර.
x යාබද ඉඩම් හි ශබ්ද නැගෙන කර්මාන්ත ශාලා පිහිටා ඇත් ද නැද්ද?
යන වග.
x අසල්වැසියන්ගේ හැදියාව සහ කල්ක්‍රියාව පිලිබඳ ඔබට මිනුමක් ලබා
ගත හැකි ද?
x ඉඩම ආසන්නයේ දුරකථන සම්ප්‍රේශණ කුලූණු පිහිටා ඇත් ද? ඉඩමට
ඉහලින් අධි වෝල්ටීයතාවයෙන් යුතු විදුලි රැහැන් තිබේ ද?
x ඉඩමේ සැලසුම අනුමත කර ඇද්ද? අනුමත කර ඇත්නම් එහි සඳහන් කොන්දේසි පිළිබඳව ද ඔබ අවබෝධයක් ලබා ගත යුතු ය. සමහර නගරසභාවන් මගින් නේවාසික ඉදිකිරීම්වලට අවසර නොදෙන අවස්ථාද ඇත. සැලසුමේ සඳහන් මැනීම කරන ලද දිනය ඔබට ඉතා වැදගත් ය. වර්ෂ ගනණාවකට පෙර මිනුම් කටයුතු කර ඇත්නම් ඔබ අනිවාර්යයෙන් ම නැවත මිනුම් කටයුතු සිදු කොට සැලසුමක් ඇඳ ගත යුතු ය. එසේ නොවුනහොත් ඔබ වැඩි ඉඩම් ප්‍රමාණයකට මුදල් ගෙවා අඩු ඉඩම් ප්‍රමාණයක් ලබන්නෙක් විය හැකි ය.

වර්ෂ කීපයකට පෙර අනුමත කරන ලද ඉඩම සඳහා නගරසභාව විසින් කොන්දේසි ඇතුලත් කිරීමේ දී පාරේ සිට ඇති දුර අඩි 20ක් හෝ 5ක් ලෙස සඳහන් කර තිබුණද නව නීති යටතේ එය වෙනස් වීමට හැකියාව ඇත. පෙර පෞද්ගලික පාරක් ලෙස තිබුණද වර්තමානයේ එය නගර සභා හෝ ප්‍රාදේශීය සභා පාරක් වීමේ දී මෙම දුරස්ථභාවය පිළිබඳ ගැටලූව ඔබට පැන නගිනු ඇත.

x ඉඩම මිලදී ගැනීමේ දී ඔප්පුවල පෙර පිටපත්, පෙර සැලසුම්, වර්පනම් ගෙවූ බවට සහතික, වීථි රේඛා සහතික, නොපරවා ගැනීමේ සහතිකය, ඉඩම් හිමිකම් පිළිබඳ සහතිකය මෙන්ම නීතිඥ මහතාගේ පැටිකිරිය පිළිබඳ විස්තරයක් ද ඔබ ලබා ගත යුතු ය.

x ඔප්පු ලිවීමේ දී මුද්දර පිළිබඳ මතය විමසා කටයුතුු කරන්නේ නම් අනාගතයේ දී ඔබේ කාලය හා ශ්‍රමය වැයවන සිදුවීම්වලින් නිදහස්ව කටයුතු කිරීමට
ඔබට අවස්ථාව සැලසෙනු ඇත.

x ඉඩම මිලට ගැනීමට පෙර ශුද්ධ කරන ලද ඉඩමක් දැකීම ඔබට යහපත් වේ.

ඉහත සඳහන් කරුණු සම්බන්ධයෙන් ඔබේ අවධානය යොමු කිරීම තුළින් ඔබගේ මුදල, කාලය මෙන්ම මහන්සිය ද, ඉඩම සම්බන්දයෙන් කරනු ලබන ආයෝජනය ද ඔබට වාසි ගෙනදෙනු ඇත.

Hemal Rānasinghē
Architectural designer

07/09/2021

R E S I D E N C E D E S I G N | D25 🌿
———————————————————
Ongoing project | 25.11.2020

නිවසක් යනු අද ගොඩ දෙනෙකුගේ හීන වලින් ඉදිරියෙන්ම තියෙන දෙයක්. ඒ හීනෙට පණ පොවන්නට හැකි ආයතනයක් ස්ථාපිත කරන්නට ලැබීමත්, ඊට සරිලනම වෘතිමය වශයෙන් දක්ෂ කණ්ඩායමක් නිර්මාණය කර සේවාදායක ඔබ වෙත හැකි සෑම මොහොතකම ගුණාත්මක හා කාර්‍ය්‍යක්ෂම සේවාවන් ලබාදීමට හැකිවීම අපටහට ඉමහත් සතුටකි හා අහිංසක ආඩම්බරයකි..

A Short Description
——————————-
Location : Katana,Negombo.
Land Area : 13.3 Perch
Build.Area : 4.62 Perch

It’s a three stories residence with four bedrooms, two bathrooms, a kitchen, a common living, a Tv lobby, a dining, a coffee area and two large balconies, Large open balcony, private gym, etc. The roof slab are functioning as a terrace in 2nd floor.

Achitectural design & Concept developed by :
Hemal Ranasinghe | HERA • Architects

Building Construction Consultancy by : DREAM HOMES LANKA (PVT) LTD

Contact us for more details via..

Hotline:
071 16 25 102 | 076 75 55 309

©All Rights Reserved

21/08/2021

Construction Knowledge | Post 06
—————————————————-

හාඩ්වෙයාර් එකට ගිහින් කෙලින්ම සිමෙන්ති කොට්ටයක් ඉල්ලුවට හරියටම ගන්න සිමෙන්ති එක ගැන දැනගෙන ඉන්න එකත් සෑහෙන්න වටිනවා අද කාලේ.. ඇත්තටම මොනාද මේ 107 සිමෙන්ති හා 1247 සිමෙන්ති??

විවිධ වෙළඳනාමයන්ගෙන් යුතු සිමෙන්ති වෙළඳ පොළේ දක්නට ලැබෙනවා. උදාහරණ විදිහට හොල්සිම්,සංස්ථා ,ටෝකියෝ සුපර්,අල්ට්‍රාටෙක්,අම්බුජා. මේ බ්‍රෑන්ඩ් නේම් එක .ඒ කියන්නේ සිමෙන්ති නිෂ්පාදිත සමාගමේන් දීපු නම.
කොහොම උනත් සිමෙන්ති කොට්ටයක ගහපු විස්තර හොඳින් බැලුවොත් ඔයාලට හොයා ගන්න පුළුවන් 1247 හෝ 107 කියන නොම්මර .

ඉස්සර නම් හොල්සිම් වලින් 1253 සිමෙන්ති ආවා.මම නම් ළගදී දැක්කේ නෑ.ඔය 107,1247 නොම්මර වලින් කියන්නේ SLAS Standrad එකක්. වෙනත් වචන වලින් කියනවා නම් ලංකාවේ ප්‍රමිති ආයතනය සිමෙන්ති සඳහා දුන් ප්‍රමිති සහතිකයට අනුකූලව නිපදවලා තියෙනවා කියලා තමා ඕකෙන් කියන්නේ.

මොකක්ද ඔය 1247 සහ 107 කියන්නේ… කොන්ක්‍රිට් එකට වැඩිය හොඳ ඔය දෙකෙන් මොකක්ද? බැම්මට සහ කපරාරුවට වැඩිය හොඳ මොකක්ද කියලා සමහරුන්ට ප්‍රශ්නයක් තියෙනවා.ඒ වගේම නොදැනුවත් කම නිසා සිදුවෙන වැරදීම් වගයකුත් තියෙනවා.

මුලින් අපි බලමු 107 සිමෙන්ති කියන්නේ මොකක්ද කියලා.107 සිමෙන්ති කියන්නේ සාමාන්‍ය පොට්ලන්ඩ් සිමෙන්ති.සරලව කියනවා නම් අමතර මුකුත් කලවම් නැති පරණ තාලේට හදපු සිමෙන්ති.එතකොට 1247 කියන්නේ මොකක්ද? ඒ තමා flyash මිශ්‍ර කරපු සිමෙන්ති. Flyash කියන්නේ මොනවද කියලා වෙනම කියන්නම්.

ගෙවල්වල දාන පොඩි පොඩි කොන්ක්‍රිට් සදහා ඔය සිමෙන්ති දෙකම ඉතාම හොඳයි. ඔය දෙකේ වෙනස ගෙයකට දාන පොඩි කොන්ක්‍රිට් එකකදී නොසැලකිය හැකිතරම් කුඩායි. ඒ නිසා ගෙදරකට ඔය මොන නොම්මරේ සිමෙන්ති භාවිත කරලා කොන්ක්‍රිට් දැම්මත් එකයි.හැබැයි ඔබට කොන්ක්‍රිට් එකට හොඳම එක ඕනේ නම් 1247 තමා වැඩියෙන්ම හොඳ .තවත් එකක් මතක තියා ගන්න 1247 සිමෙන්තිය රුපියල් 70ක් විතර වැඩියි, 107 ට වඩා.

එහෙම නම් මොනවද මේ සිමෙන්ති වල වෙනස්කම්.1247 නොම්මරෙන් එන සිමෙන්ති ගත්තොත් ඒකට 107 ට වඩා සුවිශේෂී ලක්ෂණ කිහිපයක් තියෙනවා. ඒ අමතරව කලවම් කරලා තියෙන අමුද්‍රව්‍ය නිසා .එකක් තමයි මේ සිමෙන්තියේ තියෙන මලකෑමට ප්‍රතිවිරෝධී ලක්ෂණය. ඒ නිසා මේ සිමෙන්තිය පාලම්, මුහුද කිට්ටුව ඉදිකිරීම් ,පොළව යට ඉදිකිරීම් වලට හොඳ යි .ඒ වගේම විශාල කොන්ක්‍රිට් වියුහ වලදීත් යොදා ගන්න පුළුවන් .මොකද මේ සිමෙන්තියෙන් වෙන තාප විමෝචනය ගොඩක් අඩුයි .
උදාහරණයක් විදියට පිලිකා රෝගීන්ට විකිරණ ඇල්ලීමට හදපු කොන්ක්‍රිට් බන්කර් ගැන කියන්න පුළුවන් .මොකද ලංකාව පුරාම ඔය ඉදිකිරීම් වලට මං සම්බන්ධ වුනා .මේ කොන්ක්‍රිට් බංකර් වල බිත්ති අඩි 10 විතර පළලයි ඒ වගේම ස්ලැබ් එක අඩි 8 විතර ඝනකමයි.ඒ වගේ එකකදී අපි පාවිච්චි කරන්නේ flyash 20- 25% අතර තියෙන ඔය සිමෙන්තිය.මේ සිමෙන්තියේ තාප විමෝචනය අඩු නිසා කොන්ක්‍රිට් එක පුපුරන්නේ නෑ.එහෙම පිපුරුම් ඇති උනොත් විකිරණ කාන්දුවීමක් වෙන්න පුලුවන් නිසා ඉතාම උසස් තත්ව පාලනයන් යටතේ තමා මේ කොන්ක්‍රිට් වෙන්නේ. පල්ලෙහා මම ඇතුලත් කරපු පිංතූරයක ඇති තාප විමෝචනය සම්බන්දයෙන් ඔය කොන්ක්‍රිට් එකක කරපු උශ්නත්වය නිරීක්ශන කීපයකුත් .මම හිතන්නේ තාක්ෂණික කරුණු ගැන ගැඹුරට යන්න ඕනේ නෑ. උනන්දුවක් තියෙන කෙනෙක් ඉන්නවා නම් වැඩි දුර විස්තර කියලා දෙන්න පුලුවන්.

ඉතින් ඔබට ප්‍රශ්නයක් තියෙනව නම් කොන්ක්‍රිට් එකට වඩා සුදුසු මොන සිමෙන්ති ද කියලා වඩා සුදුසු 1247.හැබැයි 107 පාවිච්චි කරා කියලා ගෙදරක කොන්ක්‍රිට් එකකට කිසිම අවාසියක් වෙන්නේ නෑ.මොකද කොන්ක්‍රිට් ප්‍රමාණයන් පොඩි නිසා .

ඒ වගේම මතක තියා ගන්න 1253 එන හුණුගල් මිශ්‍ර සිමෙන්තිය කොන්ක්‍රිට් වලට සුදුසු නෑ කියලා. ඒකට හේතුව තමයි අමතරව එකතු කරලා තියෙන හුණු (Lime).ඒක වැඩියම සුදුසු කපරාරුවට සහ බැම්මට. කොන්ක්‍රිට් එක හැකිලිලා(Shirnk) පොඩි පිපිරීම් ඇති වෙන්න පුලුවන් හුණු නිසා.

ඉතින් ඊලග පාර හාඩ්වෙයාර් එකට ගිහින් සිමෙන්ති ගන්න කොට මේක කියවලා දැනුවත් වෙලා යන්න.එතකොට වැරදීම් සහ නොදන්නා මිනිස්සුන්ගේ බොරු කතාවලට ඇහුම්කන්න දෙන්න ඔනේ නෑ.

12/08/2021

22/07/2021

අමරණීය ඇබ්බැහිවීම
——————————
දවස් ගනන් නිදිමරාගෙන තමන්ගෙම අතින් එකින් එකට විස්තර කරල හිස් කොළ කෑල්ලකට එළියට එන, එහෙමත් නැත්තම් පින්තූර කිහිපයකට පමණක් සීමා වෙන නිර්මාණයක් ටිකෙන් ටික ගොඩනැගීගෙන එද්දී....

ඒ කලින් ඇස් දෙකෙන් දැකලා හිතින් මවාගත්ත හැම අස්සක් මුල්ලකටම පණ ඇවිත් කමක්‍රමයෙන් ලස්සනට ක්‍රියාත්මක වෙනවා කියලා දැනෙනකොට හිතන එන සැහැල්ලුව හා නිහතමානී ආඩම්බරය තවත් එවන් නිර්මාණ ලක්ෂ ගානක් වුණත් කරන්න හිතට එන ශක්තියක වගේම ඒ ඇබ්බැහිවීම වචන වලට විස්තර කරන්න අමාරුයි... දන්න විදිහට කිව්වොත් ඒක එක්තරා විදිහක "immortal affiliation” එකක් විතරයි..

මීට,
හේමාල් රණසිංහ
Founder & Managing Director
HERA • Architects | Dream Homes Lanka (Pvt) Ltd.