22/10/2025
بالنسبه للجينيسس هذي سياره تبارك الله قياده وراحه وهدوء وعزل صوت وقوه وثبات وفخامة تبارك الله شفت يوتيوبر مصري اسم قناته ( Cars by maged) جرب السياره هذي وقال في السواقه كإنها مرسيدس اس كلاس من ناحية ركوب ومن ناحية صاله وكل شي وبالنسبة للاعطال الجينيسس تعتبر من اقل السيارات اعطالا في العالم سياره قليلة الأعطال عيب السياره هي طروفها ناااااار واشد حتى من النار مثلا توا البراوانتي الامامي سعره حوالي 7,000 دينار والسكاتله استعمال اوروبي تجيك ديما في جو 6,000 و 8,000 دينار والجديده موبس بالباكو سعرها وصل 12,000 دينار. لذالك السياره هذي تناسب الناس المعبيين سياره مثاليه للناس المعبيه يلي تبي سياره فخمه مريحه ثبات وسيفتي تعادل سياره المانيه وسياره قليله الأعطال يعني في المختصر الجينيسس عباره عن سياره جمعت مميزات السيارات اليابانيه + مميزات السيارات الالمانيه ويلي بيقول غير الكلام هذا معناها هذا واحد جاهل ومايعرف الجينيسس
