11/12/2025
ලොරි පුරවලා ඒ මිනිස්සුන්ගේ සුන්බුන්! මං සුන්බුන් කිව්වට ඒ තමා අපේ මිනිස්සු පරම්පරා ගාණක් හම්බ කරගත්තු කොට්ට පැදුරු අල්මාරි ටික. පටවගන්ඩ බැරි කොච්චර දේවල් ඇතිද? කාගෙවත් නම්බුනාම, චණ්ඩිකං, වැට මායිං, ඉඩං නඩු පටවගෙන යන්නෑ නේ. ඒවා ජලාසෙට. ඊටපස්සේ කවුරුත් දන්නෑ ඒ වගේ දස මග අන්තරා කොච්චරක් වතුරට යට උනාද කියලා.
කිරිඅම්මෙක් මහ පොළොවට දණගහල වැන්දා.
"මයෙ අ.....ප්ප...ච්...චී! අපි යන්ට කියලා....!" ඒ කිරිඅම්මා පපුව තද කරගෙන අල්ලාගෙනයි එහෙම කිව්වේ. කිරිඅම්මා "මයෙ අප්පච්චී" කිව්වේ මහ පොළොවට. හැබැයි අපි - ඒ කියන්නේ එතන්ට රොක් වෙච්චි අය කඳුළු වාවා ගත්තේ අමාරුවෙන්. කොත්මලේ පිරෙන්ඩ වතුර තියෙද්දී අපේ කඳුළුත් මොකටද ඒකට. අපේ කඳුළු ඒකට වැටුණොත් නිස්කාරණේ ඒක පිටාර ගලයි.
උපුටාගැනීම : කඩදොර
________________________
