22/06/2022
ဘွန်ဇိုင်းအိုး
ဘွန်ဇိုင်းအိုးသည် သာမန်အိုးတစ်အိုးပင် ဖြစ်သော်လည်း ဘွန်ဇိုင်း၏ မျိုးရင်းနှင့် စတိုင်ကိုလိုက်
သုံးသင့်သည့်အိုး၏အရောင်၊ ပုံသဏ္ဌာန်နှင့် အရွယ်အစား ကွဲပြားမှုရှိပါသည်။ ဘွန်ဇိုင်းသစ်တောနှင့်ဖောင်ဖွဲ့အပင်များ အတွက် အိုးတိမ်၊ အိုးပြား၊ဘဲဥ ပုံသဏ္ဌာန်အိုးကို သုံးရသကဲ့သို့ ပျောင်းနွဲ့စတိုင် နှင့်ပင်စည်ရှည်သည့် သစ်ပင်စုများအတွက် အိုးတိမ်၊ အိုးအဝိုင်း မီးခိုးရောင် ဖျော့တော့တော့ကို သုံးသင့်ပေသည်။
ဘွန်ဇိုင်းပင် ထည့်စိုက်မည့် အိုးရွေးချယ်ရာ၌ အပင်နှင့်စပ်ဟပ်လိုက်ဖက်ရန် စဉ်းစားရသကဲ့သို့ အောက်ပါမရှိမဖြစ် လိုအပ်သည့် အင်္ဂါရပ်များနှင့်လည်း ပြည့်စုံရပါမည်။
(က)ရေထွက်ပေါက်လုံလောက်ရမည်။သာမန်စိုက်အိုးများတွင် ပါရှိသည့် ရေထွက်ပေါက်အချိုးအဆ ထက် ပိုသင့်သည်။
(ခ)အိုး၏ ကြမ်းခင်းညီညာပြန့်ပြူးရမည်။
(ဂ)အိုးတွင်ခြေထောက်အနိမ့်ကလေးများပါရမည်။ သို့မှ ရေထွက်ကောင်းသည်။
(ဃ)အိုးအတွင်း စပ်မြေထည်သည့်ဘက်တွင် စဉ့်အရည်သုတ်ထားခြင်း၊ ပြောင်လက်ချောမွတ်ထားခြင်း
များ မရှိစေရ။ အမြစ်များ ကုပ်တွယ်ရန် ခက်ခဲသကဲ့သို့ ရေအခြောက်မြန်စေသဖြင့် မသင့်တော်ချေ။
(င)ကျောက်ထွင်းအိုးဖြစ်လျှင် ပိုကောင်းသည်။
(စ)ပလတ်စတစ်အိုးများမှာ ဈေးသက်သာသကဲ့သို့ လှပမှု ရှိသော်လည်း ခေတ္တသာ အသုံးပြုသင့်သည်။
ခြစ်ရာ၊ ရှရာများ အလွယ်တကူ ထင်တတ်သဖြင့် ပြပွဲများတွင် မသုံးသင့်ချေ။
အထက်၌ ဖော်ပြပြီးဖြစ်သည့်အတိုင်း ဘွန်ဇိုင်းနှင့် လိုက်ဖက်သည့် အိုးကို ရွေးချယ်ရာ၌ အိုး၏
ဏ္ဌာန်၊ အရောင်နှင့် အရွယ်အစားပေါ်မူတည်၍ အောက်ပါအတိုင်း ရွေးချယ်သုံးစွဲလေ့ရှိပါသည်။
(၁) အိုး၏ ပုံသဏ္ဌာန် - အပင်မျိုးရင်းပေါ်မူတည်၍ အိုး ပုံသဏ္ဌာန်ရွေးချယ်ရာ၌ ထင်းရှူးပင်မျိုးရင်းအပင်များအား ပင်စည်ဖြောင့်မတ်ပါက စတုရန်းပုံ (သို့မဟုတ်) ဘဲဥပုံ အိုးအတိမ်ကို အသုံးပြုသည်။ရွက်ကြွေပင်ကြီးမျိုးများအား ထောင့်မှန်စတုဂံပုံ (သို့မဟုတ်) ဘဲဥပုံ အိုးတိမ်၊ အိုးပြားကို အသုံးပြုသည်။ ဘွန်ဇိုင်းစတိုင်ပေါ်မူတည်၍ အိုးပုံသဏ္ဌာန်ရွေးချယ်မှု၌ ပင်စည်စောင်းစတိုင်အတွက် မတိမ်လွန်း မနက်လွန်း အနေတော်စောက်ရှိသည့် ဘဲဥပုံအိုး(သို့)အိုး အဝိုင်းပုံကိုလည်းကောင်း၊ ရေတံခွန်စတိုင် ဘွန်ဇိုင်းအား စောက်နက်သည့် အိုးအဝိုင်း (သို့) စတုရန်းပုံလည်းကောင်း၊ သစ်တောအုပ်စတိုင် ဘွန်ဇိုင်းအား ထောင့်မှန်စတုဂံပုံ (သို့) ဘဲဥပုံ အိုးတိမ်တိုင်းလည်းကောင်း၊ ရေတံခွန်တစ်ပိုင်းစတိုင် ဘွန်ဇိုင်းအား စောက်နက်သည့်စတုရန်းပုံ အိုးတွင်လည်းကောင်းအများဆုံး ထည့်သွင်းစိုက်ပျိုးလေ့ ရှိကြပါသည်။ပင်စည်ပင်လုံးသေးသွယ်ရှည်လျားပြီး ရွက်အုပ်မများလှသည့် ဘွန်ဇိုင်းအား စောက် နက်အိုးကြီးများအတွင်း ထည့်သွင်းမစိုက်သင့်ပေ။
(ခ) အိုး၏အရောင် - ထင်းရှူးပင်မျိုးရင်း ဘွန်ဇိုင်းများ အတွက် ငြိမ်သက်သည့်အရောင်များဖြစ်အညိုရောင်၊ ခရမ်းရောင်နှင့် အုတ်နီခဲရောင် အိုးများ ရွေးချယ်လေ့ရှိပြီး ရွက်ကြွေပင်မျိုးရင်းများ၊ပြောင်လက်သည့် အစိမ်းရောင်နှင့် အပြာရောင်ပေါ်တွင် အဖြူစက်ငယ်များ ဖောက်ထား
အရောင်ရှိ အိုးကို ရွေးချယ်အသုံးပြုလေ့ရှိသည်။ အသီးသီးပြီး အပွင့် ပွင့်သည့် ဘွန်ဇိုင်းပင်အတွက် အိုးအရောင်ရွေးချယ်ရာတွင်မူ အသီးအရောင်နှင့် အပွင့်အရောင်ကို ကြွထလားစေမည့် အရောင်ကွာခြားမှုရှိသည့် အိုးကို ရွေးချယ်ရမည်။ အနီရောင်ပန်းပွင့်သည့် ဘွန်ဇိုင်းပင်အာ အနီရောင်အိုးမှာ မသင့်လျော်ချေ။
(ဂ) အိုး၏အရွယ်အစား - အုပ်စုလိုက် စိုက်ပျိုးသော ဘွန်ဇိုင်းစတိုင်မှလွဲ၍ ကျန်ဘွန်ဇိုင်းစတိုင်များအား ယေဘုယျခြုံငုံသုံးသော နည်းတစ်နည်းရှိပါသည်။ ၎င်းနည်းမှာ ဘွန်ဇိုင်းအိုး၏ အလျားသည် အပင်အမြင့်၏ ၂/၃ ရှိရန် (သို့မဟုတ်) အနိမ့်ဆုံးအကိုင်း နှစ်ဖက်ထိပ် အကျယ်ဆုံးနေရာ၏ ၂/၃ ဖြစ်သည်။ ဥပမာ- ၂၅ လက်မ အမြင့်ရှိ ဘွန်ဇိုင်းပင်တစ်ပင်၏ အနိမ့်ဆုံးကိုင်း နှစ်ကိုင်း၏ ဘယ်၊ညာစွန်နှစ်ဖက် အကျယ်ဆုံးနေရာသည် ၂၄ လက်မနှင့် ရှေ့နောက် ၂၅ လက်မ စီရှိ ကြလျှင် အလျားသည် ၁၆ လက်မ ဖြစ်ပေမည်။
Crd; ဆရာရင်မောင်(မြတ်စုရင်)
