نوتيك - Notik

نوتيك - Notik Contact information, map and directions, contact form, opening hours, services, ratings, photos, videos and announcements from نوتيك - Notik, Arts & Crafts Store, Gharyan.

متجر يطرز بالخيوط فرحة التخرج 🎓👩‍🎓
We stitch the joy of graduation into every thread 🎓

نقدم (الجمال -الرقة-الدقة ) في كل قطعه تطرز
💫 هدايا تخرج مميزه ه🎁🫀محتوي تعليمي 📚

خلـونا متفقين ان احلى فرحة نعيشوها احنى البنيات هي فرحة التخرج 🎓🥹🩷🩷🩷.عشتـوها ولا مازال وقداش مازال باش تعيشوها ! 🩷
06/09/2026

خلـونا متفقين ان احلى فرحة نعيشوها احنى البنيات هي فرحة التخرج 🎓🥹🩷🩷🩷.

عشتـوها ولا مازال وقداش مازال باش تعيشوها ! 🩷

هلبا خريجات يسالو فيا شن الفرق بين vip -والحجز العادي تعالى انقوللكم :- 1-اول شي واهم شي والكل ايدور فيه سرعة التنفيد مه...
05/09/2026

هلبا خريجات يسالو فيا شن الفرق بين vip -والحجز العادي تعالى انقوللكم :-

1-اول شي واهم شي والكل ايدور فيه سرعة التنفيد مهما كان طلبك شال قبعه امريكي تلاتي تنائي كاب كله يجهز خلال 3ايام شفتي تحجزي سبت يجهز التلات
في الحجز العادي يلزم تحجزي عندي قبل 25يوم اقل شي 🫢

2-التغليف -تغليف vip فخم متعوب ع شعار ع بوكس ع تفاصيل كلها مختاره بدقه باش تبهر الزبونه (مايجيش حجز عادي يندار في بوكس vip ولا العكس ) كل حجز وبوكسه مانتلاخبطوش دنيا 🤣

3- حجز vipايجي معاه قصاصات وكاثرو للخريجة 💞.

4- اي تصميم ينطلب في vip يتنفذ 👌

5-السعر اكيد 🫢

بتجي زبونه بتقولي به علاش اني ممكن ندفع اكثر دام اني بناخد شال وقبعه في الاخير
بنقولك انه الباقه هادي مش ليك الباقه هادي اندارت ع شان نوعين من زباين :-
* الاول التخرج جاهم فجاءة وهما من دون اي تخطيط لقو رواحهم ضروري خلال ايام ايكون شالهم وقبعهم واتيين مش مجهزين قبل بشهر .
* النوع تاني زباين طبقه مخمليه الي مايحبوش حد ايدير زيهم وعندهم تصاميم خاصه بيهم يبوها مش شي تقليدي
وبس هو هذا ♥️

هانت ومضت تلك الايام بمُرها وحلوها وها أنتِ الان خريجه حققت احلامها🎓🩷 #تصويرنا #2026 #تخرج #تصوير #تطريز #خريجات
05/09/2026

هانت ومضت تلك الايام بمُرها وحلوها وها أنتِ الان خريجه حققت احلامها🎓🩷

#تصويرنا
#2026 #تخرج #تصوير #تطريز #خريجات

تفاصيل مصمّمة بحب، لذكرى تستاهل تبقى 🌸🎓🦋خريجة جميله (ايه البرعصي ) الف الف مبروك تخرج يارب انشوفك في اعلى مراتب نحب بنات...
04/09/2026

تفاصيل مصمّمة بحب، لذكرى تستاهل تبقى 🌸🎓🦋

خريجة جميله (ايه البرعصي ) الف الف مبروك تخرج يارب انشوفك في اعلى مراتب
نحب بنات الشرق ونحب نخدملهم انحب تعامل معاهم عسل ايهبلووووو 🥹🥹🌸💞

رغم الضي 😡الا انه مستمرين 👌في تقديم (اجمل خامات -دقة تطريز -مواعيد مقتوله ) اكتر حجز تعبني بس للامانه نتيجة تستاهل 🥹♥️اي...
02/09/2026

رغم الضي 😡الا انه مستمرين 👌
في تقديم (اجمل خامات -دقة تطريز -مواعيد مقتوله )
اكتر حجز تعبني بس للامانه نتيجة تستاهل 🥹♥️
ايجنننن 🎓🌸💞
خريجاتي محلى ذوقهم بصراحة 🦋

02/09/2026

#خريجة2026 #تطريز
❤️❤️🦋🦋

تخرجت بتعب امي ودعائها 🥹💞
01/09/2026

تخرجت بتعب امي ودعائها 🥹💞

01/09/2026

Pov: شكلي اول مايجي الضي بين الحجوزات

قصة اليوم ( جبر خاطر وتقة في الله )🥹😞بعد ايام يتصل بيا رقم :- سلام عليكم اني :- وعليكم السلام ورحمة الله تفضل *_ اني منذ...
31/08/2026

قصة اليوم ( جبر خاطر وتقة في الله )🥹😞

بعد ايام يتصل بيا رقم :- سلام عليكم
اني :- وعليكم السلام ورحمة الله تفضل
*_ اني منذوب توصيل وعندي مبلغ نبي انسلمه قالولي باسم متجرك (نوتيك )
اني - باسم من الطلبية
والله ماقالوليش باسم من بس هيا من منطقه كدا (—-) (منطقه في نهاية الجنوب غادي 🫢 )
اني - قوتله تعطيني شويا راجعت حجوزاتي - عندي طلبيه وحده في جنوب 🙄
اني - رديت عليه بس هادي مزال ماوتتش تجهز في بداية 9
قالي اي عارف بس فيه حد يبي ايخلصها قبل ماتبعتيها لبنت الي حاجزه وعطاني القيمه كامله قالي وصلها للمتجرك بحكم اني وصلت غريان امس ولما تجهز الطلبية ابعتوها لنفس المكان الي حجزت فيه البنت وتكون خالصه
اني :- قوتله به جيبلي المبلغ لما تجهز الطلبية خودها معاك ع اعتبار انك منذوب
*_ قالي والله مانعرف امتي نرجع وامتي ايكون في توصيله لغريان لهذا فلان قالي وصلها من توا اضمن مدامك ماشي ماشي
قوتله تمام استلمت المبلغ للامانه في وقتها الحجز ماكانش قدامي باش نعرف القيمة الا لما عديت رجعت للحجز تاكدت ميه ميه قوتله ميه ميه وتوكل ع ربي هو ..
وفي الوقت الي شديت فيه الفلوس اتجيني لحظه ادراك انه نفس المبلغ هو هو 🙄😳لازايد 10لا ناقص 5
اقسم بالله قعدت مصدومه ايجي 5دقايق وعيوني دمعو ..
مش ع مبلغ لكن ع جبر ربي 😭😭😭😭😭😭😭😭
نرجع بيكم فلاش باك …..
الحجز الي في صور كل تفاصيبه كانو حسب طلب الزبونه هدرزت معاها تبتت مل شي نفذت جهزت وبعتت زي كل طلبيات —- ولما وصل المنذوب فيها البنت قتله اني مانبيش نستلم وكلمتني قتلي معليشي مش حنستلم كيف علاش شن فيه قعدت اطلعلي في اعذار كلها كذب وبعدين سكرت الخط عليا 🙂

بعد الموقف هذا مانبيش نحكيلكم علي كمية الاحباط الي صارتلي مش لانه مبلغ كبير بس (مبلغ فوق 700) لانه كمية التعب وضغط النفسي الي انمرو بيه الفتره هادي احني كأصحاب مشاريع شي عجيب 😭😢😞
مسؤولية انك تعطي كلمة لخريج او خريجة وتقوللهم تم يجهز قبل التخرج وانت عندك ضي يهرب بي 12-13ساعه ولما ايجي ضي زيك زي اي مواطن عنده التزامات غير الخدمه (حوش عائلة الخ ) تفوتها كلها وتمشي طول للخدمه وتقول الباقي ايراجي عادي اهم شي انسلك الناس الي عابية عليا ومتهنيا ..

ايجوك في الاخير نماذج زي هادو اقسم بالله ممكن ضغط يوصل عندك 100 لاول مرة ايأثر فيا موقف هك بكيت دعيت ربي ووكلت الامر ليه انه ايعوضني وياهدلي حقي خدي معاي الموضوع يوم يومين وبعدين لهيت في باقي الحجوزات ونسيت القصه .

بعدها بي ايام صار الاتصال و المحادته الي فوق

🥹🥹😭😭😭😭😭😭

(((((((((((مانعرفش كيف نوصف الشعور 🥹)))))))))

الحمد الله ♥️

وفي نهاية الي نبي انقوله بمناسبة الموقف هذا الي صار معاي والي نشوف فيه فترة الاخيرة من مواقف ايصيرو مع اصحاب محلات ومشاريع في بلادنا - بالك البوست يوصل لاي حد ويأتر فيه ..
1-خافو ع ارزاق الناس راهو مش لاقينها ملوحه
2-اتقو الله في انفسكم وفي غيركم ❤️
3- عارف روحك ماتقدرش تدفع ماتحجزش وتجيب قلة الرحمة لوالديك
4-مش كل تشوفه في نت لازم اديره او ادير زيه مش كل شي ينزل كل ناس تاخده فيه الي تقدره وفيه الي ماتقدراش 👌
((ومش اسفه لا لبنات ولا لاهلهم اني نزلت اسمائهم في بوست زي هك لانه يستاهلو 🙂))

سوري طولت عليكم خديت راحتي سلامتي 🫣😆🤣

ممكن فرحة التخرج تتكرر بين بكالوريس - ماستر -والدكتوراه لطويل الروح 🤣🫣بس فيه اجماع من كل خريجاتي انه مش زي اول تخرج تقعد...
30/08/2026

ممكن فرحة التخرج تتكرر بين بكالوريس - ماستر -والدكتوراه لطويل الروح 🤣🫣
بس فيه اجماع من كل خريجاتي انه مش زي اول تخرج تقعد ديما فرحته بروحها
وتحت بند
ديري زي خريجتي ال جميلة (نصيب ) واختاري
"نوتيك " بلاش قفاصة 🤣هو يوم في العمر 🥹♥️

الف الف مبروك نصوبه يارب انشوفك في اعلى مراتب
الطلب كان منها وتصميم علينا للامانة حبييييت شال جدا جدا من لما خدمته ..
بساطه+ رقى 🔥❤️‍🔥🌸🎓🦋

Address

Gharyan

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 17:00 - 21:00
Saturday 09:00 - 21:00
Sunday 09:00 - 21:00

Website

,

Alerts

Be the first to know and let us send you an email when نوتيك - Notik posts news and promotions. Your email address will not be used for any other purpose, and you can unsubscribe at any time.

Shortcuts

Share

Category