https://www.facebook.com/332887173231113/

MULTIVERSE-Literature, Mandalay (2026)

18/06/2026

“ဝမ်းနည်းမှတ်တမ်း”

မြန်မာစာပေလောကအတွက် သုတ ရသပိုင်းဆိုင်ရာ
စာအုပ်ပေါင်းများစွာ ဘာသာပြန် ပေးခဲ့သူ
စာရေးဆရာကြီး — (ဦး) တင်မောင်မြင့်
ယနေ့ ၁၈ ဇွန်လ ၂၀၂၆ ခုနှစ် ၊ ကြာသပတေးနေ့၊
မွန်းလွဲ ၁၂ နာရီ ၃၅ မိနစ်တွင် ကွယ်လွန်သွားခဲ့ပြီဆိုတဲ့ သတင်းကြောင့် ရင်ထဲမှာ တကယ်ကို ဝမ်းနည်းကြေကွဲရပါတယ်။

ဆရာကြီးရဲ့ ဘာသာပြန်လက်ရာများစွာထဲမှာ ကျွန်မအကြိုက်ဆုံးနဲ့ ရင်ဘတ်ထဲ အထိဆုံးစာအုပ်ကို ပြပါဆိုရင် "ပြစ်မှုနှင့် ပြစ်ဒဏ်"စာအုပ်ကြီးပါပဲ။

ကမ္ဘာကျော် ရုရှားစာရေးဆရာကြီး ဒေါစပွိုင်ယက်စကီးရဲ့ ခက်ခဲနက်နဲလှတဲ့ လူသားတို့ရဲ့ စိတ်အောက်ခြေအမှောင်ပိုင်း အဖွဲ့အနွဲ့တွေကို ဆရာကြီး တင်မောင်မြင့်ကသာ မြန်မာမှုပြု မဖန်တီးခဲ့ရင် ရာစကိုးလ်နီကော့ဗ်ရဲ့ စိတ်ဒဏ်ရာတွေကို ကျွန်မတို့ ဒီလောက်အထိ ထိုးထိုးထွင်းထွင်း ခံစားမိမှာ မဟုတ်ပါဘူး။

စာအုပ်တစ်အုပ်ကို ဖတ်နေရင်း ဇာတ်ကောင်နဲ့အတူ လိုက်ပြီး ရင်တုန်ရအောင်၊ စိတ်လှုပ်ရှားရအောင် စကားလုံးအင်အားနဲ့ ဖန်တီးပေးနိုင်ခဲ့တဲ့ ဆရာကြီးရဲ့ စာပေစေတနာနဲ့ ပြောင်မြောက်တဲ့ လက်ရာမွန်တွေကို ဘယ်တော့မှ မေ့မှာမဟုတ်ပါဘူး။

စာအုပ်စင်ပေါ်က "ပြစ်မှုနှင့် ပြစ်ဒဏ်" စာအုပ်လေးကို ကြည့်မိတိုင်း ဆရာကြီးရဲ့ ကျေးဇူးကို အမြဲ အောက်မေ့သတိရနေပါတော့မယ်။

ဆရာကြီး ကောင်းရာသုဂတိလားပါစေ...။ 🙏🌹

20/05/2026

စာကြည့်တိုက်ကို လှူဖို့ စာအုပ်တွေရှင်းရင်း
ဆာဟာရရဲ့ ပုံပြင် စာအုပ်တွေ့တော့ ဆရာမ ဆမ်မောက်ရဲ့ အကြောင်းက ခေါင်းထဲ ရောက်လာတယ်
အဲ့ တာနဲ့ပဲ တခါက ဆရာမ နိုင်းနိုင်းစနေရေးခဲ့တဲ့ ဆမ်မောက် အကြောင်းပြန်လည်ဖော်ပြပေးလိုက်ပါတယ်

မြန်မာစာဖတ်သူတွေက ဆာဟာရနဲ့ ဆမ်မောက်ကို တွဲမြင်တာလား။ နိုင်းနိုင်းစနေနဲ့ ဆမ်မောက်ကိုတွဲမြင်သလား မပြောတတ်ပါဘူး..

တရုတ်စာဖတ်သူတွေကတော့ ဆာဟာရလို့ဆိုလိုက်ရင် ဆမ်မောက်နဲ့တွဲမြင်သလို ဆမ်မောက်လို့ဆိုလိုက်ရင် ဆာဟာရနဲ့တွဲမြင်ကြသတဲ့…

အများက ဆမ်မောက်နဲ့ဟိုဆေးဘာကြောင့်သေတယ် စိတ်ဝင်စားကြတယ်။

စိတ်ဝင်စားမယ်ဆိုလည်း စိတ်ဝင်စားစရာပါ.. “ဆာဟာရ၏နေ့ရက်များ” မှာ ရေးထားတဲ့ ဟိုဆေးနဲ့ ဆမ်မောက်ရဲ့အိမ်ထောင်ရေးက အားကျစရာ၊ ချစ်စရာလေးလေ… ဒီလို ချစ်ရက် သာယာနေရက် ဘာကြောင့် အသေစောကြသလဲလို့ လူတွေသိချင်ကြမှာလည်း မဆန်းဘူးပေါ့။ နှမြောလို့လည်းဖြစ်မယ်၊ ဘာရယ်မဟုတ် သိလိုကြတာဖြစ်မယ်။

ဒီရက်ပိုင်းအားနေလို့ ဆမ်မောက်ရဲ့အင်တာဗျုး (သူ့အစ်မနဲ့မောင်ကို ဗျူးထားတဲ့အင်တာဗျူးတွေ) ရှာကြည့်မိတယ်။ ဆမ်မောက်ဘာကြောင့်သေတယ် မပြောခင် ဆမ်မောက်အကြောင်းနည်းနည်းပြောချင်တယ်။ သူက သူ့ယောက်ျားဟိုဆေးမတိုင်ခင် ဂျာမန်တစ်ယောက်နဲ့လည်း ချစ်ခဲ့ဖူးတယ်။ အဲဒီတုန်းက ထိုင်ဝမ်မှာပေါ့။ မင်္ဂလာဆောင်ခါနီးမှာ ဂျာမန်ဟာ နှလုံးရောဂါဖောက်ပြီး ဆမ်မောက်လက်ပေါ်မှာပဲ သေဆုံးသွားခဲ့တယ်။ ကိုယ်နဲ့ယူခါနီးလူတစ်ယောက် ကိုယ့်လက်ပေါ်မှာသေသွားရတဲ့အဖြစ်က တွေးကြည့်ရုံနဲ့တင် ကြေကွဲရပါတယ်။

နောက်ပိုင်းမှာ ကျောင်းတက်ဖို့ စပိန်ကို ဆမ်မောက်ရောက်သွားခဲ့တယ်။ ပွဲတစ်ခုမှာ ဟိုဆေးနဲ့သူဆုံခဲ့တယ်။ အဲဒီတုန်းက ဟိုဆေးက အထက်တန်းကျောင်းသားတစ်ယောက်.. ဆမ်မောက်ထက် ၆ နှစ်လား ၈ နှစ်လားမသိ ငယ်တယ်။ သူတို့ခင်မင်သွားကြတယ်ဆိုပါစို့။

တစ်နေ့မှာ ဟိုဆေးက ဆမ်မောက်ကို… “ကျွန်တော့်ကို ၆ နှစ်စောင့်ပေးပါ။ တက္ကသိုလ်တက် စစ်မှုထမ်းပြီးလို့ ၆ နှစ်အကြာမှာ ကျွန်တော်တို့လူလွတ်ဖြစ်နေသေးရင် ကျွန်တော်တို့လက်ထပ်ရအောင်” လို့ ပြောတယ်။ အထက်တန်းကျောင်းသားတစ်ယောက်ပြောတဲ့စကားကို ဆမ်မောက် ရယ်ချင်တာပေါ့။ အလေးအနက်လည်း မထားခဲ့မိဘူး။ ဟုတ်ပါပြီလို့ပဲ သူပြန်ဖြေခဲ့တယ်။ အဲဒီ ၆ နှစ်လုံးလုံး ဟိုဆေးသူ့ကို လာမရှာခဲ့ဘူး၊ သူတို့ မတွေ့ခဲ့ကြတော့ဘူး။

၆ နှစ်လွန်ပြီးလို့ တစ်နေ့မှာ ဆမ်မောက်သူငယ်ချင်းက ဆမ်မောက်ကို အံ့သြစရာတစ်ခုပြမယ်ဆိုပြီး ခေါ်လိုက်တယ်။ အဲဒီအံ့သြစရာက ဟိုဆေးပဲ… ဆမ်မောက်ကို ဟိုဆေးလာရှာခဲ့တယ်။ တိုတိုပြောရရင် သူတို့ချစ်သွားကြတယ်။ အဲဒီတုန်းက ဆမ်မောက်ဟာ ဆာဟာရကိုသွားဖို့ ကြိုးစားနေချိန်ပေါ့။ အဲဒီအကြောင်း ဟိုဆေးကိုပြောပြတော့ ဟိုဆေးက ဆာဟာရမှာအလုပ်ရှာပြီး ဆမ်မောက်ထက်ဦးအောင် သွားလိုက်တယ်။ ဆမ်မောက်ရောက်လာရင် အဆင်သင့်ဖြစ်နေအောင်ပေါ့။ နောက်တော့ ဆာဟာရမှာ သူတို့လက်ထပ်လိုက်ကြတယ်။ “ဆာဟာရ၏နေ့ရက်များ” စာအုပ်တစ်အုပ်လုံးက သူနဲ့ဟိုဆေး ဆာဟာရမှာ ဖြစ်ပျက်ကြုံတွေ့ခဲ့ရတာတွေပေါ့။

ဆာဟာရမှာစစ်ဖြစ်တော့ ဆမ်မောက်နဲ့ဟိုဆေးတို့ စပိန်မှာရှိတဲ့ Canary ကျွန်းစုဘက်ကို ပြောင်းလာခဲ့ကြတယ်။ အဲဒီကျွန်းမှာနေခဲ့တဲ့ အတွေ့အကြုံကို ဆမ်မောက်ဒုတိယတစ်အုပ်ဖြစ်တဲ့ “စာခြောက်ရုပ်ရဲ့အပြုံး” မှာ ဖတ်ရမှာဖြစ်ပါတယ်။ ကျွန်မ ဘာသာစပြန်နေပါပြီ။ ဟိုဆေးက ရေငုပ်တာကို ဝါသနာပါတယ်။ တစ်နေ့မှာ ရေသွားငုပ်ရင်း မတော်တဆနဲ့ အသက်ဆုံးရှုံးသွားခဲ့ရတယ်။ သူဆုံးပြီး နှစ်ရက်အကြာမှ ဆမ်မောက်သူ့အလောင်းကို တွေ့ရတယ်။ ဘယ်လောက်ကြေကွဲစရာကောင်းလဲ… သူတို့ရဲ့ အိမ်ထောင်သက်က ၆ နှစ်ပဲရှိသေးတာ။

တိုတိုပြောရရင် ဟိုဆေးဆုံးပြီးနောက် ဆမ်မောက်နိုင်ငံတကာပတ်ပြီး လေလွင့်ခဲ့သေးတယ်။ နောက်ဆုံး ထိုင်ဝမ်ကို သူပြန်လာခဲ့တယ်။ ထိုင်ဝမ်မှာ စာပေဟောပြောပွဲတွေ၊ စာတွေရေးတာ၊ သီချင်းတွေ၊ ရိုက်ကူးရေးတွေ သူအများကြီးလုပ်ခဲ့တယ်။ နောက်တော့ စိတ်ကျရောဂါရသွားတယ်ထင်ပါရဲ့။ သူ့မောင်ရဲ့ အင်တာဗျူးမှာ ဆမ်မောက်ဟာ ၃ ခါလောက် သူ့ကိုယ်သူအဆုံးစီရင်ဖို့ ကြိုးစားခဲ့ဖူးပါသတဲ့။ ဘယ်လိုနည်းနဲ့သေရင် မနာကျင်မလဲလို့ ဆမ်မောက်အမျိုးမျိုးစမ်းသပ်ကြည့်ခဲ့ဖူးတယ်လို့ သူ့မောင်ကပြောပါတယ်။

နောက်ဆုံးတစ်ခေါက်ကတော့ သားအိမ်မှာအကြိတ်ပေါက်လို့ ခွဲဖို့ ဆမ်မောက်ဆေးရုံတက်ခဲ့တယ်။ ဆေးရုံတက်နေရင်း ရေချိုးခန်းမှာ သူ့ကိုယ်သူ ကြိုးဆွဲချအဆုံးစီရင်သွားခဲ့ပါတယ်။ စိတ်ကျရောဂါကြောင့်လား၊ ချစ်ကံခေတဲ့ လူ့ဘဝကို စိတ်ကုန်သွားလို့ပဲလား၊ ဟိုဆေးကို လွမ်းဆွတ်လို့ပဲလား၊ ဘယ်လိုနည်းနဲ့သေရင် မနာကျင်လဲလို့စမ်းကြည့်ရင် လက်လွန်သွားတာလားတော့ မသိပါဘူး။ သူသေတော့ သူ့အသက်က ၄၈ နှစ်ပါ။ သူသေတာ နှစ်ပေါင်း ၂ဝကျော်ရှိခဲ့ပေမယ့် အခုချိန်ထိ ဆမ်မောက်ဟာ တရုတ်စာပေလောကမှာတင်မက သူနေခဲ့တဲ့နေရာတွေမှာပါ အကျိုးပြုနေပါသေးတယ်။

ဆာဟာရမှာ သူနေခဲ့တဲ့နေရာ၊ ဟိုဆေးမြှုပ်ထားတဲ့နေရာတွေကို တရုတ်ခရီးသွားတွေ သွားရှာ၊ သွားလည်ကြလို့ အခုအခါဆိုရင် အဲဒီနေရာတွေဟာ အထင်ကရနေရာအဖြစ် ခရီးသွားဧည့်သည်တွေကို ဆွဲဆောင်တဲ့နေရာတွေဖြစ်နေခဲ့ပါပြီ။ လောကဓံရဲ့ခါးသီးမှု၊ ကြံကမ္မာရဲ့ထိုးနှက်မှုကို ဘယ်သူမဆို ခံစားနေရပါတယ်။ ရှေ့လူရဲ့အဖြစ်အပျက်၊ သူတို့ချန်ထားခဲ့တဲ့ အတွေ့အကြုံကိုယူ၊ သူတို့ရေးခဲ့တဲ့ စာအုပ်ထဲကနေ စိတ်ခွန်အားရစရာတွေ၊ ကောင်းတာတွေကို အတုယူ၊ သင်ခန်းစာယူရင်း အကောင်းမြင်စိတ်တွေနဲ့ ကျွန်မတို့ ရှေ့ဆက်လျှောက်လှမ်းကြရအောင်လား.....

#နိုင်းနိုင်းစနေ

24/04/2026

ဆရာကြီးဦးဖေမောင်တင် (၁၈၈၈ ဧပြီ ၂၄)
၁၃၈နှစ်မြောက်မွေးနေ့

ခေတ်စမ်းစာပေကို မိတ်ဆက်ပေးခဲ့တာနဲ့တင် ဆရာကြီးကျေးဇူး ဆပ်ကုန်ဖွယ်ရာမရှိပြီ 🙏🙏

20/02/2026

🌟 "ကမ္ဘာကို ကိုင်လှုပ်ခဲ့တဲ့ ပန်းတနော်သား - ဦးသန့်" 🌟

"ကမ္ဘာ့ငြိမ်းချမ်းရေးကို ထိန်းသိမ်းခဲ့တဲ့ မြန်မာပြည်

သားတစ်ယောက်အကြောင်း သင် ဘယ်လောက်အထိ သိ

ပါသလဲ?"

သမိုင်းဆိုတာ အတိတ်ကအကြောင်းအရာတွေချည်းပဲ

မဟုတ်ပါဘူး။ အနာဂတ်အတွက် သင်ခန်းစာယူစရာ

လမ်းညွှန်မြေပုံတွေလည်း ဖြစ်ပါတယ်။ မြန်မာ့

ဂုဏ်ဆောင်၊ ကမ္ဘာ့ငြိမ်းချမ်းရေးဗိသုကာ ဦးသန့် (U

Thant) ရဲ့ ဘဝဇာတ်ကြောင်းဟာ စာအုပ်စင်တိုင်းမှာ ရှိ

နေသင့်တဲ့ အဖိုးတန်ရတနာတစ်ခုပါ။

🔥 ဒီစာအုပ်ကို ဘာကြောင့် မဖြစ်မနေ ဖတ်သင့်တာလဲ?

* ၁။ အောက်ခြေဘဝကနေ ကမ္ဘာ့ထိပ်သီးဖြစ်လာပုံ:

ဧရာဝတီတိုင်းက ကျောင်းဆရာလေးတစ်ယောက်ဟာ

ကုလသမဂ္ဂရဲ့ အမြင့်ဆုံးရာထူးကို ဘယ်လို

အရည်အချင်းတွေနဲ့ တက်လှမ်းခဲ့သလဲဆိုတာ စိတ်

လှုပ်ရှားဖွယ် လေ့လာရမှာပါ။

* ၂။ ဒုတိယကမ္ဘာစစ်ကို တားဆီးခဲ့သူ: ကျူးဘားဒုံးပျံ

အရေးအခင်းကြောင့် ကမ္ဘာကြီး နျူကလီးယားစစ်ပွဲ

ဖြစ်တော့မယ့်ဆဲဆဲမှာ ဦးသန့်ရဲ့ "စေ့စပ်ညှိနှိုင်းမှု

အနုပညာ" က ကမ္ဘာကြီးကို ဘယ်လိုကယ်တင်ခဲ့သလဲ?

* ၃။ Leadership Lessons: ခေါင်းဆောင်တစ်

ယောက်မှာ ရှိသင့်တဲ့ "သည်းခံခြင်း၊ မျှတခြင်းနဲ့

ပြတ်သားခြင်း" ဆိုတဲ့ အရည်အချင်းတွေကို ဒီစာအုပ်က

သင်ကြားပေးသွားပါလိမ့်မယ်။

စျေးနှုန်း- ၅၅၀၀ ကျပ်
Multiverse (စာ/နုရပ်ဝန်း)

15/02/2026

"အိမ်ဆိုတာ ပြန်လို့ရတဲ့အရာမှန်းသိလေ ပိုနာကျင်ရလေ
ဒါကြောင့်မို့ မြစ်တွေဟာ
သွယ်ဝိုက်စီးဆင်းတာဖြစ်မယ်"

#ဝင်းမြင့်
R.I.P ပါဆရာရေ

04/02/2026

Walk In မြီးရှည်

အရင်က မှတ်တိုင်လေးထဲမှာ ဖွင့်တဲ့ဆိုင်လေးက အခုတော့ နေရာပြောင်းဖွင့်ထားပါပြီ။ မှတ်တိုင်လေးထဲမှာ ဖွင့်တဲ့ ကိုစိုးကြီးဆိုင်မို့လို့ "မှတ်တိုင်စိုးကြီးမြီးရှည်" ဆိုပြီး လူသိများကြတယ်။

ဒီနေ့သွားစားဖြစ်တော့ မြီးရှည်ရဲ့ ရာဇဝင်ကို လှန်လျှောပြောဖြစ်ခဲ့ကြတယ်။

တကယ်တော့ အီကြာကွေးကြွပ်ကြော်ဆိုတာ အခုနောက်ပိုင်းမှ စားသုံးသူတွေအပေါ်လိုက်ပြီး ပေါ်လာတာဗျ။ တကယ့်မြီးရှည်နဲ့တွဲစားရတဲ့ အစစ်အမှန်က "စအုကြော်" လို့ခေါ်တဲ့ ဂျုံလုံးကြော်ပေါ့။

ပြီးတော့ အသားမှာဆိုရင်လည်း ကလီစာတို့ဆိုတာ အခုနောက်ပိုင်းမှ စားသုံးသူအကြိုက် လိုက်လုပ်ပေးရင်း ဖြစ်ပေါ်လာတာပေါ့။ သူ့ရဲ့နဂိုမူလက အခေါက်၊ အသားနဲ့ပဲ တွဲစားကြတာလေ။

ဒီလိုနဲ့ ရှေးဟောင်းနှောင်းဖြစ် မြီးရှည်အကြောင်းတွေ တီးကြခေါက်ကြရင်း "Walk In မြီးရှည်" ဆိုတာကို ပြောဖြစ်သွားကြတာ။

"Walk In မြီးရှည်" ဖြစ်ပေါ်လာပုံက ဒီလိုဗျာ....

အရင်ခေတ်ကဆို မြီးရှည်ဆိုတာ ဒီလို ဆိုင်ကြီးကနားနဲ့မဟုတ်ဘူးဗျ။ အထမ်းမြီးရှည်လို့ပဲဆိုရမလား ထိုင်စရာနေရာမရှိဘူး။ ပြင်ပေးတဲ့သူလည်း မတ်တတ်ရပ်ပြီး ပြင်ပေးတယ်။ ဟော... စားတဲ့သူလည်း မတ်တတ်ရပ်ပြီး စားရတာပေါ့။

လိုရင် လိုအပ်သလို အပေါ့၊ အငန်၊ အစပ်ကို ကိုယ့်ဘာသာ ကြိုက်သလိုချိန်ဆ ထည့်စားကြရတာလေ။ ခုခေတ်အခေါ်အရ Self service ပေါ့။

မတ်တပ်ရပ်စား၊ စကားတွေပြောကြနဲ့ဆိုတော့ "Walk In မြီးရှည်" ဆိုပြီး ကျွန်တော်က ခေတ်သစ်အသုံးအနှုန်းနဲ့ ချိတ်ဆက်ပြီး ကိုယ့်ဘာသာ သတ်မှတ်လိုက်တာ။ ကျွန်တော်တို့ ကော်ဖီယဉ်ကျေးမှုထဲက Slow Bar Culture နဲ့တောင် သွားဆင်တယ်။

ဒီနေရာမှာ ကြုံတုန်းပြောရရင် မြီးရှည်ဆိုတာ သူ့ဟာနဲ့သူ ဖြေဆေးပါပြီးသား စားစရာတစ်ခုဗျာ။ ဥပမာ မြီးရှည်ကိုစားတဲ့အခါ ဟင်းချိုမှုန်လျှော့ပေး၊ နံနံပင်ရှောင်ပေး ဘာညာတွေက ပြောရရင် အနည်းငယ် လွဲသလိုရှိတာဗျ။

တက်စေမယ့် ပဲငပိတို့ပါရင်တောင် သူ့ကိုဖြေပေးမယ့် နံနံပင်နဲ့လုပ်ထားတဲ့တစ်ခုက ဖြေပေးတာမျိုးပေါ့။

ပြောချင်တာ ဘာမှမရှောင်ဘဲ စားစေချင်တာပေါ့။

စာကြွင်း... ဆိုင်ရှင်အဆိုအရ သူတို့လည်း နှစ်ပေါင်းမနည်းဘူး စားလာတာ အခုထိ ဘာမှမဖြစ်ဘူးပေါ့။ သူ့ဟာနဲ့သူ အစပ်အဟပ် တည့်ပြီးသားဆိုတာမျိုး။

နိဂုံးကတော့ အရင်က မှတ်တိုင်မြီးရှည်ဆိုင်လေးကို ၃၈လမ်းမပေါ်၊ ၈၂ လမ်းထောင့် မီးပွိုင့်နားမှာ နေရာပြောင်းလဲ ဖွင့်လှစ်ထားပါကြောင်း သတင်းကောင်းပါးချင်တာပါပဲ။

28/01/2026

"ဘဝဆိုတဲ့ သစ်ပင်ကနေ ဝိညာဉ်ရေးရာ အသီးအနှံတွေကို ဆွတ်ခူးခြင်း"

အကယ်၍ သင်ဟာ ရာဘင်ဒြာနတ် တဂိုးရဲ့ Gitanjali (သီချင်းပူဇော်သက္ကာ) ကို နှစ်သက်ခဲ့ဖူးရင် Fruit-Gathering ဟာ သင့်အတွက် မဖတ်မဖြစ် စာအုပ်တစ်အုပ်ပဲဖြစ်ပါတယ်။
၁၉၁၆ ခုနှစ်မှာ ထွက်ရှိခဲ့တဲ့ ဒီကဗျာပေါင်းချုပ်ဟာ တဂိုးရဲ့ ဝိညာဉ်ရေးရာ ခရီးစဉ်ကို ပိုပြီး ရင့်ကျက်တဲ့ အမြင်နဲ့ ဆက်လက် တင်ပြထားတာ ဖြစ်ပါတယ်။

ဒီစာအုပ်ထဲမှာ ကဗျာတိုလေး ၈၆ ပုဒ် ပါဝင်ပါတယ်။ တဂိုးဟာ သဘာဝတရား (ပန်းပွင့်တွေ၊ မြစ်ရေတွေ၊ မိုးတိမ်တွေ) ကို အသုံးပြုပြီး လူသားနဲ့ ဖန်ဆင်းရှင်ကြားက ဆက်သွယ်မှုကို ဖော်ပြလေ့ရှိပါတယ်။ ဖတ်နေရင်းနဲ့ စိတ်နှလုံးကို အေးချမ်းစေတဲ့ "Peaceful Vibration" တစ်ခုကို ခံစားရမှာပါ။

စာအုပ်ခေါင်းစဉ်ကတင် အလွန်လေးနက်လှပါတယ်။ ကျွန်ုပ်တို့ဟာ ဘဝမှာ နေ့စဉ် ရုန်းကန်လှုပ်ရှားရင်း အတွေ့အကြုံ အသီးအနှံတွေကို ဆွတ်ခူးနေကြတာပါ။ အဲဒီ အသီးအနှံတွေကို ငါ့အပိုင်ဆိုပြီး သိမ်းထားဖို့ထက် "လောကကြီးကို ပြန်လည် ပေးဆပ်ဖို့ (သို့မဟုတ်) ပူဇော်ဖို့" ဆိုတဲ့ အယူအဆက ဒီစာအုပ်ရဲ့ အသက်ဖြစ်ပါတယ်။

ဒီစာအုပ်ဟာ သတ်မှတ်ထားတဲ့ ဘာသာရေးတစ်ခုထက် "အချစ်" နဲ့ "လွတ်လပ်မှု" ကို အခြေခံတဲ့ ဝိညာဉ်ရေးရာကို ဦးတည်ထားပါတယ်။ "ငါ" ဆိုတဲ့ အတ္တကို ဘယ်လို စွန့်လွှတ်မလဲ၊ လောကကြီးရဲ့ အလှတရားမှာ ကိုယ့်ကိုယ်ကိုယ် ဘယ်လို နှစ်မြှုပ်မလဲဆိုတာကို လမ်းညွှန်ပေးပါတယ်။

"My offering done, I shall stand before thee, and looking into thy face, I shall find that which is mine and yet more than mine."

ကျွန်ုပ်၏ ပူဇော်မှု ပြီးဆုံးသောအခါ၊ အရှင်မြတ်၏ ရှေ့မှောက်တွင် ရပ်၍ မျက်နှာတော်ကို ဖူးမြော်ပါမည်။ ထိုအခါ ကျွန်ုပ်ပိုင်ဆိုင်သောအရာနှင့် ကျွန်ုပ်ပိုင်ဆိုင်သည်ထက် ပိုမိုနက်နဲသောအရာကို ရှာတွေ့ပါလိမ့်မည်။

ဒီစာအုပ်ကို
* စိတ်ဖိစီးမှုများနေပြီး စိတ်ပိုင်းဆိုင်ရာ ငြိမ်းချမ်းမှု ရှာဖွေနေသူများ
* ကဗျာကို စကားပြေလို အေးအေးလူလူ ဖတ်ချင်သူများ
* ဘဝရဲ့ အဓိပ္ပာယ်နဲ့ လောကနိယာမတွေကို အတွေးပွားလိုသူများ ဖတ်သင့်ပါတယ်

စာရေးဆရာ- ရာဘင်ဒြာနတ်တဂိုး
စာအုပ်အမည်- Fruit Gather(သီးဆွတ်ချိန်)
ဘာသာပြန်- မြင့်စိုးလှိုင်
တန်ဖိုး- ၉၀၀၀ ကျပ်

Multiverse (စာ/နုရပ်ဝန်း)

24/01/2026

Victor Hugo ရဲ့ Les Misérables ဟာ ကမ္ဘာ့ဂန္ထဝင်စာပေလောကမှာ အကြီးကျယ်ဆုံးနဲ့ အလွှမ်းမိုးနိုင်ဆုံး ဝတ္ထုကြီးတစ်ပုဒ်ပါ။ ဒီစာအုပ်ဟာ လူသားချင်းစာနာထောက်ထားမှု၊ တရားမျှတမှုနဲ့ ရုန်းကန်လှုပ်ရှားမှုတွေကို အနုပညာမြောက်စွာ ပုံဖော်ထားပါတယ်။

ဇာတ်လမ်းက Jean Valjean ဆိုတဲ့ အမျိုးသားတစ်ဦးကို ဗဟိုပြုထားပါတယ်။ သူဟာ ငတ်မွတ်နေတဲ့ တူလေးအတွက် ပေါင်မုန့်တစ်လုံး ခိုးမိရာကနေ ထောင်ဒဏ် ၁၉ နှစ် ကျခံခဲ့ရသူပါ။ ထောင်ကလွတ်လာတဲ့အခါမှာလည်း "ရာဇဝတ်သား" ဆိုတဲ့ တံဆိပ်ကပ်ခံရပြီး လူ့အဖွဲ့အစည်းရဲ့ အပယ်ခံဖြစ်ခဲ့ရပါတယ်။ ဒါပေမဲ့ ဘုန်းတော်ကြီးတစ်ပါးရဲ့ မေတ္တာတရားကြောင့် သူဟာ နောင်တရပြီး လူကောင်းတစ်ယောက်အဖြစ် ဘဝသစ်ကို ပြောင်းလဲနေထိုင်ခဲ့ပါတယ်။
သူ့ဘဝတစ်လျှောက်လုံးမှာ ဥပဒေကို အတိအကျလိုက်နာလွန်းတဲ့ ရဲအရာရှိ Javert ရဲ့ လိုက်လံဖမ်းဆီးမှုကို ခံခဲ့ရသလို၊ ဒုက္ခသည်အမျိုးသမီး Fantine ရဲ့ သမီးလေး Cosette ကို စောင့်ရှောက်ရင်း ၁၉ ရာစု ပြင်သစ်တော်လှန်ရေး ရေစီးကြောင်းထဲကို ရောက်ရှိသွားပုံကို ရေးဖွဲ့ထားတာပါ။

"ချစ်ခြင်းမေတ္တာဆိုတာ ဘုရားသခင်ရဲ့ မျက်နှာတော်ကို ဖူးမြင်ရတာပါပဲ"
— Victor Hugo (Les Misérables)

ဂျီဗလကြီး
Les Miserables
Victor Hugo
စျေးနှုန်း- ၅၀၀၀၀ ကျပ်

Multiverse (စာ/နုရပ်ဝန်း)

22/01/2026

"ဒီလောကကြီးမှာ အမုန်းတွေထက် အချစ်ကသာ ပိုပြီး

စွမ်းအားကြီးတယ်ဆိုတာကို ယုံကြည်ပါသလား?"

ဆရာကြီး တက္ကသိုလ်ဘုန်းနိုင်ရဲ့ လက်ရာမွန်တွေထဲက

တစ်ခုဖြစ်တဲ့ "ချစ်သော ဤကမ္ဘာ" ဟာ ဖတ်ဖူးသူတိုင်း

ရဲ့ ရင်ထဲမှာ မေတ္တာတရားရဲ့ အေးမြမှုကို ခံစားရစေမယ့်

ဝတ္ထုကောင်းတစ်ပုဒ်ပါ။

ဇာတ်ဆောင် မင်းကြည်ရဲ့ ခံစားချက်တွေ၊ ဘဝရဲ့

အနိမ့်အမြင့်တွေကြားက ခိုင်မြဲတဲ့ သံယောဇဉ်တွေကို

ဆရာကြီးက စိတ်ပညာရှုထောင့်ကနေ ရသမြောက်စွာ

ရေးဖွဲ့ထားပါတယ်။ ဘဝအမောတွေကြားမှာ စိတ်

အပန်းပြေဖို့နဲ့ မေတ္တာတရားရဲ့ တန်ဖိုးကို ပြန်လည်ရှာဖွေ

ဖို့အတွက် ဒီစာအုပ်ကို လက်မလွှတ်တမ်း ဖတ်ရှုသင့်ပါ

တယ်။

စာရေးဆရာ - တက္ကသိုလ်ဘုန်းနိုင်
စာအုပ်အမည် - ချစ်သောဤကမ္ဘာ
စျေးနှုန်း - ၁၂၀၀၀ ကျပ်

Preorder မှာယူရရှိနိုင်ပါတယ်ရှင်။

Multiverse ( စာ/နုရပ်ဝန်း)

21/01/2026

ခက်ခဲကျပ်တည်းတဲ့ကာလမှာ ဘုရားသခင်ရဲ့ ကောင်းချီးကို ဘယ်လိုရယူမလဲ? 🌾

စီးပွားရေးတွေ ခက်ခဲနေလား?
အနာဂတ်အတွက် စိုးရိမ်နေရသလား?
Joseph Prince ရဲ့ "Faith in Time of Famine" စာအုပ်က သင့်ကို အဖြေပေးပါလိမ့်မယ်။

✅ အငတ်ဘေးကြားမှာ အဆပေါင်း ၁၀၀ ရိတ်သိမ်းခဲ့တဲ့Issacရဲ့ လျှို့ဝှက်ချက်။
✅ လောကီစီးပွားရေးစနစ်ထက် မြင့်မားတဲ့ ဘုရားသခင်ရဲ့ ထောက်ပံ့မှု။
✅ ကြောက်ရွံ့ခြင်းကို ယုံကြည်ခြင်းနဲ့ ဘယ်လိုအောင်နိုင်မလဲ ဆိုတာတွေ လမ်းပြထားပါတယ်

ဒီစာအုပ်ဟာ သင့်ရဲ့ "မလောက်ငဘူး" ဆိုတဲ့ အတွေးအခေါ်ကို "ကြွယ်ဝခြင်း" အဖြစ် ပြောင်းလဲပေးမယ့် လမ်းပြမြေပုံတစ်ခုပါ။ ကျပ်တည်းမှုကြားမှာ လမ်းပျောက်နေသူတိုင်း ဖတ်သင့်တဲ့စာအုပ်ကောင်း ဖြစ်ပါတယ်။

ယနေ့ခေတ်လို စိန်ခေါ်မှုများတဲ့အချိန်မှာ ခရစ်ယာန်တစ်ယောက်အနေနဲ့ ဘယ်လိုရပ်တည်ရမလဲဆိုတာ Joseph Prince က ဒီစာအုပ်မှာ အချက်ကျကျ ရှင်းပြထားပါတယ်။
ဒီစာအုပ်ဖတ်ရှုပြီးတဲ့နောက်မှာ

* Supernatural Provision: ကိုယ့်အစွမ်းအစထက် ကျေးဇူးတော်ကို အားကိုးတတ်လာမယ်။
* Fearless Living: အနာဂတ်အတွက် စိုးရိမ်ပူပန်မှုတွေကို အနိုင်ယူတတ်လာမယ်။
* The Power of Confession: နှုတ်ကပတ်တော်ကို ဝန်ခံခြင်းဖြင့် အခြေအနေတွေကို ပြောင်းလဲတတ်လာမယ်။

အခြေအနေတွေဆိုးနေပေမဲ့ သင့်ရဲ့ ကောင်းချီးတံခါးက ပိတ်မသွားပါဘူး။ ယုံကြည်ခြင်းနဲ့ ရှေ့ဆက်ဖို့ ဒီစာအုပ်ကို ဒီနေ့ပဲ မှာယူဖတ်ကြည့်လိုက်ပါ။

စာအုပ်အမည် - Faith in times of famine
စာရေးဆရာ - Joseph Prince
ဘာသာပြန် - M.E.T ( mm.eng.translate)
စျေးနှုန်း - ၈၀၀၀ ကျပ်

Preorder မှာယူရရှိနိုင်ပါတယ်ရှင်။

Multiverse (စာ/နုရပ်ဝန်း)

MULTIVERSE-Literature

18/06/2026

20/05/2026

24/04/2026

20/02/2026

15/02/2026

04/02/2026

28/01/2026

24/01/2026

22/01/2026

21/01/2026

Address

Website

Alerts

Shortcuts

Share

Category